Síða 2 af 36
Hér er 153. árgangur Almanaks Hins íslenska þjóðvinafélags ásamt Árbók. Auk dagatals flytur almanakið margvíslegar upplýsingar, svo sem um sjávarföll og gang himintungla. Almakinu fylgir Árbók 2025 þar sem rakin eru helstu tíðindi ársins á ýmsum sviðum íslensks mannlífs.
Amelía og Óliver fara í bústað með ömmu og mömmu. Þar hitta þau óvænt tröllið Blæ sem er í heimsókn hjá frænku sinni. Saman fara þau í berjamó og lenda í alls konar ævintýrum í fallegri íslenskri náttúru. Amelía og Óliver er hugljúf saga um vináttu og leikgleði.
Viggó á sér eina ósk en til þess að hún geti ræst verður hann að vera eins óþekkur og hann getur. Þegar Dalía vinkona hans mætir á svæðið kvikna nýjar og slæmar hugmyndir og einhver gæti ályktað að ekki væri hægt að baka meiri vandræði. En þá tekur amma Viggós afdrifaríka ákvörðun sem gæti sett hátíðahöld ársins á annan endann.
Joan Goodwin hefur verið gagntekin af stjörnunum frá því hún man eftir sér. Hún lifir kyrrlátu lífi, kennir stjörnufræði og tekur virkan þátt í uppeldi systurdóttur sinnar. Þegar hún svarar auglýsingu frá NASA, þar sem í fyrsta sinn er óskað sérstaklega eftir umsóknum vísindakvenna um geimfaraþjálfun hjá stofnuninni, snýst líf hennar á hvolf.
Andvari er rit Hins íslenska þjóðvinafélags. Þetta er 151. árgangur en hinn 68. í nýjum flokki. Sem fyrr er Andvari fullur af menningarlegu og ævisagnalegu efni. Fræðigreinar á sviði sagnfræði, bókmennta og málfræði eru mest áberandi en einnig má í heftinu finna þrjár textaútgáfur.
Sjálfsmynd og samfélagið
Ljóð um sjálfsmynd, samfélagið. Bókin sprettur úr persónulegri reynslu höfundar af því að vera bæði innan og utan íslensks samfélags, en víkkar sjónarhornið yfir í spurningar um vestræna menningarhegemóníu, kapítalisma, sagnfræði, fjölmiðla, geðheilbrigði og hver fær að móta þekkingu.
Atli fær verk í eina tönnina og mamma fer með hann til Elfu tannlæknis. Á biðstofunni hittir hann Láru og Ljónsa. Atla finnst tannlæknastóllinn eiginlega vera eins og geimskip úr framtíðinni, með lítil geislasverð, kíki og slímbyssur. Spennandi! Bækurnar um Láru, Ljónsa og Atla eru litríkar og fallegar, skemmtilegar sögur sem krakkar hrífast af.
Atómvenjur býður upp á aðferðafræði til að bæta sig – á hverjum degi. James Clear, einn fremsti sérfræðingur heims í venjumyndun, leggur fram hagnýtar aðferðir sem munu kenna þér nákvæmlega hvernig á að mynda góðar venjur, brjóta slæmar og ná tökum á þeirri litlu hegðun sem leiðir til ótrúlegs árangurs. Alþjóðleg metsölubók.
Þetta er saga Eníms Eními og fjölskyldu hans. Á ferð sinni um geiminn uppgötvar Ením í hverju leyndardómur svarthola er fólginn. Ógn steðjar að Algúrín, heimi harakana, sem teygir sig alla leið til Krular. Ením og ástvinir hans eru í hringiðu atburðanna og kanna nýja heima þar sem óvæntir bandamenn sýna þeim mikla velvild.
Næstversti dagur í lífi Sölku Álfheiðar var viku fyrir sjö ára afmælið hennar, það var dagurinn sem Guð hætti að tala við hana. Versti dagurinn var dagurinn sem mamma hennar dó. Til að gera veröldina rökrétta aftur býr Salka til lista. Einn þeirra er Guðslistinn, þar sem hún telur til allar ástæðurnar sem gætu búið að baki því að Guð yfirgaf hana.
Arkiv, forvaltning og samfund fra middelalder til nyere tid
Vestnorrænu löndin, Færeyjar, Grænland og Ísland, hafa átt sér ólíka sögulega þróun en um leið eiga samfélög þeirra margt sameiginlegt. Bókin fjallar um tilurð, þróun og hlutverk valinna embætta og kynnir jafnframt skjalasöfn þeirra. Markmiðið er að veita innsýn í hvernig ýmis stjórnvöld og embætti hafa þróast í þessum löndum í gegnum aldirnar.
Ally Morales á í nógu miklu basli þegar hún lendir upp á kant við hinn skapstóra og óþolandi myndarlega Dominic Russo. Þegar starfið tengir þau aftur saman verður strax ljóst að þau eiga erfitt með að þola hvort annað en enn erfiðara með að hunsa aðdráttaraflið á milli þeirra. Krassandi skrifstofurómantík eftir margfaldan metsöluhöfund.
Höfundur hjálpar lesendum að skilja hvað felst í áföllum og hvaða áhrif þau geta haft á líf okkar. Hún gerir það á einkar aðgengilegan hátt sem auðveldar okkur að ná tengingu við þetta viðkvæma efni. Hún segir á einlægan og persónulegan hátt sögur úr eign lífi, frá áföllum sem hún hefur orðið fyrir eða orðið vitni að og tengir við fræðilegt efni.
Fyrstu orðin - Á ferðinni geymir góð ráð og hugmyndir fyrir foreldra til að auka sjálfstraust og ánægju barna á máltökunni. Bókin ýtir undir málþroska, er ríkulega myndskreytt og með fullt af flipum fyrir litla fingur til að lyfta og kíkja undir. Gullfalleg bók sem börnin elska.
Hér er Ágúst – lundi sem elskar ævintýri! Hann ákveður að dvelja á Íslandi yfir veturinn og lendir í vetrarstormi. Með hjálp vitru uglunnar Júlíu uppgötvar hann norðurljósin og lærir hvernig ský, þoka og regnbogar myndast. Hlý og fyndin saga um veður, vináttu og bláberjakökur, fullkomin fyrir forvitna landkönnuði.
100 og eitthvað ljóð 1986-2026
Úrval ljóða eftir Braga Ólafsson. Verkin eru einkum úr ljóðabókum Braga en einnig úr prósasöfnum og sérritum, auk þess sem nokkur ljóð birtast hér í fyrsta sinn. Óhætt er að segja að Bragi hafi mikla sérstöðu meðal íslenskra ljóðskálda.
Á leið til Nástranda er stutt yfirlit yfir sögu kapítalismans og frjálshyggjunnar og jafnframt heimspekilegar rætur hvors tveggja, svo sem Darwinisma og kenningar um tungumál. Frásagan hefst á rannsókn Sherlock Holmes á dularfullu andláti frjálshyggjunnar nálægt aldamótunum 1900 en það hlutverk færist síðan yfir á hinn rússneska Basil f...
Árið 1990 heldur ung íslensk stúlka til Ítalíu sem skiptinemi með höfuðið fullt af draumum um frelsi fegurð og menningu. Í Feneyjum endar hún í sögufrægri höll við Canal Grande, þar sem hún býr hjá efnaðri ítalskri fjölskyldu sem lifir eftir ströngum reglum og stífum hefðum. Smám saman kemur í ljós að á bak við glæsileikann leynist annar veruleiki.