Fyrsta lygin sigrar
Evie Porter hefur allt sem góð suðurríkjastúlka gæti óskað sér; yndislegan kærasta, draumahúsið, þéttan vinahóp. Eini gallinn er að Evie Porter er ekki til. Metsölubók um allan heim.
Allar bækur
Síða 7 af 25
Fyrsta skiptið
Þegar ég horfði í spegilinn þennan morgun var ég eins og áður. Það hafði ekkert breyst. Ég var með sama hárið, sama andlitið, sömu augun ... og þó, kannski ekki sömu augun – því að þau sáu eitthvað annað. Þau sáu Elías. Fyrsta skiptið er saga um gleðina sem felst í því að finna sinn stað í eigin líkama.
Fyrstu orðin púslubók
Fyrstu orðin - Púslubók er skemmtileg og þroskandi bók með púsluspjöldum sem hjálpar börnum að byggja upp og auka sinn orðaforða.
Blóðbönd Galdra-Imba
Söguleg skáldsaga sem gerist á Íslandi á hinni myrku galdraöld og fjallar um prestdótturina Ingibjörgu Jónsdóttur eða Galdra-Imbu, eins og hún var kölluð.
Gáttir
Heimsbókmenntir á Íslandi 1913 – 1943
Fullveldisárin voru tímabil umróts í íslensku menningarlífi. Lögð var áhersla á að byggja upp kröftuga íslenska nútímamenningu og kynna nýjustu og mikilvægustu strauma alþjóðlegra bókmennta fyrir lesendum. Hér er sjónum beint að margbrotinni þýðingaútgáfu þessa tímabils þegar hugmyndin um heimsbókmenntir var að taka á sig mynd hérlendis.
Gistiheimilið í Beroun
smásögur
Enn ein varðan á leið höfundarins um lendur smásagna, en nú ber svo við að efni þeirra kallast á með sérstæðum hætti þótt ekki sé beinlínis hægt að segja að þær myndi sagnasveig. Í sautján sögum fær lesandinn innsýn í líf ólíkra persóna sem þó eiga ýmislegt sameiginlegt þegar betur er að gáð.
Gísli Súrsson
1. Úr stríði í frið
Ein ástsælasta Íslendingasagan er nú komin út sem myndasaga. Alvestfirsk framleiðsla; höfundurinn býr í sögusviðinu miðju. Fyrsta bók af fjórum um þessa örlagaþrungnu sögu um ástir, vináttu og átök. Þessi útgáfa er fyrir fólk á öllum aldri, ekki síst skólabörn. Bókin kemur samtímis út á þýsku.
Lestu sögu á 10 mínútum Gleðikakan
Skemmtileg myndskreytt saga miðuð við yngstu lesendurna. Textinn er 400-500 orð og skilningsverkefni eru í lok sögunnar.
Gleym mér ei
Á hrekkjavökukvöldi í Reykjavík, undir stjörnubjörtum himni, er ekið á sjö ára stúlku á reiðhjóli. Bílstjórinn flýr af vettvangi og síðan er eins og jörðin gleypi hann. Lögreglumaðurinn Hörður Grímsson lofar foreldrum stúlkunnar að hann muni finna þann seka, sama hvað það kosti.
Glæfraleg
Vanmennið, Paedyn Gray, hefur drepið konunginn og hrunið af stað uppreisn andspyrnuhreyfingar um allt land. Nú er hún á flótta undan þeim sem hún hefði helst viljað flýja til. Annar hluti hins magnaða, sjóðheita og spennuþrungna þríleiks um Paedyn Gray.
Greppiamma
Glænýr meðlimur í greppifjölskyldunni sem er fyrir löngu búin að vinna hug og hjarta íslenskra barna. Greppiamma er á leiðinni í heimsókn og hún hefur feiknarlega góða matarlyst. Því halda Greppikló og Greppibarnið á veiðar í Myrkaskógi. En þar rekast þær á afar kunnuglega mús.
Gröfubók með upptrektri gröfu
Trekktu upp litlu gulu gröfuna og fylgstu með henni aka eftir brautum í þessari spennandi og gagnvirku bók.
Guðir og annað fólk
Hér er á ferðinni einstök íslensk vísindaskáldsaga. Þetta er súrrealísk og goðsagnakennd fantasía með leiftrandi húmor, atburðarás og persónum sem munu koma þér á óvart. Bókin er fáanleg í prentformi í Pennanum Eymundsson og í Nexus og sem rafbók á Amazon Kindle, Storytel og Kobo. Einnig er hún væntanleg sem hljóðbók á Storytel.
Guli hundurinn
Í vindasömum strandbæ að nafni Concarneau særist vínkaupmaður nokkur hættulega í skotárás. Það hrindir af stað röð undarlegra atburða og brátt grípur um sig mikill ótti í bænum. Svo virðist sem einhver ætli sér að ráða alla áhrifamenn bæjarins af dögum.
Gurra - Gríslingur um borð
Förum í bíltúr! Komdu með Gurru og fjölskyldu hennar í bíltúr á nýja, stóra bílnum þeirra. Skemmtilegar sögur um Gurru grís og æðisleg upplifun með alvöru stýri og mörgum tökkum og hljóðum!
Gæludýr
Bók sem þú snertir og skynjar
Í þessari bók kynnist þú tíu gæludýrum. Skoðaðu dýrin og klappaðu þeim með því að snerta efnið á hverri síðu.
Gönguleiðir við náttúruperlur Íslands
Gönguleiðir við náttúruperlur Íslands hefur að geyma leiðarlýsingar hátt í 50 stuttra gönguleiða í námunda við þekkta áfangastaði í íslenskri náttúru. Oft má auðveldlega og á stuttum tíma færa sig frá fjölförnum stöðum og finna kyrrðina á göngu á fáfarnari slóðum rétt við náttúruperlur landsins.
Halló mín fagra
„Þegar þú byrjar viltu ekki að sagan taki enda … og þú mátt eiga von á tárum.“ / Oprah Winfrey