Gurra - Gríslingur um borð
Förum í bíltúr! Komdu með Gurru og fjölskyldu hennar í bíltúr á nýja, stóra bílnum þeirra.
Barnabækur - Skáldverk 0-6 ára - myndrík
Hér má finna skemmtilegar, myndríkar og mátulega langar bækur fyrir börn á aldrinum 0-6 ára.
Síða 3 af 6
Gæludýr
Bók sem þú snertir og skynjar
Í þessari bók kynnist þú tíu gæludýrum. Skoðaðu dýrin og klappaðu þeim með því að snerta efnið á hverri síðu.
Feluleikur Heima
Falleg bók fyrir yngstu börnin sem þroskar og örvar skilning þeirra. Þau skoða bókina aftur og aftur!
Heimir hugrakki og lífið í leikskólanum
Músin Heimir læðist inn í leikskólann Álfheima. Þar er líf og fjör og nóg um að vera. Það verður uppi fótur og fit þegar uppgötvast að það sé komin mús inn í skólann. Hefst þá leitin að Heimi.
Hnúfa og Skrúfa
Snigilinn Skrúfu dreymir um að yfirgefa litla skerið sitt og skoða heiminn. Eina nóttina rætist óskin: Risastór hvalur kemur syndandi og býður henni far á sporði sínum. Og þá hefst ógleymanleg ævintýraferð, uppfull af undrum og hættum.
Hreiður, egg og æðardúnn
Una og Ormur eru í næturgistingu hjá ömmu og afa og fá að sofa með góðu sængina hennar ömmu. En af hverju er sængin hennar svona dásamleg? Er hún kannski troðfull af silkimjúkum skýjum? Hreiður, egg og æðardúnn rekur á fjörugan og myndríkan hátt ferðalag æðardúnsins frá hreiðrunum í æðarvarpinu til sængurinnar og svefnpokans.
Hulduheimar Reykjavíkur
Hvað gerist þegar barn gengur inn í litla, gamla bókabúð og dregur óvart fram töfrabók sem opnar leiðina að ótal ævintýrum í hulduheimum Reykjavíkur? Einstök barnabók sem afhjúpar falinn hulduheim Reykjavíkur á eftirminnilegan hátt.
Hvaðan kemur kúkafýlan?
Dularfulla kúkafýlu leggur skyndilega yfir heimilið – og nú þarf að finna sökudólginn! Bráðskemmtileg og stórkostlega teiknuð bók fyrir yngstu lesendurnar eftir tvíeykið Stefán Mána og Halldór Baldursson.
Hvað er Dúi að gera?
Í þessari skemmtilegu bók er lögð áhersla á algengar sagnir og endurtekningar sem hentar vel fyrir allra yngstu börnin eða börn sem eru sein til máls. Á hverri opnu er mynd af tákni með tali sem tengist umfjöllun opnunnar. Þetta er önnur bókin um þau Díu og Dúa þar sem áhersla er lögð á málörvandi efni.
Hæfileikaskólinn
„Enginn er góður í öllu en við erum öll góð í einhverju.“ Orri arnarungi vill fara í skóla til að rækta hæfileika sína. Í leit sinni að góðum skóla lendir hann í alls kyns hremmingum. Eins og í öllum góðum sögum endar allt vel og Orri getur þroskað hæfileika sína í stað þess að reyna að læra það sem hann er ekki skapaður til að gera.
Írissa og Issi í frumskóginum
Systkinin Írissa og Issi dvelja hjá Kötu frænku. Hjá Kötu frænku leynist frumskógur með mörgum dýrum og stórum plöntum. Þar gerist margt áhugavert og spennandi.
Íslensku jólasveinarnir og þeirra hyski
Bókarkorn
Hér kynnumst við jólasveinunum, Grýlu, Leppalúða og dularfulla jólakettinum. Sögur um þau eiga sér rætur langt aftur í aldir og hafa breyst með þjóðinni og jólahaldi í gegnum tíðina. Þjóðsögur og frásagnir um hrekki, matargræðgi og jólasiði en líka lífið á Íslandi fyrr á tímum og þeim boðskap sem sögurnar geyma. Einnig fáanleg á ensku.
Íslensku tröllabörnin
Tröll hafa byggt Ísland frá því löngu áður en menn settust hér að. Hér er hulunni svipt af lífsháttum tröllanna með sérstakri áherslu á litla tröllafólkið – sem er samt ekki svo lítið! Í þessari myndríku bók vekur Brian Pilkington magnaðan hulduheim til lífsins á sinn tröllskemmtilega og nýstárlega hátt. Einnig fáanleg á ensku.
Jólablik
Jólasaga og samverudagatal
Rúnar og amma Kristjana eiga saman notalegar stundir í aðdraganda jólanna. Á hverri opnu eru valin orð útskýrð til að efla orðaforða barna. Með bókinni fylgir jólapoki með myndum sem tengjast sögunni og hægt er að festa á dagatal fremst í bókinni. Þannig verður lesturinn að skemmtilegri niðurtalningu til jóla fyrir alla fjölskylduna.
Jólaboð, Einar Áskell
Bráðum verður jólaboð hjá ömmu. Einar Áskell og Snáði eiga að fá að sitja til borðs með fullorðna fólkinu. Það þykir þeim afar spennandi! Amma biður Einar Áskel að passa Snáða, hjálpa honum og sjá til þess að hann sé sæll og glaður. Og það getur Einar Áskell sko vel gert – jafnvel betur en fullorðna fólkið! Glæný bók um þennan heimsfræga ærslabelg!
Risaeðlugengið Jólagjöfin
Afi Sölva sagtanna sendir fjölskyldunni risavaxna jólagjöf. Á aðfangadag kemur í ljós að bæði pakkinn og pósteðlan eru horfin! Ná Gauti og Sölvi að leysa málið áður en jólin bresta á? Bækurnar um Risaeðlugengið hafa slegið í gegn enda eru þær krúttlegar, fræðandi og fyndnar og henta ungu áhugafólki um risaeðlur og önnur forsöguleg dýr.
Jólasveinarnir: Hurðaskellir til Ketkróks
Þrettán litlar bækur, ein um hvern jólasvein. Sveinarnir koma til byggða einn af öðrum og lenda í ævintýrum í nútímanum: Pottaskefill kynnist uppþvottavélinni, Gluggagægir skjáunum og Bjúgnakrækir fær sundgleraugu. Stuttar og skemmtilegar sögur til að lesa fyrir svefninn, í mjúkri kápu og passa fullkomlega í skóinn.
Jólasveinarnir: Stekkjastaur til Askasleikis
Þrettán litlar bækur, ein um hvern jólasvein. Sveinarnir koma til byggða einn af öðrum og lenda í ævintýrum í nútímanum: Pottaskefill kynnist uppþvottavélinni, Gluggagægir skjáunum og Bjúgnakrækir fær sundgleraugu. Stuttar og skemmtilegar sögur til að lesa fyrir svefninn, í mjúkri kápu og passa fullkomlega í skóinn.