Síða 13 af 25
Sagan öll
Þessi bók Rósu er hreint ótrúleg! Hún er yfirþyrmandi, ljúf og óþægileg. Rósa skrifar sögu Lalla, söguna alla, eins og hún hafði lofað honum á dánarbeði hans. Hún efndi það loforð svo rækilega að lesandinn er lengi að jafna sig eftir lesturinn.
Yfirgefin bifreið við vegkant hverfur hægt sjónum eftir því sem fannfergið eykst. Inni í bílnum er svar við flókinni morðgátu sem enn er óleyst. Hópur fólks hefur tekið sig saman á netinu um að vinna saman að því að leysa óleyst sakamál.
Landhelgisgæsla Íslands hefur staðið vaktina í 100 ár. Hún nýtur mikils velvilja landsmanna og meira trausts en aðrar íslenskar stofnanir. Í þessari bók er tæpt á því helsta sem við hefur borið hjá Landhelgisgæslunni, björgunarstörfum, átökum á miðunum og mörgu öðru. Magnaðar myndir prýða bókina.
Ef lífið bara væri/ samansett af eintómum lokastundum,/ ég fyndi ávallt til þessa vandræðalega/ hamingjutrega kveðjandi lífs,/ lifði ég glaður að eilífu … Höfundur hefur áður sent frá sér skáldsöguna Óljós - saga af ástum.
Lára fær mömmu með sér á skautasvell að prófa skauta. Mest langar Láru að hraðsnúast á svellinu í glitrandi kjól en það kemur í ljós að það er ýmislegt sem þarf að læra áður en hún nær slíkri færni. Hversdagssögur Birgittu Haukdal um Láru og bangsann Ljónsa hafa verið metsölubækur í fjölda ára og vinsæl leiksýning verið gerð eftir þeim.
Einn fallegan vordag í París rennur það upp fyrir Malín að hún getur ekki lengur falið sig á bak við að vera tuttugu og eitthvað, enn að finna sig, enn með tímann með sér í liði. Á yfirborðinu virðist líf hennar fullkomið. Ástin örugg. Framtíðin skipulögð. Fótboltastelpan úr Árbænum er komin á stað sem hana hefði aldrei getað dreymt um.
Elías getur varla slitið sig frá nýja tölvuleiknum sínum. Hann gerist á eyðilegum bóndabæ og gengur út á að forða sér frá brjáluðum kanínum sem virðast hafa stökkbreyst eða smitast af hræðilegum sjúkdómi. Eitt kvöldið uppgötvar Elías að bóndabærinn er til í alvörunni. Og það sem meira er, það er eitthvað mikið að kanínunum þar líka.
Belgíski rannsóknarlögreglumaðurinn Hercule Poirot er á leið til frönsku Rívíerunnar. Hann hugsar sér gott til glóðarinnar að hvílast og njóta lífsins um borð í lúxuslestinni bláu, Le Train Bleu. Í lestinni hittir hann fyrir dóttur þekkts bandarísks auðmanns, Ruth Kettering. Hún er á leið til fyrrverandi elskhuga síns.
Tuttugu og fjögur ár eru síðan Helena eyddi sumri á Kýpur og varð ástfangin í fyrsta skipti. Hún snýr aftur með fjölskyldu sinni þegar hún erfir húsið Pandóru. Helena veit að húsið geymir leyndarmál sem hún hefur haldið frá eiginmanni sínum og syni. Þegar hún hittir óvænt gamla kærastann hefst atburðarás sem gæti haft óafturkræfar afleiðingar.
Freyja og Frikki eru spennt fyrir hátíðum sumarsins á Íslandi með vinum sínum í Leynifélaginu Púkablístrunni. Þau eiga líka von á góðum gestum alla leið frá Alsír en ferðafélagar þeirra frá því á Galapagos, Chiraz og Omar, eru á leið í heimsókn með óvæntar gleðifréttir í farteskinu. Það stefnir því í frábært sumar.
Heillandi og ríkulega myndskreytt saga í bundnu máli sem fylgir systkinunum Siggu og Dóra í gegnum litríkan dag. Ellefu litir ramma inn söguna þar sem hver kafli stendur sem sjálfstætt ljóð, tileinkað einum lit og þeirri stemningu og tilfinningu sem hann ber með sér. Fyrir börn á öllum aldri sem elska rím, hrynjandi og fallega liti.
Bókin er beitt ádeila á útlitsdýrkun og samfélagslegan þrýsting um hlutverk okkar í lífinu. Um leið er hún hjartnæm áminning um að raunverulegur jólaandi felst í því að sýna náunganum kærleika og umhyggju.
Ný útgáfa
Litlar konur (Little Women) eftir bandaríska rithöfundinn Louisu May Alcott er ein vinsælasta skáldsaga síðari tíma. Bókin segir uppvaxtarsögu fjögurra systra — hinnar fögru og dygðugu Möggu, strákastelpunnar Jóu, hinnar blíðlyndu Betu og ofdekruðu Önnu litlu. Tilvera þeirra fer úr skorðum þegar fjárhagur fjölskyldunnar hrynur.
Þroskandi snertu og finndu bók fyrir yngstu kynslóðina.
Fyrir ferðabloggarann Fionu hefur Japan alltaf verið efst á óskalistanum. Þegar hún vinnur ferð þangað, þar sem allt er innifalið, virðist sem draumur hennar sé loks að rætast. En þegar hún kemur til hinnar líflegu og iðandi Tókýó stendur hún óvænt augliti til auglitis við manninn sem hún hélt að væri ást lífsins, ljósmyndarann glæsilega, Gabe.
Hver er Litli Kristur? Á ískaldri jólanótt finnst óttasleginn drengur einn og yfirgefinn á Laugavegi. Hann veit ekki hver hann er, hvaðan hann kom eða hvert hann er að fara.
Litli prinsinn eftir Antoine de Saint-Exupéry er ein dáðasta bók sem hefur komið út og hefur verið þýdd á ótal mörg tungumál. Árið 2008 lagði Joann Sfar í samráði við rétthafa í það vandaverk að endurskapa þetta frábæra lærdómsríka ævintýri í myndasöguform með sínum sérstaka stíl og gefa því nýjan blæ.
Skemmtileg og fræðandi bók með orðapúsli sem hannað er með yngstu kynslóða í huga.