Síða 3 af 6
Á Skólavörðuholti er verið að byggja heila hæð ofan á lítið timburhús. Eigandinn er vakinn og sofinn yfir framkvæmdunum en fer einnig að grúska í sögu hússins og óhugnanlegum atburðum sem þar áttu sér stað. Margræð skáldævisaga um tímann, mannleg tengsl og þörfina fyrir öruggt skjól, hvort sem það er á heimilinu, í borginni eða meðal samferðafólks.
Hvalveiðibátar Miðhvals hf. halda til veiða. Whalepeace, skip hvalfriðurnarsinna, er komið til hafnar í Reykjavík. Hvalavinir mótmæla á Austurvelli og við ónýtu hvalveiðibátana við Ægisgarð. Forsprakki hvalavinanna, Tom Waitrose, hverfur sporlaust. Launfyndin saga og grípandi samfélagsádeila.
Hvíldin er fimmta glæpasaga Ragnheiðar Gestsdóttur. Fyrri bækur hennar eru Úr myrkrinu, Farangur, Blinda og Týndur. Farangur hlaut Blóðdropann árið 2021 og var tilnefnd til Glerlykilsins 2023.
Edda þráir tilbreytingu í lífið og þegar hún sér litla eyju auglýsta til sölu sannfærir hún Atla um að flytja þangað. Á Varpey vex allt og dafnar og parið hefst handa við að breyta hlöðunni í gistiheimili. Þegar Edda tekur að sjá hvítklæddri konu bregða fyrir verður hún smám saman sannfærð um að þau deili eyjunni með einhverjum sem vilji þeim illt.
Forvarsla minninganna
Rósa María Þóra Guðmundsdóttir (1917-2010) átti reyfarakennda ævi framan af og tilheyrði efri stétt Reykvíkinga á 3. og 4. áratug 20. aldar. Hér er lagst í rannsóknir á híbýlum Rósu í Reykjavík og á Akranesi. Lesandinn er leiddur um hvert herbergið á fætur öðru; hugrenningartengsl opna á harmrænar fjölskyldusögur á tímabilinu 1917 til 1983.
Getur þú flúið fortíðina þegar hún eltir þig yfir hafið? Ben og Helena ætluðu að eiga friðsælt brúðkaup á Snæfellsnesi en draugar fortíðarinnar láta ekki að sér hæða. Miskunnarlausir leigumorðingjar, alþjóðlegt peningaþvætti og blóðugt uppgjör setur íslensku lögregluna á hliðina í nýrri og æsispennandi glæpasögu.
Tvö þorp – austast og vestast í pólitíkinni en einnig á landakortinu. Hér er sögð ættarsaga sem teygir sig frá Norðfirði forðum til Keflavíkur dagsins í dag með viðkomu á Miðnesheiðinni. Þetta er saga fólks sem elskar og þjáist, sem leitar og flýr, um sársauka og söknuð, ofbeldi og kvótalaust haf.
og fleiri sögur
Þessi bók hefur að geyma safn glæpasmásagna eftir Ragnar Jónasson og kom út í tilefni af stórafmæli hans í sumar. Sögurnar nítján hafa orðið til á löngum tíma og skrifaðar af ýmsum tilefnum. Allar hafa þær birst erlendis og um helmingur á íslensku í blöðum og tímaritum.
Hvenær drepur maður mann? Hér kynnumst við breyskum einstaklingum og fólki sem verður öðrum að bana – í grandaleysi. Að baki búa ýmsar ástæður: heift, hatur, hefnd, öfund, afbrýðisemi og logsár girnd, græðgi, árátta, spilling en líka óyndi, andúð og útskúfun. Bráðsmellnar íslenskar kósíglæpasögur! Höfundur skrifar af lipurð í laufléttum stíl.
Smáprósar og ljósmyndir frá æskuslóðum höfundar þar sem örnefni og minningarbrot fléttast saman. Lesandinn er leiddur inn í heim bernskunnar á ferðalagi sem liggur frá bökkum Jöklu til hólmanna í Mississippi og á vegi verða skepnur, menn og mýrarfiskar.
Ekki er allt gull sem glóir! Gestirnir hafa ekki hugmynd um hvað gerist bak við tjöldin á einu fínasta hóteli Reykjavíkur. Hvers vegna kemur til dæmis heimilislaust fólk að hótelinu á köldum vetrarnóttum meðan gestirnir eru í fastasvefni? Bráðskemmtileg og spennandi glæpasaga eftir nýjan íslenskan höfund.
Einn fallegan vordag í París rennur það upp fyrir Malín að hún getur ekki lengur falið sig á bak við að vera tuttugu og eitthvað, enn að finna sig. Á yfirborðinu virðist líf hennar fullkomið. Fótboltastelpan úr Árbænum er komin á stað sem hana hefði aldrei getað dreymt um. En er lífið sem hún hefur valið sér raunverulega hennar?
Þegar Hlín vaknar skelþunn á miðjum laugardegi rifjast upp fyrir henni að hún á von á fimm bláókunnugum lesbíum í mat um kvöldið. Hlín er að skilja við eiginmann sinn og nýflutt í litla kjallaraholu. Hún kann ekki að elda, íbúðin er í rúst, hún efast um allar ákvarðanir sem hún hefur tekið í lífinu og svo kann hún ekki að tala við lesbíur.
Jónas í Hróarsdal í Skagafirði var bóndi og yfirsetumaður, sem hafði auk þess formlegt leyfi til lækninga. Til hans lá straumur sjúkra, lemstraðra og þunglyndra. Viðkvæmu jafnvægi á heimilinu er raskað þegar barnabarn úr Vesturheimi ber að garði. Áhrifamikil, söguleg skáldsaga.
Tvö ungmenni fara niður um ís á stöðuvatni. Í ljós kemur að fleiri voveiflegir atburðir hafa átt sér stað við vatnið. Og þeir sem hafa kafað í því þjást af martröðum … Hér fá rómaðir hæfileikar Yrsu Sigurðardóttur til að kveikja spennu og magna upp dulúð að njóta sín til hins ýtrasta.
Bréfaritari er staddur í Lissabon og vildi að María væri þar með sér. Hann sér henni bregða fyrir á götum borgarinnar, sólin er svo heit og púrtvínið kallar fram undarlegustu myndir. Í löngu bréfi til Maríu skrifar hann um allt sem sækir á hugann, leiftur úr bókmenntum og mannkynssögunni og það sem verður á vegi ferðalangans á framandi slóðum.
Eva Björg Ægisdóttir sló í gegn bæði heima og erlendis með sinni fyrstu bók, Marrið í stiganum. Bókin hlaut meðal annars Gullrýtinginn í Bretlandi sem frumraun ársins. Sagan er nú endurútgefin í tilefni af sjónvarpsþáttaröðinni Elma.
Spjallbók
Þetta er síðasta spjallbók höfundar að eigin sögn. Hinar fyrri eru Mitt litla leiksvið (2017), Lítið óvísindalegt kver um leiklist (2019), Þú ert mitt sólskin (2024) og Í belg og biðu (2025). Hér er sem áður allt í belg og biðu og ekkert gert til að setja textann á bása eða mjólka með vélum.