Síða 4 af 36
Í senn átakanleg fjölskyldusaga og mögnuð lýsing á óslökkvandi hefndarþorsta, vináttu og tryggð sem aldrei bregst. Jóhann Máni lifði eitt sinn háskalegu lífi, en hann er kominn á efri ár og býr ásamt hundi sínum í austurbæ Reykjavíkur. Viðburðasnauð tilvera hans breytist þó skyndilega þegar ókunnugir menn ráðast að kvöldlagi inn á heimili hans.
Jónína er nýr íbúi í blokk eldri borgara þar sem hún kynnist litríku fólki á sama reki og endurnýjar jafnframt kynnin við gamlan kærasta frá æskuárunum. Eina andvökunótt verður henni litið út um gluggann og sér þá inn um glugga í næstu blokk að maður er að fremja alvarlegan glæp. Var kona myrt fyrir framan augun á Jónínu eða missýndist henni?
Birki í menningu, listum og lífinu
Við samvist birkis og mannfólks á Íslandi hefur skapast einstakur menningarheimur. Fræða- og listafólk fjalla hér um fagurferðilegt, menningarlegt og samfélagslegt gildi birkis og veitt er innsýn í upplifun fólks af birkiskógum. Bókin er hluti af þverfaglega verkefninu BirkiVist og ritröðinni Huldurit sem helguð er umhverfishugvísindum.
Frosti Fjalar
Bókin kom út í tengslum við samnefnda sýningu í Hafnarborg. Í útgáfunni er birt úrval verka Frosta Fjalars, auk ljósmynda og texta eftir Ásdísi Spanó, Kristínu Ástu Kristinsdóttur og Aðalstein Ingólfsson sem varpa ljósi á myndlist hans og feril. Ljósmyndir eru eftir Kristínu Ástu Kristinsdóttur.
Listasafni Íslands er það sönn ánægja að kynna útgáfu glæsilegrar og ríkulega myndlýstrar bókar í tilefni sýninganna Echolalia eftir Björk og Ummyndlingar eftir James Merry, sem opnaðar voru safninu 31. maí 2026 og stóðu til 20. sept 2026
ítölsk samtímaljóð
Í þessari bók er að finna ljóð eftir tíu starfandi ítölsk skáld sem vakið hafa athygli í heimalandinu og víðar. Þau valdi skáldkonan Elisa Biagini, sem sjálf er í þeirra hópi, og þýðingar gerði Sigurbjörg Þrastardóttir. Speglað verklag er að finna í ítölsku kveri um íslenska samtímaljóðlist sem í undirbúningi er á Ítalíu.
Vandað og fallegt bókadagatal með 24 fallegum litlum bókum sem tilvalið er að lesa fyrir börnin fyrir svefninn í aðdraganda jóla. Innan við hvern glugga dagatalsins er skemmtileg saga. Þegar svo loksins er komið fram á aðfangadag hefur safnast upp bókasafn sem lesa má aftur og aftur.
Allir elska Sillu, mömmu Blæju og Báru, og sérstaklega þær sjálfar. Í þessari fallegu og fyndnu bók skrifa þær Blæja og Bára um það hvers vegna Silla mamma er svona meiriháttar. Bækurnar um Blæju og fjölskyldu hennar hafa notið mikilla vinsælda hér á landi sem og annars staðar.
Allir elska Badda, pabba Blæju og Báru, og sérstaklega þær sjálfar. Í þessari fallegu og fyndnu bók skrifa þær Blæja og Bára um það hvers vegna Baddi pabbi er svona frábær. Bækurnar um Blæju og fjölskyldu hennar hafa notið mikilla vinsælda hér á landi sem og annars staðar.
Hvað ef sumar hugsanir eru ekki þess virði að geyma? Hlý og hugljúf saga um forvitni, von, sorg, sjálfsmynd og kraft góðra samtala. Bók sem minnir okkur á að hugsanir eru ekki alltaf sannleikur – og að lífið verður oft léttara þegar við veljum hverjum þeirra við trúum.
Í þessari fyrstu bók sinni deildir Ísak Aron Jóhannesson, fyrirliði kokkalandsliðsins, uppskriftum sem byggjast á ástríðu hans fyrir íslenskum fiski, kjöti, villibráð, mjólkurvörum og grænmeti. Hér mætast hefðir og nútímaleg matreiðsla í réttum sem eru bæði aðgengilegir og metnaðarfullir.
Haustið 1807 ríkti stríð í Evrópu. Siglingar til Íslands voru í hættu. Magnús Stephensen ákvað að skrifa bréf til Englands og leita hjálpar. Fyrir röð tilviljana leiddi það til þess að enskir sápukaupmenn rændu völdum á Íslandi og yfir landið var settur danskur túlkur þeirra, Jörgen Jörgensen. Hér er fjallað um þessa ótrúlegu atburðarás.
Ljóðsagan Brotnar línur er hrá og hrífandi rannsókn á aftengingu. Hér segir frá ungri konu sem heldur úr borginni út á land til að vinna í sláturhúsi. Þar kynnist hún köldum veruleika blóðugrar matvælaframleiðslu en líka fólkinu í þorpinu og upplifir fegurð og forvitni, nánd og hlýju.
Þetta virtist ætla að verða fullkominn brúðkaupsdagur – þangað til bílstjórinn var beðinn um að aka með brúðurina einn hring í viðbót ... Ást, vinátta og leyndarmál afhjúpuð í steikjandi sól við skínandi blátt hafið í Cornwall. Brúðkaup ársins er eftir einn vinsælasta ljúflestrarhöfund heims.
Framsækin skáldsaga um óvæntan brúðkaupsgest og fólkið sem hjálpar henni að byrja upp á nýtt. Það er fallegur dagur í Newport, Rhode Island, þegar Phoebe Stone kemur á hið stórfenglega Cornwall hótel í grænum kjól og gylltum hælaskóm, farangurslaus og alein.
Greinasafn til heiðurs prófessor emerítus Guðrúnu Björk Guðsteinsdóttur sem hefur komið víða við í rannsóknum sínum og kennslu. Greinarnar leiða til umhugsunar á þeim viðfangsefnum sem Guðrún Björk hefur helgað sig: breskum og norður-amerískum bókmenntum, Ameríkufræðum, arfi íslenskra vesturfara og smásögum. Nálgast má eintök hjá ritstjórum.
Í dimmum skógum sænsku Smálandanna, á bökkum stöðuvatns sem nefnist Råsjön, er gamalt sumarbústaðahverfi. Eitt sinn var þar fjölmenni á sumrin, fólk synti áhyggjulaust í vatninu, baðaði sig í sólinni og var úti á björtum sumarnóttum. En nú standa litlu rauðu bústaðirnir auðir og yfirgefnir, enginn kemur þangað lengur til dvalar.
Niðjatal
Hjónin Ingibjörg Sigurðardóttir og Gissur Gunnarsson voru ábúendur á bænum Byggðarhorni í Flóa í 36 ár, frá 1899 til 1935. Gissur fæddist í Byggðarhorni en afi hans og amma höfðu tekið þar við búsforráðum árið 1837. Gissur og Ingibjörg eignuðust 16 börn sem öll komust til manns. Teljast afkomendur þeirra nú vel á sjötta hundrað.