Síða 1 af 6
Áfangastaðir í alfaraleið
Með vinsælustu ferðahandbókum sem út hefur komið hér enda bæði skemmtileg og fróðleg. Lesandinn er leiddur á 175 áfangastaði, þar af 14 nýja, sem ýmist hafa verið á fárra vitorði eða sýndar eru nýjar hliðar á vinsælum áfangastöðum. Bókin opnar því ferðalöngum sýn náttúruundur og bregður ljósi á þjóðarsöguna og sérkenni þjóðarsálarinnar.
Christine og Alex eiga að baki þrjátíu ára nána hjónavináttu við Lydiu og Zachary. Kvöld eitt hringir Lydia af sjúkrahúsinu í miklu uppnámi, Zachary hefur fengið hjartaáfall og er látinn. En harmur þeirra sem eftir sitja þjappar þeim ekki saman, gömul leyndarmál og gremja koma smám saman upp á yfirborðið og það hriktir í stoðum vináttunnar.
Fimm manna fjölskylda varð fyrir því að brotna smám saman undan áföllum, sjúkdómum og slysi. Reynt var að hlífa yngsta barninu en það tókst ekki. Þvert á móti bitnaði ástandið verr á barninu en öðrum fjölskyldumeðlimum. Áratugum síðar birtust afleiðingar erfiðleikanna sem fjölskyldan hafði þurft að kljást við með hræðilegum opinberum ásökunum.
Þegar Perla rankar við sér á Landspítalanum eftir heilablóðfall snýst hennar fyrsta hugsun aðeins um eitt: Bévað líkið, sem getur ómögulega verið áfram þar sem það er. En hvað getur hálflömuð manneskja á áttræðisaldri gert í slíkri stöðu? Þrjóskan og hugvitið geta sannarlega fleytt konu langt – en svo getur liðsauki líka borist úr óvæntustu átt.
Eftir að hafa afplánað fimm ára fangelsisdóm snýr Kenna Rowan aftur til bæjarins þar sem allt fór úrskeiðis, í von um að fá að hitta fjögurra ára dóttur sína. En Kenna fær ekki tækifæri til að byggja aftur brýrnar sem hún brenndi því fólkið í lífi dóttur hennar er staðráðið í að halda þeim aðskildum.
Hér er Ágúst – lundi sem elskar ævintýri! Hann ákveður að dvelja á Íslandi yfir veturinn og lendir í vetrarstormi. Með hjálp vitru uglunnar Júlíu uppgötvar hann norðurljósin og lærir hvernig ský, þoka og regnbogar myndast. Hlý og fyndin saga um veður, vináttu og bláberjakökur, fullkomin fyrir forvitna landkönnuði.
Gertie býr með mömmu sinni og ömmu í yndislegum, litlum bæ nyrst í Skotlandi, þar sem fólk er samheldið og náttúran ægifögur. Það er þó ekki ævintýrum fyrir að fara hjá Gertie. Hún hefur unnið í sömu kjörbúðinni síðan hún lauk skóla og félagslíf hennar snýst aðallega um prjónaklúbb skoðanaglaðra kvenna.
Í þessari áhrifamiklu skáldsögu lýsir Annie Ernaux tilfinningaþrungnu ástarsambandi við giftan mann. Ástríða konunnar gagntekur líf hennar. Þrár hennar og langanir verða nánast óviðráðanlegar og öll tilvera hennar fer að snúast um strjála samfundi við manninn.
Þessi bók fjallar um Davíð og Lólu, músina hans. Einn daginn laumar Lóla sér með í skólann og leikur þar lausum hala. Davíð og vinir hans verða að finna Lólu áður en bjallan hringir.
Þessi bók fjallar um Óðin. Hann er dapur þessa dagana því það snjóar aldrei og mömmur hans vilja losa sig við kisuna þeirra. Það má ekki gerast! Sem betur fer eru Óðinn og Halldóra með fullkomna lausn á málinu.
Þessi bók fjallar um Hallgrím. Þegar þeir Amir spila fótbolta við eldri krakka heyra þeir sögu sem ásækir þá. Át ísbjörn í alvörunni handlegginn af Úlfi? Eða var það hákarl ... ?
Þessi bók fjallar um Wiktoriu og besta leiksvæðið í bænum. Það á að skemma móann og hólinn og byggja blokk í staðinn. Wiktoria og vinir hennar taka höndum saman og mótmæla.
Biluð ást er í senn átakanleg fjölskyldusaga og mögnuð lýsing á óslökkvandi hefndarþorsta, vináttu og tryggð sem aldrei bregst.
Þetta virtist ætla að verða fullkominn brúðkaupsdagur – þangað til bílstjórinn var beðinn um að aka með brúðurina einn hring í viðbót ... Ást, vinátta og leyndarmál afhjúpuð í steikjandi sól við skínandi blátt hafið í Cornwall eftir einn vinsælasta ljúflestrarhöfund heims.
Framsækin skáldsaga um óvæntan brúðkaupsgest og fólkið sem hjálpar henni að byrja upp á nýtt. Það er fallegur dagur í Newport, Rhode Island þegar Phoebe Stone kemur á hið stórfenglega Cornwall hótel í grænum kjól og gylltum hælaskóm, farangurslaus og alein.
Þegar Takako missir í einu vetfangi kærastann, vinnuna og trúna á sjálfa sig, býðst henni óvænt skjól hjá frænda sínum í lítilli fornbókabúð í Tókýó. Jimbocho-hverfið í Tókýó iðar af lífi, þar flökta neonljós borgarinnar og angan af Ramen-núðlum liggur í loftinu. í Morisaki-bókabúðinni opnast annar heimur – kyrrlátur, hlýr og fullur af sögum.
Tuttugasta og sjötta bókin í metsöluflokknum um harðjaxlinn Jack Reacher. Reacher bjargar konu úr hremmingum úti í eyðimörkinni í Arizona. Hún reynist vera að leita að tvíburabróður sínum sem er lentur í klóm grimmúðugs glæpagengis. Reacher býðst til að leggja henni lið – enda hefur hann ekkert á móti dálítið vafasömum félagsskap.
Skotheldur spennutryllir um barnslegt sakleysi og brostna drauma, ábyrgð og svik. Deild Q hjá lögreglunni kemst yfir hljóðupptöku sem varpar ljósi á gamalt morðmál. Óvæntar tengingar við ný dauðsföll beina athygli að leyndarmálum fortíðar og þekktum drengjakór. Bækurnar um Deild Q hafa farið sigurför um heiminn og hér hefst nýr kafli í þeirri sögu.