Síða 2 af 6
sögur
Er ástæða til að leiðrétta heillandi konu sem heldur að maður sé Magnús Tumi jarðeðlisfræðingur? Hvað gerist þegar sóprandíva í kirkjukór gerist talibani tónlistarinnar? Hvernig þekkti jólasveinninn litla héraskinnið í kvæðinu? Óvenjulegt og bráðskemmtilegt sagnasafn.
Úlfar var djúpt sokkinn í að setja saman marglaga minningar þegar hann var skyndilega úrskurðaður dauðvona. Það bætti nýrri vídd við verkið – lífið breytist þegar dauðinn er afhjúpaður þar sem hann liggur í leyni.
Stelpa og strákur hittast óvænt í erlendri borg og verða ástfangin. Þau koma úr ólíkum menningarheimum og átta sig fljótt á því að þeirra bíða margar og erfiðar hindranir eigi heitar tilfinningar að dafna. Ástin er voldugt afl en nær miskunnarlaus veruleikinn að buga hana?
Í upphafi var Þögnin. Í marga mánuði var slökkt á heiminum – engin ljós, engar fréttir, ekkert net. Súpergreind hafði tekið völdin. Þegar kveikt er á öllu á ný stígur fram dularfull kona í Asíu. Hún er kölluð Frelsarinn af fylgjendum sínum og fremur röð kraftaverka sem gefa nýja von.
Sól Hlíf unga og bláhærða gengur að eiga hinn áttræða prófessor, Dufþak Dolla, öllum til furðu, en hann ætlar henni stórt hlutverk í lífinu. Hún skal á Bessastaði, þrátt fyrir kókbotnagleraugu og hring í nefinu. Lokabók í seríu. Fyrri bækur eru: Bónorðin tíu, Innsti kroppur í búri og Fimm ára brandarinn.
Brynja er sannfærð um að dóttir hennar sé andsetin en Ída hagar sér óvenjulega og á ósýnilegan vin. Eftir því sem áhyggjur Brynju aukast fara yfirnáttúrulegir atburðir að trufla veruleikaskynjun hennar. Samtímasaga með hryllingsívafi um ást og aktívisma, listir og barneignir en fyrst og fremst allt hið óvænta og vandasama við móðurhlutverkið.
Söguleg skáldsaga sem gerist á Íslandi á hinni myrku galdraöld og fjallar um prestdótturina Ingibjörgu Jónsdóttur eða Galdra-Imbu, eins og hún var kölluð.
Baldur og Nanna virðast lifa hinu fullkomna lífi, hann lögmaður, hún innanhússhönnuður á leið aftur út á vinnumarkaðinn – en hvað gerist þegar hjónabandið verður fyrir ágjöf? Sambandsráðgjafinn Karitas hefur sjálf átt í stuttum samböndum en öllum hefur lokið áður en ástin kom til sögunnar.
smásögur
Enn ein varðan á leið höfundarins um lendur smásagna, en nú ber svo við að efni þeirra kallast á með sérstæðum hætti þótt ekki sé beinlínis hægt að segja að þær myndi sagnasveig. Í sautján sögum fær lesandinn innsýn í líf ólíkra persóna sem þó eiga ýmislegt sameiginlegt þegar betur er að gáð.
Á hrekkjavökukvöldi, undir stjörnubjörtum himni, er ekið á sjö ára stúlku á reiðhjóli. Bílstjórinn flýr af vettvangi og síðan er eins og jörðin gleypi hann. Lögreglumaðurinn Hörður Grímsson lofar foreldrum stúlkunnar að hann muni finna þann seka, sama hvað það kosti. „Mögnuð spenna frá meistara íslensku glæpasögunnar“ / Gunna Dís, fjölmiðlakona
Hér er á ferðinni einstök íslensk vísindaskáldsaga. Þetta er súrrealísk og goðsagnakennd fantasía með leiftrandi húmor, atburðarás og persónum sem munu koma þér á óvart. Bókin er fáanleg í prentformi í Pennanum Eymundsson og í Nexus og sem rafbók á Amazon Kindle, Storytel og Kobo. Einnig er hún væntanleg sem hljóðbók á Storytel.
Steinn leggur ríðandi af stað úr bænum og ætlar aldrei að snúa aftur. Hann hefur misst trú á framtíðina eftir að lífið í landinu fór snarversnandi á aðeins örfáum árum. Hrakinn og sár er hann á mörkum þess að gefast upp þegar loks rofar til. Harðindi er spennandi og áleitin frásögn af ferðalagi manns og merar á nöturlegum tímum.
Þrjár menntaskólastúlkur glíma við afleiðingar kynferðisbrota. Dómskerfið bregst þeim og í reiði sinni og örvæntingu særa þær upp draug úr gamalli draugasögu og senda á gerendur sína. Sú ákvörðun reynist afdrifarík. Í stað þess að leita réttlætis, vöktu þær upp eitthvað annað. Eitthvað sem hafði mun dekkri hugmyndir um hefnd en þær.
Guðrún Ýr Ingimarsdóttir er einstaklega fær rannsóknarlögreglumaður sem hefur ákveðna sérstöðu: hún drepur fólk. Eftir fæðingarorlof snýr hún aftur til vinnu, staðráðin í að lifa venjulegu lífi. Vera móðir. Vinna vinnuna sína. Skilja fortíðina eftir. En fortíðin lætur hana ekki í friði og fljótlega þarf Guðrún á allri sinni seiglu og styrk að halda
Rithöfundurinn Hera skrifar örlagasögu konu sem gerist rúmum áttatíu árum áður. Líf þeirra tveggja virðist skuggalega líkt þrátt fyrir að tíminn veiti þeim ólík bjargráð.
Vinkvennahópur er mættur á gönguskíðanámskeið á glænýtt lúxushótel í Héðinsfirði, þar sem annars enginn býr. Hótelið er í eigu einnar úr hópnum, hinnar dularfullu Herdísar Karlsdóttur, uppgangskonu sem hefur auðgast mjög í tæknigeiranum. Fljótlega kemur á daginn að gamlar væringar krauma enn undir og á þriðja degi finnst ein úr hópnum myrt.
Konurnar í Lohr fjölskyldunni skilja ekki að Sigvaldi þeirra, með alla sína augljósu mannkosti, hafi aldrei gengið út. Ennfremur fá þær ekki skilið þá fráleitu ákvörðun hans að gerast einsetumaður í eyðivík. Dag einn birtist Sigvaldi á dyraþrepi móður sinnar með mánaðargamla stúlku í fanginu og neitar að svara því hver sé móðir barnsins.
Hún er hér er önnur bókin um miðilinn Rósu. Hún er fengin til að hjálpa ungum dreng sem verður fyrir óhugnanlegri ásókn sem engin augljós skýring virðist vera á. Í leit sinni að svörum opnar Rósa á myrk leyndarmál fortíðarinnar þar sem dökk fjölskyldusaga tekur smám saman á sig óþægilega mynd.