Hér má finna skemmtilegar, myndríkar og mátulega langar bækur fyrir börn á aldrinum 0-6 ára.
Síða 5 af 6
Mei Mei er lítil kanína með stóra drauma. Hún vill gleðja heiminn með tónlist sinni! Fyrstu tónleikarnir hennar í Hopperuhúsinu nálgast og hún hefur æft sig meira en nokkur kanína nokkru sinni. En fiðrildin í maganum flögra um og trufla hana. Hvað gerir kanína þegar röng nóta bergmálar um Hopperuhúsið?
Í Bókmenntaborg
Rannveig og Karlotta fá kort á bókasafninu sem leiðir þær í gönguferð um miðbæinn. Á vegi þeirra verða bókhneigðir kettir en rottur hafa ráð undir rifi hverju og láta ekkert stoppa sig og þær læra ýmislegt um bækur og íslenska sagnaheiminn. Bókin kemur út á íslensku, ensku og pólsku.
Gjafasett
Komdu með Múmínsnáðanum og vinum hans út í nóttina og teldu stjörnurnar þangað til sólin rís og dagurinn kemur. Í þessu fallega gjafasetti er krúttlegur Múmínbangsi og bókin Múmín, óskastund – Teljum saman.
Ef þú hefur enn ekki hitt Múmínálf áttu ævintýri í vændum ... Haustkvöld eitt kemur Múmínfjölskyldan saman undir stjörnum prýddum himni til að rifja upp söguna af halastjörnunni sem kom einu sinni æðandi yfir himinhvolfið í átt að Múmíndal.
Á hverjum laugardegi hjóla músasysturnar í dansskólann. Þar tipla þær á tánum, hoppa og snúast í hringi og sveifla skottinu í takt við tónlistina. Ekkert í heiminum er skemmtilegra! Allt í einu gerðist nokkuð sem enginn átti von á … Hvað skyldi það vera?
Ómar litli er logandi hræddur við skrímsli. Eðlilega! Enn eina nóttina er honum rosalega mál að pissa en þorir ekki fram úr rúminu sínu. En þá man hann eftir skrímslafælunni sem mamma hans gaf honum. Hann verður að safna kjarki og hætta sér niður stigann til að komast á klósettið!
Litlu leiðarvísarnir um sögurnar eftir J.K. Rowling
Hvað var Harry gamall þegar hann byrjaði í Hogwarts? Hver gaf honum Ræningjakortið og hversu stór er Gullna eldingin? Lærðu allt þetta og meira um Harry Potter!
Litlu leiðarvísarnir um sögurnar eftir J.K. Rowling
Hvert er uppáhaldsnámsefni Hermione? Hvernig urðu hún, Ron og Harry vinir og hvernig lyktar Fjallatröll? Lærðu allt þetta og miklu meira um Hermione Granger!
Litlu leiðarvísarnir um sögurnar eftir J.K. Rowling
Hvað á Ron marga eldri bræður? Hvar býr Weasley-fjölskyldan og hvernig afdvergar þú garð? Lærðu allt þetta og miklu meira um Ron Weasley!
Stundum villast litlu lundapysjurnar í Vestmannaeyjum inn í bæinn í stað þess að fara á haf út. Þá hjálpast eyjarskeggjar að við að koma þeim öruggum út á sjó. En það er ekki auðvelt verk! Fjörug saga um hugrekki með gullfallegum teikningum Lindu Ólafsdóttur úr íslenskri náttúru.
Einu sinni var raunamæddur risi sem aldrei hló. Hann hélt af stað í langa ferð í leit að hlátrinum. Ævintýrið um raunamædda risann eftir Áslaugu Jónsdóttur kom fyrst út árið 1995. Tímalaus perla eftir verðlaunahöfund.
Samverustund er bókasería fyrir yngsta aldurshópinn. Markmið bókanna er einfalt: Þegar börn eru umvafin kærleik og nánd og fá alla okkar athygli og tíma skapast mikilvægustu stundir barnæskunnar.
Samverustund er bókasería fyrir yngsta aldurshópinn. Markmið bókanna er einfalt. Þegar börn eru umvafin kærleik og nánd, fá alla okkar athygli og tíma, skapast mikilvægustu stundir barnæskunnar.
Fylgdu múmínsnáðanum sem rekur dularfulla slóð um allan vitann. Á leiðinni þarf að kanna öll herbergin, gá á bak við hurðir og inn í skápa. Hvar eru múmínmamma og múmínpabbi eiginlega? Skoðum vitann er bráðskemmtileg saga, kjörin fyrir alla unga múmínvini. Hér er fjölmargt áhugavert að skoða og finna!
Þessi skemmtilega bók mun halda ungabörnunum virkum, vekja forvitni þeirra, fræða þau og kæta! Bókin er með flipum til að lyfta, hjólum að snúa, borðum að toga í, speglum að horfa í og fleiri skemmtilegum og þroskandi viðfangsefnum.
Frænkurnar Sóley og Fífa eru bestu vinkonur en búa í sitthvorum landshlutanum. Það er því alltaf mikil ánægja sem fylgir því að hittast í sveitinni hjá ömmu og afa þar sem ævintýrin eru aldrei langt undan. Í bókinni efla stúlkurnar hugrekkið sitt og vináttu um leið og þær kynnast fuglum, blómum og öðrum spennandi fyrirbærum í náttúrunni.
Stjörnuslóðin
Sólon og Dimma Dúskur leita að uppáhaldsstjörnu Dimmu sem flaug óvænt til jarðar frá tunglinu. Vinirnir lenda í ýmsum ævintýrum og þurfa að nota ofurkraftana sína til að ferðast á milli ólíkra staða í leit að stjörnunni dýrmætu. – Skemmtileg saga með fallegum teikningum, hljóðum, forvitnilegum gátum og fjölbreyttum verkefnum fyrir ólíka aldurshópa.
Töfrandi bók fyrir yngstu lesendurna sem umbreytir myndum með einföldum spegli. Á augabragði breytist fiskur í kött og bangsi í skjaldböku!