Hér má finna skemmtilegar, myndríkar og mátulega langar bækur fyrir börn á aldrinum 0-6 ára.
Síða 4 af 6
Á leið sinni í gegnum skóginn villist Ína og hún fær í fangið böggul sem hún lofar að segja engum frá ... en böggullinn verður sífellt þyngri. Má einhvern tíma segja frá leyndarmálum? Kát Ína kanína og leyndarmálið er ljúfsár saga sem opnar á umræðu um leyndarmál og minnir okkur á að ekki öll leyndarmál eiga að vera leyndarmál.
Einföld harðspjalda flipabók sem er bæði skemmtileg og fræðandi fyrir forvitna krakka, tveggja ára og eldri. Í þessari bók er hægt að lyfta flipum og sjá að hverju þarf að huga áður en flugvélin tekur á loft.
Þau allra yngstu munu elska hristurnar á sama tíma og þau læra fyrstu orðin í þessari skemmtilegu harðspjaldabók!
Fyrsta ævintýrið um dálætið okkar hann Prumpulíus brelludreka. Í bókinni fáum við kynnast fyrstu augnablikunum fyrir og eftir fæðingu hans.
Lára fær mömmu með sér á skautasvell til að prófa að skauta. Mest langar Láru að hraðsnúast á svellinu í glitrandi kjól en það kemur í ljós að það er ýmislegt sem þarf að læra áður en hún nær slíkri færni. Hversdagssögur Birgittu Haukdal um Láru og bangsann Ljónsa hafa verið metsölubækur í fjölda ára og vinsæl leiksýning verið gerð eftir þeim.
Heillandi og ríkulega myndskreytt saga í bundnu máli sem fylgir systkinunum Siggu og Dóra í gegnum litríkan dag. Ellefu litir ramma inn söguna þar sem hver kafli stendur sem sjálfstætt ljóð, tileinkað einum lit og þeirri stemningu og tilfinningu sem hann ber með sér. Fyrir börn á öllum aldri sem elska rím, hrynjandi og fallega liti.
Hvernig líður okkur þegar við erum glöð? Eða hugrökk? Hvernig tilfinning er ástin? Hvað er til ráða ef við verðum virkilega reið?
Bókin er beitt ádeila á útlitsdýrkun og samfélagslegan þrýsting um hlutverk okkar í lífinu. Um leið er hún hjartnæm áminning um að raunverulegur jólaandi felist í því að sýna náunganum kærleika og umhyggju.
Þessi fallega bók er sérstaklega hönnuð til að gleðja yngstu kynslóðina, styðja við þroska hennar og leik. Finna má fjölmargar upphleyptar myndir og mismunandi áferð á hverri blaðsíðu. Þetta er bók sem heillar börnin um leið og þau læra stafrófið!
Þetta kvæði fjallar um dreng sem verður fyrir þeirri sérkennilegu lífsreynslu að eignast lítinn bróður. Skyndilega færist athygli allrar fjölskyldunnar yfir á þennan litla bróður sem þó virðist ekkert vita í sinn haus og orgar allar nætur svo engum kemur dúr á auga. Hvað er eiginlega til ráða? Bara eitt: Að skila honum.
Tólf skemmtileg púsl með tækjum af ýmsum gerðum og stærðum. Bókin er fræðandi og sérstaklega hönnuð með yngstu kynslóðina í huga.
Þegar fólkið í bænum áttar sig á því að á Sjónarhóli búi níu ára stelpa alein eru tveir lögregluþjónar sendir að sækja hana og flytja á barnaheimili. Lína hefur þó engan áhuga á því, enda má þar hvorki vera með hest né apa. Þegar lögregluþjónarnir reyna að handsama Línu snýr hún sig úr greipum þeirra og býður þeim í staðinn í æsilegan eltingaleik!
Ljóna dreymir um að æfa karate og verða karatemeistari. Börnin í karatesalnum bíða öll í hvítum búningum með hvít belti í fyrsta karatetímanum hans Ljóna. Hvað þarf Ljóni að gera til að verða karatemeistari?
Það er sumt í heiminum sem þarfnast frekari skýringa – eitt af því er „karlinn í tunglinu“. Í litlu húsi, í lítilli borg, við stóran flóa, býr strákur sem á erfitt með að sofna á kvöldin. Meðan önnur börn sofa vært vakir hann. Þú hefur kannski heyrt um hann Kalla?
Stuttar og litríkar lestrarbækur um Lubba eftir höfunda bókarinnar Lubbi finnur málbein. Lubbi lendir í ævintýrum og á hverri síðu eru hljóðin sýnileg og táknrænar hreyfingar þeirra sömuleiðis. Þannig verður lesturinn skemmtilegur og gagnlegur en táknrænu hreyfingarnar mynda brú á milli málhljóða og bókstafa.
Maja fær sæng í afmælisgjöf. Ekki beint spennandi gjöf… þar til nóttin kemur. Þegar hún getur ekki sofnað vakna sængurkrílin sex, lítil loðin kríli sem eru alveg eins og tilfinningarnar okkar. Hvert þeirra kennir henni öndunaræfingu sem róar hugann. Hlý saga sem gefur börnum verkfæri til að takast á við tilfinningar sínar.
Fúli er dvergur. Mjög fúll dvergur. Hann brosir ekki. Hann hlær ekki. Hann á enga vini og honum er alveg sama. Honum er alveg sama um alla nema sjálfan sig. Þangað til að hann finnur gullegg sem úr skríður lítil dreki - sem er sannfærður um að Fúli sé mamma sín. Þvílíkt endemis rugl!
Már klár er lítill, klaufalegur og fellur í skuggann af gæðingi hússins. Moli foli er fallegur, tignarlegur – og fær bara það besta og flottasta. En þegar eldur kviknar í hesthúsinu breytist allt ...