Síða 9 af 25
um mikilvægi hjartastöðvarinnar
Fjallað er um mikilvægi hjartastöðvarinnar og hvernig opnun hennar leiðir til tengingar við innra Sjálfið. Margir halda hjarta sínu lokuðu vegna sársauka og erfiðrar reynslu. Sagt er frá hvernig unnið er að opnun hjartans, sem færir okkur inn í heim kærleika, visku, góðvildar, fegurðar og friðar. Bókin o.fl. bækur höfundar fást á www.avalon.is
Síðasta bókin um Charlie og Nick – fyrsta ómótstæðilega ástin. Raunsæ og einlæg myndasaga fyrir börn og unglinga sem hefur farið sigurför um heiminn á undanförnum árum og breytt tíu milljón lesendum til frambúðar. Vinsælir sjónvarpsþættir á Netflix hafa verið gerðir eftir sögunni.
Hannes Pétursson hefur verið meðal höfuðskálda þjóðarinnar í rúma sjö áratugi eða frá því að hann kvaddi sér hljóðs með Kvæðabók árið 1955. Hjá Leyningsvötnum er tólfta ljóðabók Hannesar. Skáldinu er vant einskis á árstíð saknaðarins og hefur ekki dregið úr dirfsku sinni við að takast á við nútímann.
Nina Swann verður forvitin þegar hún fær samúðarkort frá Nick Radcliffe sem segist vera gamall kunningi nýlátins manns hennar. Nick er traustvekjandi maður með góðan smekk. Ash, fullorðinni dóttur Nínu, finnst Nick þó aðeins of sléttur og felldur, of fágaður, grunnsamlega góður.
Hljóð í tíu sjávardýrum
Dýfðu þér ofan í fallegan töfraheim hafsins og skoðaðu höfrunga sem stökkva og krabba sem veifa. Ýttu á takkana til að heyra hljóðin í dýrunum. Fallegar myndir af sjávardýrum og skemmtilegur fróðleikur um falleg dýr á hverri blaðsíðu.
Snigilinn Skrúfu dreymir um að yfirgefa litla skerið sitt og skoða heiminn. Eina nóttina rætist óskin: Risastór hvalur kemur syndandi og býður henni far á sporði sínum. Og þá hefst ógleymanleg ævintýraferð, uppfull af undrum og hættum. Sjöunda bókin sem kemur út á íslensku eftir bresku metsöluhöfundana Juliu Donaldson og Axel Scheffler.
Hobbitann eftir J.R.R. Tolkien þarf vart að kynna. Góðu fréttirnar eru að nú er bókin loks fáanleg á ný fyrir lesendur á Íslandi. Í nýrri þýðingu Solveigar Sifjar Hreiðarsdóttur með ljóðaþýðingum Braga Valdimars Skúlasonar. www.kver.is
Viðhafnarútgáfa
Sérstök viðhafnarútgáfa eins af turnum bókmenntasögunnar er nú fáanleg hjá Kveri bókaútgáfu, en fyrsta útgáfa seldist upp fyrir síðustu jól (’25). Sérlega glæsileg útgáfa og tilvalin gjöf. Þýðing Solveigar Sifjar Hreiðarsdóttur með ljóðaþýðingum Braga Valdimars Skúlasonar hefur hlotið einstaklega lofsamlegar viðtökur.
Hér heldur metsöluhöfundurinn og samfélagsmiðlastjarnan, Nathan Anthony, áfram að kenna heimiliskokkum að nota lofsteikingarpottinn til að reiða fram girnilegan heimilismat án fyrirhafnar og á örskömmum tíma, en allar uppskriftirnar í bókinni miða við hálftíma eða minna. Hollar og seðjandi uppskriftir gerðar til að spara tíma og fyrirhöfn.
Holt undir Eyjafjöllum var höfuðból í héraði í meira en þúsund ár og lengst af helgur kirkjustaður. Þar hefst sagan sem rakin er í þessari bók, og nær til ábúenda á staðnum og fólksins í sveitinni. Hér tengjast saman víddir tímans, hestar og menn, fjöll og fjara, galdrar og góðkvendi, hvaðeina fær hér sitt rými í samhangandi sögu.
Bók sem er í laginu eins og bíll. Skemmtileg leið til að efla áhugann á að læra að telja. Litríkar myndir hjálpa börnum við að skoða hluti og læra orð. Hoppaðu með á talnarútuna!
Vinkvennahópur er mættur á gönguskíðanámskeið á glænýtt lúxushótel í Héðinsfirði, þar sem annars enginn býr. Hótelið er í eigu einnar úr hópnum, hinnar dularfullu Herdísar Karlsdóttur, uppgangskonu sem hefur auðgast mjög í tæknigeiranum.Fljótlega kemur á daginn að gamlar væringar krauma enn undir og á þriðja degi finnst ein úr hópnum myrt.
Una og Ormur eru í næturgistingu hjá ömmu og afa og fá að sofa með góðu sængina hennar ömmu. En af hverju er sængin hennar svona dásamleg? Er hún kannski troðfull af silkimjúkum skýjum? Hreiður, egg og æðardúnn rekur á fjörugan og myndríkan hátt ferðalag æðardúnsins frá hreiðrunum í æðarvarpinu til sængurinnar og svefnpokans.
50 einfaldar og fjölbreyttar styrktar- og liðleikaæfingar sem auka kraft, þol og jafnvægi. Hverri æfingu fylgja myndir og skýrar leiðbeiningar. Æfingarnar eru framkvæmdar án áhalda og þær er hægt að gera hvar sem er. Hreyfispjöldin henta fólki á öllum aldri, byrjendum jafnt sem lengra komnum.
Árið 1974 var hringvegurinn um Ísland opnaður með vígslu Skeiðarárbrúar, vegur sem áður hafði varla verið til í villtustu draumum landsmanna. Bókin fjallar um opnun hringvegarins í samhengi við íslenska samgöngusögu á landi, í lofti og á sjó. Hvaða þýðingu höfðu greiðari samgöngur fyrir byggðina í þessu hrjóstruga landi og samband manns og náttúru?
Skemmtileg saga miðuð við yngstu lesendurna. Textinn er stuttur og auðveldur, 200-250 orð og skilningsverkefni eru í lok sögunnar.
Konurnar í Lohr fjölskyldunni skilja ekki að Sigvaldi þeirra, með alla sína augljósu mannkosti, hafi aldrei gengið út. Ennfremur fá þær ekki skilið þá fráleitu ákvörðun hans að gerast einsetumaður í eyðivík. Dag einn birtist Sigvaldi á dyraþrepi móður sinnar með mánaðargamla stúlku í fanginu og neitar að svara því hver sé móðir barnsins.
Saga einstaks myndlistarmanns sem ruddi brautir í íslenskri höggmyndalist en hvarf að mestu úr sviðsljósinu. Verk hans og ljósmyndir af glötuðum höggmyndum varpa ljósi á óvenjulegan listamann og tímann sem hann lifði.