Míkadó
Í skáldsögunni Míkadó segir Gerður Kristný sögu frá Reykjavík níunda áratugarins. Með ísmeygilegri kímni og hnífskörpu innsæi er dregin upp lýsing á heimi sem stundum virðist kæfandi en stundum barmafullur af möguleikum.
Íslensk skáldverk
Síða 4 af 6
Moldin man
Gröfumaður kemur óvænt niður á mannabein og skyndilega verður 35 ára gamalt mannshvarf á allra vörum í litlum bæ þar sem allir þekkja alla. Rannsóknarlögreglukona stendur frammi fyrir því flókna verkefni að leysa þessa gátu en sjálf er hún langt gengin með sitt fyrsta barn. Og einhver fylgist grannt með listgreinakennara sem býr yfir leyndarmáli.
Morð í Múlasveit
Niðursetningurinn Einar Gíslason deyr voveiflega í fjárhúsunum í Skálmardal í Múlasveit. Slys, segir bóndinn Jón rúgkútur. En sár á höfði og járnnaglar sem reknir eru upp í iljar þess látna segja aðra sögu. Hér er rakin hrollvekjandi spennusaga byggð á heimildum úr skjölum og rannsókn á vettvangi. Mögnuð frásögn af dularfullu sakamáli á 19. öld.
Móðurást: Lausnargjaldið
Fjórða bókin í verðlaunaritröð höfundar um Oddnýju langömmu sína í Biskupstungum á ofanverðri 19. öld. Þegar líður á sólskinssumarið 1878 hleypur galskapur í vinnukonurnar í Bræðratungu og þær setja allt á annan endann. Næm eyru heyra vinda frelsis blása sunnan úr Evrópu og þá er freistandi að fylgja hjarta sínu þótt það geti reynst dýrkeypt.
Myrkravald
Eva Björg Ægisdóttir og Jérôme Loubry eru bæði margverðlaunuð fyrir glæpasögur sínar. Þau leggja hér saman krafta sína að undirlagi glæpasagnahátíðarinnar Quais du polar í Lyon en hana sækja yfir 100.000 manns ár hvert. Bókin kemur út samtímis á Íslandi og í Frakklandi.
Mæðrun
sýnisbók
Mæðrun – sýnisbók er safn 12 smásagna sem snúast á einn eða annan hátt um mæður sem elska, vernda, læra og leiðbeina. Í sögunum er fjallað um kröfur, staðalímyndir og áskoranir sem ýtt geta mæðrum til þess að grípa til örþrifaráða. Móðurhlutverkið er margbrotið, dýrmætt og krefjandi og getur jafnvel náð út fyrir gröf og dauða.
Ókunnugt fólk
Áhrifamikil saga um brotna fjölskyldu og óuppgerða fortíð þar sem eldri hjón og uppkomin börn þeirra segja söguna hvert um sig. Síðan elsti sonurinn hvarf fyrir tuttugu árum hefur sorgin sundrað og þau hafa gengið hvert sína leið, ófær um að græða sárin, þar til helgina sem óvænt atvik neyðir þau til að horfast í augu og spegla sig hvert í öðru.
Pár Guðs
Finnur Magnússon lifir spennandi tíma og er frægastur Íslendinga á sinni tíð fyrir vísindastörf sín. Frægðarsól hans rís hátt en hrapar hraðar en nokkur halastjarna er hann ræður rúnagátuna miklu í Blekinge í Svíþjóð og skrifar þykka bók um það forna letur – sem reynist svo ekki annað en jökulristur á veðraðri klöpp.
Ritsafn GE Pensilskrift
smáprósar
Tímamótaverk með hátt í 200 smáprósum sem rúma ótal persónur, þankabrot og atburði með fjölþættum spunaþráðum. Upphaflega gefin út ásamt systurbókinni Þöglu myndunum haustið 2022 og hlaut frábærar viðtökur, en seldist fljótlega upp. Þessi nýja útgáfa er hluti af ritsafni Gyrðis Elíassonar.
Refsingin
Í veröld þar sem fólk situr af sér dóma í sýndarveruleika, án samskipta við umheiminn, skapast möguleiki á að kerfið sé misnotað. Refsingin er vísindaskáldsaga sem fjallar um hefnd, einangrun, stéttaskiptingu og einhæf skrifstofustörf. Fyrsta bók höfundar.
Salka Valka
Sagan af uppvexti og þroska hinnar stoltu og sterku Sölku Völku á Óseyri við Axlarfjörð er í senn saga þorps og svipmikilla einstaklinga. Þegar nýir vindar blása um samfélagið fara átakatímar í hönd – en ávallt leika ást og dauði undir. Bókin kom upphaflega út í tveimur bindum 1931–1932 og hefur verið gefin út margoft síðan heima og erlendis.
Samfélag heilagra
Samfélag heilagra er rannsókn á mannlegu samfélagi þar sem umbreytandi tímamót í lífi og dauða fólks eru krufin. Bókin er samstarfsverkefni meistaranema í ritlist og hagnýtri ritstjórn og útgáfu við Háskóla Íslands.
Sauðburður
„Vantar harðduglegan starfskraft í sauðburð í vor ...“ Ég skrifaði og spurðist fyrir. Sú sem svaraði var Elínóra. Hún gaf mér upp símann sinn og við ræddum saman símleiðis um launamál og aðstæður á bænum. Ég var ráðinn. Svo hélt ég af stað sem leið lá ... Mig gat ekki órað fyrir hvað ég hafði komið mér út í.
Sjálfstætt fólk
Saga hins þrjóska einyrkja, Bjarts í Sumarhúsum, og baráttu hans við allt og alla er bæði þjóðleg og alþjóðleg – sígild frásögn af hlutskipti fátæks fólks í hörðum heimi. Sjálfstætt fólk kom fyrst út í tveimur bindum 1934–1935 og hefur verið gefin út margsinnis síðan á ótal tungumálum.
Skepnufólk
Eldáin rennur niður dalinn eins og þráður í gegnum líf sveitunganna. En það er þungi í straumhljóðinu. Æskuvinirnir í dalnum eru bornir og barnfæddir með bændablóð í æðum og trúa á sauðkindina öðru fremur. Enginn þó meira en Ásta sem kann betur við skepnurnar en mannfólkið.
Skrílmálið
index
Líkt og oft áður samþættir höfundur skáldskap, sagnaminni, hugmyndir og þjóðfræðibrot. Af fundvísi dregur hann fram úr skúmaskotum íslenskrar ritmenningar furðulegustu staðreyndir og setur þær í samhengi eða tengir við óskyld atvik, lyftir þeim á stall eða veltir úr sessi, oftar en ekki með gamansömu ívafi.
Skuggar af Kili
Það hvílir bölvun á þessari fjölskyldu. Eftir dóm um banvænan sjúkdóm og sonarmissi verður Halldóri hugsað til gamalla sagna um fjölskyldubölvun sem rakin var til örlaga Reynistaðarbræðra sem urðu úti á Kili árið 1780. Í örvæntingu sinni gefur Halldór sig á vald þessarar sögu, um leið og hann tekst á við sjálfan sig og sitt nánasta umhverfi.
Skugginn af fuglabúrinu
Í þéttofnum vef liggja flestir þræðir til gamals fjölbýlishúss þar sem búa ósköp venjulegar manneskjur eins og gamla konan sem ekur um á mosagrænum Landrover með ónýtan rafgeymi, skáksnillingurinn sem telur sig vera annan en stendur í þjóðskrá og vanafasti bókasafnsfræðingurinn sem þrjóskast við að rækta kartöflur. En látum ekki blekkjast.