Hér má finna skemmtilegar, myndríkar og mátulega langar bækur fyrir börn á aldrinum 0-6 ára.
Síða 2 af 6
Bóbó bangsi og Pétur frændi hans sjá skip í höfn með hauskúpufána - Sjóræningjaskip! Þetta þarf að kanna betur. Kapteinninn býður þeim um borð og sýnir þeim það helsta og leggur svo úr höfn og siglir af stað til Fjársjóðseyju!
Dugga-dugga-dugg! Komdu með í skemmtilega bátsferð með Depli og mömmu hans.
Tvöföld flipabók! Hvaða dýr eru uppi í trjánum? Hvað leynist í grasinu? Og hvaða dýr eru í stóru lauginni? Lyftu flipunum og hjálpaðu Depli að finna öll litlu dýrin sem eru í felum.
Í þessari bók er fjöldi skemmtilegra mynda sem börnin geta skreytt enn frekar með límmiðum. Þeim er boðið með Depli út að leika í snjónum, rigningunni, rokinu og sólskininu. Þau fara líka með Depli og vinum hans að máta búninga fyrir grímuball. Allt fullt af límmiða-gamni!
Skemmtileg og málörvandi harðspjaldabók fyrir yngstu börnin sem hvetur til hljóðamyndunar og eftirhermunar. Bókin býður upp á endurtekningu, einfaldan orðaforða og dýrahljóð sem auðvelda börnum að taka þátt í lestrarstundinni.
Þessi fallega bók er tilvalin fyrir krakka sem eru að læra að telja og skrifa tölustafina. Skemmtileg verkefni sem þjálfa athyglisgáfuna og hægt er að gera aftur og aftur.
Þessi fallega bók er tilvalin fyrir krakka sem eru að læra að telja og skrifa tölustafina. Skemmtileg verkefni sem þjálfa athyglisgáfuna og hægt er að gera aftur og aftur.
Upplifið norræn dýr lifna við með hljóðum og myndum þegar þrýst er á hnappana á síðunum í þessari fallegu, myndskreyttu bók. Dýrahljóð á norðurslóðum er skemmtileg hljóðbók fyrir þau yngstu.
Ljómandi falleg snertu og finndu bók. Frábær fyrsta snerting barnanna við dýrin. Lokkandi fletir, litríkar og bjartar teikningar og skýr texti sem hvetja litlar hendur.
Úlfurinn óforbetranlegi – en óneitanlega þó nokkuð glæsilegi – fær framúrskarandi hugmynd. Hann ætlar ekki bara að éta Rauðhettu, heldur ömmu hennar líka. Og það fyrirhafnarlaust, í krafti kænsku sinnar. Fyrri bækur höfundar á íslensku eru metsölubækurnar Hver er flottastur? og Hver er sterkastur?
Lassi er fimm ára og vill aldrei fara að hátta. Þegar mamma hans reynir að koma honum í rúmið orgar hann bara og ólmast. Kvöld eitt heimsækir hann Lottu gömlu. Hún leyfir honum að prófa gleraugun sín – og það eru sko engin venjuleg gleraugu! Með þeim getur hann nefnilega fylgst með háttatíma dýranna. Sígild saga sem er nú loks fáanleg á ný.
Liftu flipunum til þess að uppgötva margvíslegan fróðleik um forvitnileg dýr sem dóu út fyrir milljónum ára. Skemmtileg harðspjalda fróðleiksbók fyrir forvitna krakka.
Hvernig náttúran meðtekur góðvild
Sóla leggur af stað í töfrandi ferð um skóginn þar sem hún finnur tré sem kennir henni að hlusta á náttúruna. Smátt og smátt finnur hún að jörðin er lifandi og að allt líf tengist. Hlý og ljóðræn tvítyngd bók á íslensku og ensku sem býður börnum og þeim sem lesa með þeim að njóta náttúrunnar saman.
Eftir miklar breytingar í heimalandi Ísoldar og mömmu hennar neyðast þær til að flýja. Þær leggja í langa ferð í leit að nýjum heimkynnum en mæta óvæntum erfiðleikum þegar þær loksins nema land. Munu brúnu birnirnir taka hvítu birnurnar í sátt?
Skemmtileg og þroskandi bók sem hjálpar barninu að byggja upp og auka orðaforðann um leið og það þjálfar fínhreyfingarnar og lærir að púsla. Bókin er harðspjalda með litríkum ljósmyndum af kunnuglegum hlutum ásamt þykkum púslbitum.
Það er gaman að heimsækja gamlar bókabúðir, sérstaklega þegar amma þín býr í einni slíkri. Hér er á ferðinni einstaklega fallega myndskreytt bók um ævintýradag Ágústu litlu og ömmu hennar í Gömlu Bókabúðinni á Flateyri. Bókin er einnig fáanleg á ensku undir heitinu Grandma's Old Bookstore.
Glænýr meðlimur í greppifjölskyldunni sem hefur fyrir löngu unnið hug og hjarta íslenskra barna. Greppiamma er á leiðinni í heimsókn og hún hefur feiknarlega góða matarlyst. Því halda Greppikló og Greppibarnið á veiðar í Myrkaskógi. En þar rekast þær á afar kunnuglega mús.
Trekktu upp litlu gulu gröfuna og fylgstu með henni aka eftir brautum í þessari spennandi og gagnvirku bók.