Viggó á sér eina ósk en til þess að hún geti ræst verður hann að vera eins óþekkur og hann getur. Þegar Dalía vinkona hans mætir á svæðið kvikna nýjar og slæmar hugmyndir og einhver gæti ályktað að ekki væri hægt að baka meiri vandræði. En þá tekur amma Viggós afdrifaríka ákvörðun sem gæti sett hátíðahöld ársins á annan endann.
Næstversti dagur í lífi Sölku Álfheiðar var viku fyrir sjö ára afmælið hennar, það var dagurinn sem Guð hætti að tala við hana. Versti dagurinn var dagurinn sem mamma hennar dó. Til að gera veröldina rökrétta aftur býr Salka til lista. Einn þeirra er Guðslistinn, þar sem hún telur til allar ástæðurnar sem gætu búið að baki því að Guð yfirgaf hana.
Eyja vaknar á hverjum morgni til að hlúa að ljósinu í vitanum. Mamma hennar hefur verið í burtu lengur en nokkru sinni áður og í ljós kemur að Eyja er ekki sú eina sem saknar foreldra sinna. Allt fullorðna fólkið á Hrafnsey er horfið. Fótspor við hrygginn benda til þess að einhver hafi stigið fæti þangað sem aldrei má fara.
Hér birtast á mjög mörgum blaðsíðum fimm ár af fnæsi yfir öllu frá hversdeginum til heimsmála. Stundum er fnæst af gleði, stundum af reiði og stundum af uppgjöf. Myndasögurnar í bókinni spegla sameiginlega reynslu samfélags sem er oft flókin en oft svo fyndin.
Bandaríkin á öldinni okkar: Hryðjuverkastríð, efnahagshrun og endalok heimsveldis
Hér er fjallað um Bandaríkin á 21. öld, uppruna og afleiðingar 11. september, efnahagshrunið sem öllu breytti og sundrung þjóðarinnar. Að hætti hússins fléttar höfundur eigin upplifanir inn í frásögnina. Bruce Springsteen kemur nokkuð við sögu og jafnvel Rocky er sóttur heim í þessu landi sem ávallt virðist geyma bæði það besta og það versta.
Þegar ég horfði í spegilinn þennan morgun var ég eins og áður. Það hafði ekkert breyst. Ég var með sama hárið, sama andlitið, sömu augun ... og þó, kannski ekki sömu augun – því að þau sáu eitthvað annað. Þau sáu Elías. Fyrsta skiptið er saga um gleðina sem felst í því að finna sinn stað í eigin líkama.
Gönguleiðir við náttúruperlur Íslands hefur að geyma leiðarlýsingar hátt í 50 stuttra gönguleiða í námunda við þekkta áfangastaði í íslenskri náttúru. Oft má auðveldlega og á stuttum tíma færa sig frá fjölförnum stöðum og finna kyrrðina á göngu á fáfarnari slóðum rétt við náttúruperlur landsins.
Einfaldar uppskriftir að ís, sorbet, mjólkurhristingum, smoothie-skálum, frosnum drykkjum og fleira
Búðu til þínar eigin frosnu kræsingar á nokkrum mínútum með Ninja Creami. Það geta allir fundið eitthvað við sitt hæfi í þessari fjölbreyttu bók - ís, sorbet, gelato, mjólkurhristinga, frappé, krap, smoothie-skálar og margt fleira! Uppskriftirnar eru einfaldar og fljótlegar og þeim fylgja ítarlegar leiðbeiningar.
Matti er kominn til Bjarkareyjar og hlakkar til að njóta bæjarhátíðarinnar með Hönnu Stínu, vinkonu sinni. Hann er þó varla stiginn á land þegar furðulegir atburðir eiga sér stað og fyrr en varir dragast vinirnir inn í æsispennandi kapphlaup við tímann þar sem dularfullur íssali, kuldaköst á miðju sumri og gömul leyndarmál koma við sögu.
Matthildur Mía er hálf hagamús og hálf húsamús. Hún er að fara í heimsókn með fjölskyldu sinni í Hagann. Matthildur er spennt fyrir ferðalaginu og að hitta alla en líka smá kvíðin því lífið í Haganum er allt öðruvísi en í borginni og henni finnst hún ekki tala nógu góða hagamúsísku. Bókin hentar vel sem léttlestrarbók.
Ómar litli er logandi hræddur við skrímsli. Eðlilega! Enn eina nóttina er honum rosalega mál að pissa en þorir ekki fram úr rúminu sínu. En þá man hann eftir skrímslafælunni sem mamma hans gaf honum. Hann verður að safna kjarki og hætta sér niður stigann til að komast á klósettið!
Listin að leiða öruggt og uppbyggilegt ferli að sameiginlegri lausn ágreiningsmála
Markmið sáttamiðlunar er að vinna úr ágreiningi og deilum, bæta samskipti, sambönd og samvinnu ásamt því að auka traust og virðingu á milli aðila. Í bókinni eru undirstöðuatriði sáttamiðlunar dregin fram og kafað dýpra í einstaka þætti hennar til að veita lesandanum þekkingu, hæfni og getu til að vinna með deilur á uppbyggilegan hátt.
Eldáin rennur niður dalinn eins og þráður í gegnum líf sveitunganna. En það er þungi í straumhljóðinu. Æskuvinirnir í dalnum eru bornir og barnfæddir með bændablóð í æðum og trúa á sauðkindina öðru fremur. Enginn þó meira en Ásta sem kann betur við skepnurnar en mannfólkið.
Allý er búin með fyrsta árið í menntaskóla og margt hefur breyst í lífi hennar. Nýir vinir, vandamál heima fyrir og í ástarlífinu og pabbi hennar ákveður að senda hana í sveit. Allý er staðráðin í að gera vistina erfiða fyrir alla en eftir því sem líður á sumarið gerir hún sér grein fyrir að hún er að falla fyrir Degi sem vinnur á bænum.
Þegar Rakel missir stjórnina á vel skipulögðu lífi sínu ákveður hún að fara í sjálfskipaða útlegð í Andalúsíu. Þar þarf hún að horfast í augu við sjálfa sig og drauga fortíðar sem hún hefur grafið djúpt. Rakel er áttavillt en smátt og smátt lærir hún að feta þröngar götur á framandi slóðum. Stærsta áskorun Rakelar er þó að kynnast sjálfri sér.