Síða 2 af 4
Á Skólavörðuholti er verið að byggja heila hæð ofan á lítið timburhús. Eigandinn er vakinn og sofinn yfir framkvæmdunum en fer einnig að grúska í sögu hússins og óhugnanlegum atburðum sem þar áttu sér stað. Margræð skáldævisaga um tímann, mannleg tengsl og þörfina fyrir öruggt skjól, hvort sem það er á heimilinu, í borginni eða meðal samferðafólks.
Ljóðabók skrifuð af næmni og skarpsýni og fjallar um fegurðina í hinu óræða; undrin og töfrana sem við komum ekki alltaf auga á en búa í þögninni milli vélrænna hendinga samtímans.
Edda þráir tilbreytingu í lífið og þegar hún sér litla eyju auglýsta til sölu sannfærir hún Atla um að flytja þangað. Á Varpey vex allt og dafnar og parið hefst handa við að breyta hlöðunni í gistiheimili. Þegar Edda tekur að sjá hvítklæddri konu bregða fyrir verður hún smám saman sannfærð um að þau deili eyjunni með einhverjum sem vilji þeim illt.
Kraftmikil ljóðabók um litríka uppreisn gegn þeim þrönga stakki sem samfélagið sníður konum. Bók sem er of hávær, of fjörug og fjallar um alltof stórar tilfinningar. Þetta er fyrsta ljóðabók höfundar en hún bar sigur úr býtum í handritasamkeppni Forlagsins, Nýjum röddum, árið 2022 með sögunni Getnaði.
Tröll hafa byggt Ísland frá því löngu áður en menn settust hér að. Hér er hulunni svipt af lífsháttum tröllanna með sérstakri áherslu á litla tröllafólkið – sem er samt ekki svo lítið! Í þessari myndríku bók vekur Brian Pilkington magnaðan hulduheim til lífsins á sinn tröllskemmtilega og nýstárlega hátt. Einnig fáanleg á ensku.
Jeppar í lífi þjóðar bregður lifandi ljósi á þennan merkilega en lítt kannaða kafla íslenskrar samgöngusögu í máli en þó aðallega 700 einstæðum ljósmyndum sem koma nú margar fyrir almannasjónir í fyrsta sinn. Þetta er ómissandi bók fyrir bílaáhugamanninn og raunar alla þá sem unna ferðum um úfið landið. Aukin og endurbætt útgáfa.
Bráðum verður jólaboð hjá ömmu. Einar Áskell og Snáði eiga að fá að sitja til borðs með fullorðna fólkinu. Það þykir þeim afar spennandi! Amma biður Einar Áskel að passa Snáða, hjálpa honum og sjá til þess að hann sé sæll og glaður. Og það getur Einar Áskell sko vel gert – jafnvel betur en fullorðna fólkið! Glæný bók um þennan heimsfræga ærslabelg!
Afi Sölva sagtanna sendir fjölskyldunni risavaxna jólagjöf. Á aðfangadag kemur í ljós að bæði pakkinn og pósteðlan eru horfin! Ná Gauti og Sölvi að leysa málið áður en jólin bresta á? Bækurnar um Risaeðlugengið hafa slegið í gegn enda eru þær krúttlegar, fræðandi og fyndnar og henta ungu áhugafólki um risaeðlur og önnur forsöguleg dýr.
Rut og Alma eru bæði skólasystur og nágrannar en tala aldrei saman. Hlynur, kærasti Ölmu, er efnilegur handboltamaður en hefur engan áhuga á náminu. Fannar, skólabróðir þeirra, þráir athygli og viðurkenningu en viðhorf hans og bakgrunnur gera honum erfitt fyrir. Grípandi saga um ungt fólk og þær ólíku áskoranir sem það tekst á við.
Í annarri ljóðabók sinni tekst Arndís Þórarinsdóttir á við tilvistina með textum sem spretta úr upprunanum og horfa til framtíðar. Bókin spinnur þræði um formæður, fluguhnýtingar, ferðalög og stórtónleika heilmynda ABBA-flokksins, svo fátt eitt sé nefnt.
Elías getur varla slitið sig frá nýja tölvuleiknum sínum. Hann gerist á eyðilegum bóndabæ og gengur út á að forða sér frá brjáluðum kanínum sem virðast hafa stökkbreyst eða smitast af hræðilegum sjúkdómi. Eitt kvöldið uppgötvar Elías að bóndabærinn er til í alvörunni. Og það sem meira er, það er eitthvað mikið að kanínunum þar líka.
Íslenskar bókmenntir í þúsund ár
Saga íslenskra bókmennta frá upphafi til okkar daga, þúsund ára ævintýraleg atburðarás fjörlega rakin af Halldóri Guðmundssyni. Um leið og hann segir frá meginþráðum bókmenntasögunnar, fjölda höfunda og verka, allt frá fornritum til innflytjendabókmennta, leggur hann mat á mörg verkanna og bregður upp svipmyndum af skáldum og starfi útgefanda.
Þegar fólkið í bænum áttar sig á því að á Sjónarhóli búi níu ára stelpa alein eru tveir lögregluþjónar sendir að sækja hana og flytja á barnaheimili. Lína hefur þó engan áhuga á því, enda má þar hvorki vera með hest né apa. Þegar lögregluþjónarnir reyna að handsama Línu snýr hún sig úr greipum þeirra og býður þeim í staðinn í æsilegan eltingaleik!
Stuttar og litríkar lestrarbækur um Lubba eftir höfunda bókarinnar Lubbi finnur málbein. Lubbi lendir í ævintýrum og á hverri síðu eru hljóðin sýnileg og táknrænar hreyfingar þeirra sömuleiðis. Þannig verður lesturinn skemmtilegur og gagnlegur en táknrænu hreyfingarnar mynda brú á milli málhljóða og bókstafa.
Litrík og skemmtileg verkefnabók með Lubba. Fjölmörg verkefni sem auka færni í að meðtaka tengsl málhljóða og bókstafa. Þannig er hægt að leggja grunn að lestrarnámi og læra að skrifa eftir fyrirmynd. Fjöldi forvitnilegra orða og margs konar verkefni stuðla að auknum orðaforða sem styrkir lesskilning og auðugt málfar.
Saga Margrétar
Sæunn Kjartansdóttir, sálgreinir og rithöfundur, skráir margbrotna sögu systur sinnar, Margrétar Kjartansdóttur. Hún hefur fetað aðra leið en flestar konur á hennar aldri, átt ævintýralegt líf, unnið sig úr dýpstu dölum og upp á hæstu tinda. Systurnar líta yfir farinn veg og varpa ljósi á viðbrögð Margrétar við ýmsum áföllum.
Fimmta ljóðabók höfundar sem kvaddi sér hljóðs á skáldamálinu íslensku fyrir nokkrum árum. Nístandi sár og falleg bók frá einstakri rödd í íslenskum ljóðaheimi. Ljóðasöngur um ástarsorg, eftirsjá og þakklæti í borginni bláu.
Fortíð, nútíð og framtíð
Áleitnar hörmungarfréttir frá Mið-Austurlöndum berast okkur nær daglega og margt sem þar er sagt á rætur í afskiptum Vesturlanda. Yfirlitsrit þar sem fjallað er um helstu atburði í heimshlutanum af fordómaleysi og þekkingu er nauðsyn til skilnings á samtíma okkar. Hér er komin ný og uppfærð útgáfa þessa yfirgripsmikla og aðgengilega rits.