Hér má finna skemmtilegar, myndríkar og mátulega langar bækur fyrir börn á aldrinum 0-6 ára.
Síða 6 af 6
Það hefur aldrei verið tími hjá mömmu Steindísar til að stoppa við kastalann. En í þetta skipti hefur mamma lofað Steindísi að þær ætli að skoða hann saman. Steindís er mjög spennt fyrir að skoða þennan alvöru kastala og uppgötva hvað leynist þar inni.
Börnin elska Bjössa Bras. Litrík bók, ríkulega myndskreytt og með flipum til að lyfta. Hönnuð til málörvunar og að venja börn til bókar.
Það er fyrsti desember og amma hefur gefið Katrínu girnilegt súkkulaðidagatal. Hún má bara opna einn glugga á dag, en það er erfiðara en hún hélt að standast freistinguna. Hlý og skemmtileg saga um vináttu, freistingar og lítil mistök – og um hugrekkið sem stundum þarf til að segja sannleikann.
Skemmtileg harðspjaldabók með fallegum borðum til að þreifa á og yndislegum myndskreytingum. Fullkomin til að róa ungbörn fyrir svefninn.
Talnapúkinn býr í helli í miðju jarðar og veit ekkert skemmtilegra en að telja. Vandinn er að hann kann bara að telja upp að níu. En úr hellinum liggja göng til allra landa og Talnapúkinn ákveður að halda út í hinn stóra heim í von um að læra fleiri tölur og fræðast um grunnaðferðir í reikningi. Sívinsæl bók sem er nú loksins fáanleg á ný.
Kata könguló, Gummi geitungur, Flosi fiðrildi, Margeir maur og öll skordýrin vinir þeirra eru orðin þreytt á því hvað mennirnir eru grimmir og tillitslausir. Þeir kremja skordýrin og kasta í klósett, ryksuga og sprauta á þau eitri. Loks ákveða skordýrin að gera uppreisn og flytja til Surtseyjar. Hvað skyldi þá verða um mannfólkið?
Vinirnir Páll og Bjarni eru enn og aftur að undirbúa veiðiferðir sumarsins, skólinn búinn og líkt og síðasta sumar hafa þeir platað afa Páls til koma þeim á milli veiðistaða í sumarfríinu. Að þessu sinni er ferðinni heitið í Veiðivötn, sem er náttúruperla rétt vestan við Vatnajökul, og núna er stelpa með í för.
Bók sem þú snertir og skynjar
Í þessari bók kynnist þú tíu villtum dýrum. Skoðaðu dýrin og klappaðu þeim með því að snerta efnið á hverri síðu.
Förum saman í töfrandi ferðalag þar sem saga, hreyfing og núvitund fléttast saman. Á leiðinni hittum við litrík dýr, prófum einfaldar jógastöður og uppgötvum hugrekkið, gleðina og styrkinn sem býr innra með okkur.
Þegar háværu leikirnir hennar Pippu hræða snigilinn hans Pésa, verður hann pirraður. En svo reynir gráðugur fugl að stela sniglinum. Vinirnir átta sig fljótt á að það getur borgað sig að láta í sér heyra og vera með læti. Smellin saga um mikilvægi fjölbreytileikans.
Væb-bræður ætla að stofna hljómsveit. Það hefði átt að vera auðvelt en er það alls ekki. Þegar þeir rekast á dularfulla hljóðvél og fara að spila fer allt úr böndum. Áður en þeir vita af eru Litli Væb, Stóri Væb og Monkí komnir inn í heim þar sem tónlist getur vakið öfl sem enginn ræður við. Þeir verða að finna taktinn áður en það verður um seinan.
Hvað gera dýrin áður en þau bjóða góða nótt? Hjúfraðu þig upp að smáfólkinu þínu og svífið saman inn í draumaheima með dýrunum undir stjörnuprýddum himni.
Þegar flestir hugsa um ömmur eru amma Jójó og amma Súsanna ekki þær sem koma upp í hugann. Í litlausum bæ þar sem allir líta eins út, á Addi tvær ægifínar ömmur, sem vekja athygli hvar sem þær fara. Þegar nýtt og dauflegt listagallerí opnar í bænum ákveða ömmurnar að sýna bænum hvernig lifandi list getur verið!
Það er ekki alltaf auðvelt að borða matinn sinn! Hjálpaðu Nikó að leggja á borðið og smakka alls konar nýjan mat. Tog- og flipabók. Bók sem eflir hreyfifærni og þroska ungra barna.