Míkadó
Í skáldsögunni Míkadó segir Gerður Kristný sögu frá Reykjavík níunda áratugarins. Með ísmeygilegri kímni og hnífskörpu innsæi er dregin upp lýsing á heimi sem stundum virðist kæfandi en stundum barmafullur af möguleikum.
Útgefandi: Forlagið - Mál og menning
Síða 3 af 4
Móðurást: Lausnargjaldið
Fjórða bókin í verðlaunaritröð höfundar um Oddnýju langömmu sína í Biskupstungum á ofanverðri 19. öld. Þegar líður á sólskinssumarið 1878 hleypur galskapur í vinnukonurnar í Bræðratungu og þær setja allt á annan endann. Næm eyru heyra vinda frelsis blása sunnan úr Evrópu og þá er freistandi að fylgja hjarta sínu þótt það geti reynst dýrkeypt.
Nornin í eldhúsinu
Einn dimman desembermorgun birtast tvær glitrandi glyrnur í myrkrinu og boða upphafið að stórskemmtilegum ævintýrum þar sem við sögu koma kafloðinn risahundur og dálítið geðvond norn sem búa í skrítnasta kofa í heimi. Sagan vann samkeppni Borgarbókasafnsins og Bókmenntaborgarinnar um jóladagatal ársins 2020 en kemur hér út með glænýjum myndum.
Ókunnugt fólk
Áhrifamikil saga um brotna fjölskyldu og óuppgerða fortíð þar sem eldri hjón og uppkomin börn þeirra segja söguna hvert um sig. Síðan elsti sonurinn hvarf fyrir tuttugu árum hefur sorgin sundrað og þau hafa gengið hvert sína leið, ófær um að græða sárin, þar til helgina sem óvænt atvik neyðir þau til að horfast í augu og spegla sig hvert í öðru.
Pysjan hennar Freyju
Stundum villast litlu lundapysjurnar í Vestmannaeyjum inn í bæinn í stað þess að fara á haf út. Þá hjálpast eyjarskeggjar að við að koma þeim öruggum út á sjó. En það er ekki auðvelt verk! Fjörug saga um hugrekki með gullfallegum teikningum Lindu Ólafsdóttur úr íslenskri náttúru.
Raunamæddi risinn
Einu sinni var raunamæddur risi sem aldrei hló. Hann hélt af stað í langa ferð í leit að hlátrinum. Ævintýrið um raunamædda risann eftir Áslaugu Jónsdóttur kom fyrst út árið 1995. Tímalaus perla eftir verðlaunahöfund.
Síðasti spellvirkinn
Saga dansks andspyrnumanns
Nasistar héldu dönsku þjóðinni í heljargreipum eftir hernám þeirra árið 1940. Hér er sögu spellvirkjans Ejlers Borch (f. 1925) fléttað saman við frásögn af dönsku andspyrnunni og Gestapó. Útkoman er spennandi og persónuleg frásögn, byggð á viðtölum við Ejler og fjölskyldu hans og umfangsmikilli heimildavinnu.
Skaðræðisskepnur
Einu sinni var ...
Þegar Gunnar lendir enn einu sinni í veseni í skólanum ákveða foreldrar hans að senda hann í sveit. Á bænum Steini býr stórskrýtin fjölskylda, óþolandi köttur og beljur sem hætta ekki að skíta. En eitthvað leynist í sveitinni. Eitthvað hættulegt sem felur sig í hrauninu og skilur eftir sig risastór fótspor. Fyrsta bókin í æsispennandi bókaflokki!
Múmínálfarnir Skoðum vitann
Fylgdu múmínsnáðanum sem rekur dularfulla slóð um allan vitann. Á leiðinni þarf að kanna öll herbergin, gá á bak við hurðir og inn í skápa. Hvar eru múmínmamma og múmínpabbi eiginlega? Skoðum vitann er bráðskemmtileg saga, kjörin fyrir alla unga múmínvini. Hér er fjölmargt áhugavert að skoða og finna!
Skugginn
Dögg er nýflutt í gamalt hús ásamt mömmu sinni, kærastanum hennar og dóttur hans – sem hún þekkir ekkert þótt þær séu báðar í Kvennó. Þegar stelpurnar verða sannfærðar um að reimt sé í íbúðinni neyðast þær þó til að snúa bökum saman og komast að því hvað draugurinn vill þeim. Brátt eru þær komnar á blóði drifna slóð látinna unglingsstúlkna.
Spæjarastofa Lalla og Maju Slökkviliðsráðgátan
Dularfullir eldsvoðar herja á Víkurbæ. Sem betur fer eru alls staðar slökkvitæki og annar öryggisbúnaður og allt fer vel. En af hverju hverfa verðmæti eftir að slökkviliðið kemur á staðinn? Spæjararnir Lalli og Maja einsetja sér að leysa ráðgátuna. Litmyndir á hverri opnu. Frábær bók fyrir þau sem vilja byrja að lesa sjálf.
Vísindalæsi 7 Sólmyrkvar
Sólmyrkvar eru stórkostlegasta sýning náttúrunnar. En þeir eru ekki bara einstaklega fallegir heldur hafa þeir hjálpað okkur að afhjúpa leyndardóma sólar, staðfest eina merkilegustu vísindakenningu sögunnar og leitt í ljós að sólarhringurinn á Jörðinni er að lengjast. Mögnuð léttlestrarbók úr hinum vinsæla Vísindalæsisflokki.
Strákurinn með sægrænu augun
Tóbías Mar hefur alist upp um borð í sjóræningjaskipinu Söng sírenunnar undir verndarvæng Sigurmars Sjólfs skipstjóra. Dag einn veita herskip keisaraveldisins Sírenunni grimmilega eftirför. Þá kemst Tóbías óvænt að því að í honum búa magnaðir kraftar sem tengjast hafinu og við tekur mikil hættuför um nýja og framandi heima.
Ljóðmæli Stúlka og Hagalagðar
Júlíana Jónsdóttir var fyrst íslenskra kvenna til þess að fá gefna út bók eftir sig, ljóðabókina Stúlku sem kom út 1876. Í þessari 150 ára afmælisútgáfu koma báðar ljóðabækur Júlíönu út í einu bindi. Ljóðin bera aldurinn vel og vitna um leiftrandi gáfur, seiglu og skopskyn höfundar sem hlaut litla skólagöngu og var vinnukona frá ungaaldri.
Teiknimyndaránið
Halli og Tóti eru bestu vinir og gera allt saman. Þegar Tóti tilkynnir Halla að hann muni flytja til Svíþjóðar sumarið eftir 7. bekk hrynur veröldin. Vinirnir munu ekki einu sinni ná að horfa saman á framhaldið af uppáhaldsteiknimyndinni sinni, Bankaráninu, áður en Tóti fer! Ja, ekki nema Halli nái að fremja hið fullkomna rán ...
Sturla Tvíburaveiðar
Regína og Litlavin eru eins ólíkar í útliti og hægt er. Auk þess ólst Regína upp hjá hertoganum í Normandí en Litlavin hjá vinnuhjúum á Íslandi. Á fjórtán ára afmælisdegi þeirra birtist dularfullt fólk hjá þeim báðum. Fólk sem er með drekapeð í fórum sínum og ætlar að – haltu þér fast – veiða þær. En af hverju? Hverjar eru þessar stelpur?
Vegferð um veröldina
Frá námsárum til forsetakjörs fór höfundur víða og vann með áhrifamönnum í ýmsum álfum. Hér segir af ungum manni sem heldur út í heim, berst á öldufaldi breytinga og myndar bandalög við leiðtoga þar sem barist er fyrir afvopnun, friði og farsæld fátækra ríkja. Samfelldur þráður liggur frá námsárum í Bretlandi til baráttunnar um Bessastaði.
Veisla þrjú
LínLín bjargast úr bráðum háska og er komin á byrjunarreit á ný. Hvað hefur hún að lifa fyrir þegar flestallt sem hún hefur elskað er gengið henni úr greipum? Sjálfri sér til furðu finnur hún ólga innra með sér heitar tilfinningar; lífsþorsta, tilhlökkun, hrifningu. Funandi ástarsaga meistarahöfundar um rómantískt æði konu sem tókst ekki að deyja.