Síða 2 af 2
frásögn af lífi, áföllum og sorg
Rósella Mosty hefur lifað margt. Hún missti föður sinn ung að árum, flutti úr landi, byggði upp fjölskyldu, eignaðist börn og barnabörn og taldi sig hafa kynnst bæði gleði og sorg. En ekkert gat búið hana undir það þegar elsta dóttir hennar, Ester Eva, veiktist skyndilega alvarlega aðeins nokkrum mánuðum eftir fæðingu yngri sonar síns.
Nokkur ævintýri úr lífi
Sigurður Hansen í Kringlumýri í Skagafirði er orðinn hálfgerð goðsögn í lifanda lífi. Á efri árum sviðsetti hann Haugsnesbardaga, mannskæðustu átök Íslandssögunnar, í túnfætinum heima með yfir þúsund grjóthnullungum – og opnaði síðan menningarsetur tengt Sturlungu í stórum skála sem áður hýsti minkarækt. En hver er Sigurður Hansen?
Saga dansks andspyrnumanns
Nasistar héldu dönsku þjóðinni í heljargreipum eftir hernám þeirra árið 1940. Hér er sögu spellvirkjans Ejlers Borch (f. 1925) fléttað saman við frásögn af dönsku andspyrnunni og Gestapó. Útkoman er spennandi og persónuleg frásögn, byggð á viðtölum við Ejler og fjölskyldu hans og umfangsmikilli heimildavinnu.
Er leikur að læra?
Öll tengjumst við skólum landsins með einhverju móti – sem nemendur, starfsmenn, foreldrar, skattgreiðendur. Og öll höfum við skoðanir á því starfi sem unnið er í skólakerfinu. Í þessari bók fjallar hinn margreyndi skólamaður Sölvi Sveinsson um skólana sem nemandi, kennari og skólastjóri og segir sögur af mönnum og málefnum.
Saga um að lifa af, rjúfa mynstur og finna leiðina til bata
Í þessari áhrifamiklu sjálfsævisögu rekur Hrund leið sína frá æsku, þar sem þögn, meðvirkni og áföll móta sjálfsmynd hennar, yfir í fullorðinsár þar sem hún ber sívaxandi innri byrði. Þegar áfengið verður leið til að deyfa það sem aldrei fékk að heita sínu rétta nafni neyðist hún loks til að horfast í augu við sjálfa sig og fortíðina.
Auður - völd - örlög
Í augum danska búðarsveinsins Thors Jensen var Ísland land tækifæranna. Eftir að hafa þreifað fyrir sér í verslun sannfærðist hann um að framtíðin lægi í íslenskri stórútgerð. Í félagi við syni sína stofnaði hann togarafélagið Kveldúlf og lagði þar með hornstein að einu mesta ættarveldi landsins – veldi Thorsaranna. Bókin er prýdd fjölda ljósmynda.
„Fyrsta minning mín skýr eftir öll þessi ár. Ég er farin að standa upprétt og er við endann á ógnarlöngum gangi sem liggur eftir endilöngum Austurbæjarskólanum. En nú ætla ég að leika mér að því að horfa yfir farinn veg, komin yfir á hinn endann.“ Hallveig Thorlacius segir ferðasögu ævi sinnar.
Frá námsárum til forsetakjörs fór höfundur víða og vann með áhrifamönnum í ýmsum álfum. Hér segir af ungum manni sem heldur út í heim, berst á öldufaldi breytinga og myndar bandalög við leiðtoga þar sem barist er fyrir afvopnun, friði og farsæld fátækra ríkja. Samfelldur þráður liggur frá námsárum í Bretlandi til baráttunnar um Bessastaði.
Kona verður forseti
Sem forseti heillaði Vigdís Finnbogadóttir bæði landa sína og hálfa heimsbyggðina með framkomu sinni og hlýju viðmóti. Hér er fjallað um uppvöxt hennar og fjölskyldu, mótunaröfl og þau áföll sem á henni dundu áður en hún tók við embætti. Einstæð og margslungin mynd af brautryðjandanum Vigdísi, sorgum hennar og sigrum. Ný og endurskoðuð útgáfa.
Baráttukonan Hope Knútsson fluttist búferlum frá Bandaríkjunum til Íslands árið 1974. Fimm árum áður hafði hún komist í kynni við land og þjóð þegar hún hafði viðkomu á Íslandi á leið sinni til Evrópu. Þetta hafði afdrifaríkar afleiðingar. Í þessari bók segir frá hvernig Hope farnaðist hér á landi og hvaða áhrif hún hefur haft á íslenskt samf...
Heiðarleg og persónuleg frásögn um áföll, kvíða og kulnun. Saga um það hvernig fortíðin getur haldið áfram að móta líðan og viðbrögð í núinu – og hvernig ný sýn á eigin reynslu getur skapað meiri mýkt og dýpri tengingu inn á við.
Lífshlaup Sigríðar Ólafsdóttur Meyburg
Frá fátæku heimili á Ströndum til Grænlands, Bandaríkjanna og ferðalaga um heiminn – Sigríður Ólafsdóttir Meyburg lét aldrei mótlæti ráða för. Faðir hennar fórst með togaranum Jóni forseta þegar hún var barn og í kjölfarið leystist heimilið upp. Þetta er mögnuð saga af konu sem fór sínar eigin leiðir og sjaldan er rómantíkin langt undan.
Sægarpur og skörungur
Þuríður formaður (1777–1863) var einstök kona á sínum tíma. Hún fór ung til sjós og var lengi aflasæll skipstjóri. Hún sótti rétt sinn og annarra fyrir dómstólum og átti stóran þátt í að upplýsa hið alræmda Kambsrán. En þrátt fyrir óvenjulegt hugrekki, ósérhlífni og óbilandi seiglu slapp hún ekki undan hörðum veruleika nítjándu aldar.