Ég hata að hugsa
Örsögur í myndasögustíl um ADHD, kvíða og erfiðleikana sem þeim fylgja í hversdagsleikanum.
Allar bækur
Síða 8 af 37
Ég kom til að gráta
Hvaða afleiðingar hafa áföll í æsku, brotin sjálfsmynd, brestir í hjónabandi? Eða óttinn við að horfast í augu við sjálfan sig? Við erum öll að glíma við eitthvað, leita jafnvægis, eins og Jónatan sem fer á Snæfellsnes til að biðjast fyrirgefningar og skrifa sig frá erfiðum æskuárum. Áhrifamikil saga, skrifuð af næmi, einlægni og hárfínum húmor.
Ég og Milla Í pössun
Milla og Milla eru mættar aftur til leiks! Nú þarf Milla að vera í pössun hjá ömmu sinni sem er bæði mikil skvísa og nagli, og reynist eiga sér risastórt leyndarmál. Bumban á Línu kennara stækkar, Jónas bróðir er enn sami unglingurinn og Bassi er áfram krúttlegasti hundur í heimi! Sannkölluð lestrarskemmtun með myndum sem dansa á síðunum.
Ég vil ekki fara að hátta
Lassi er fimm ára og vill aldrei fara að hátta. Þegar mamma hans reynir að koma honum í rúmið orgar hann bara og ólmast. Kvöld eitt heimsækir hann Lottu gömlu. Hún leyfir honum að prófa gleraugun sín – og það eru sko engin venjuleg gleraugu! Með þeim getur hann nefnilega fylgst með háttatíma dýranna. Sígild saga sem er nú loks fáanleg á ný.
Ég vil ekki vera vinur þinn
Sorgarsaga úr íslenskri stjórnsýslu
„Þetta var hryllilegasti dagur lífs míns,” segir Pétur en þann dag var hann borinn þeim sökum að hafa áreitt samstarfskonu sína kynferðislega. Heimurinn fór á hvolf og hann skildi hvorki upp né niður. Í bókinni er lýst forkastanlegri málsmeðferð auk þess sem höfundur lýsir eigin sálarstríði. Upplýsingar eru á facebook síðu með nafni bókarinnar.
Ég vil skoða risaeðlur
Liftu flipunum til þess að uppgötva margvíslegan fróðleik um forvitnileg dýr sem dóu út fyrir milljónum ára. Skemmtileg harðspjalda fróðleiksbók fyrir forvitna krakka.
Farðu um jólin
Æsispennandi jóladagatal! Ísabella og Lúkas eru erkióvinir en neyðast til að vinna saman þegar mamma hennar og pabbi hans byrja að deita. Jólin nálgast og það síðasta sem þau vilja er að verja þeim saman. Þau beita því ýmsum brögðum til að reyna að fá foreldra sína til að hætta saman. En tekst þeim það áður en klukkurnar hringja inn jólin?
Fálmandi hendur í fjöru
Bjarni M. Bjarnason hefur sent frá sér á þriðja tug bóka og hafa þær meðal annars komið út á færeysku, arabísku, þýsku og ensku. Verk hans eru margverðlaunuð og nú síðast var Dúnstúlkan í þokunni tilnefnd til Íslensku bókmenntaverðlaunanna.
Fárviðrið
Þegar sæfarinn og ævintýramaðurinn Jem Rosco birtist óvænt í bænum Greystone í Devon vekur það óskipta athygli. En skömmu síðar hverfur hann sporlaust. Lík hans finnst í litlum báti undan Scully Cove, vík sem er sveipuð þjóðsagnakenndri dulúð. Rannsókn málsins reynist rannsóknarlögreglumanninum Matthew Venn erfið vegna fortíðar hans í Greystone.
Feluleikur Heima
Falleg bók fyrir yngstu börnin sem þroskar og örvar skilning þeirra. Þau skoða bókina aftur og aftur!
Ferðalag Helenu
Hlý og uppörvandi skáldsaga um konu sem brýtur upp ævilangt lífsmynstur, um ást sem krefst ekki undirgefni og hugrekkið sem þarf til að lifa í sátt við sjálfa sig. Bókin varð metsölubók í Svíþjóð, enda ber hún öll höfundareinkenni Vivecu Sten, glæpasagnahöfundarins ástsæla, sem hér skrifar sína fyrstu ljúflestrarbók.
Ferðalag Sólu og heilun jarðar
Hvernig náttúran meðtekur góðvild
Sóla leggur af stað í töfrandi ferð um skóginn þar sem hún finnur tré sem kennir henni að hlusta á náttúruna. Smátt og smátt finnur hún að jörðin er lifandi og að allt líf tengist. Hlý og ljóðræn tvítyngd bók á íslensku og ensku sem býður börnum og þeim sem lesa með þeim að njóta náttúrunnar saman.
Ferðalok
Skýrsla handa akademíu
Laust eftir síðustu aldamót sá íslenskur bókmenntafræðingur fyrir sér að líkamsleifarnar sem hvíla í gröf Jónasar Hallgrímssonar á Þingvöllum yrðu sendar til DNA-greiningar á danskri rannsóknarstofu. Hann samdi ótímabæra skýrslu til að tryggja að erfðafræðingurinn, sem annast myndi rannsóknina, gæti glöggvað sig á viðfangsefninu.
Ferðasaga kúrekans
Ferðasaga kúrekans segir frá rekstri þrjú þúsund nautgripa frá Rio Grande í syðsta hluta Texas í Bandaríkjunum allt norður til Montana árið 1882. Ferðin tekur fimm mánuði. Á leiðinni kynnist sögumaður, piltur um tvítugt, langrekstrarlífinu, hættum þess og erfiðleikum.
Fimm aurar
Heimsins bestu brandarar
Hvernig bragð er af stafasúpu? Nú, auðvitað orðbragð. Konan mín sagði að ég ætti ekki yngsta strákinn. Nú verð ég að fara aftur á leikskólann og reyna að finna þann rétta. Fólk á öllum aldri elskar fimm aura eins og þessa!
Fimmta barnið
Fjögur yndisleg börn, fallegt gamalt hús, ástríkir ættingjar og vinir – líf Harrietar og Davids Lovatt er hamingjusamt og gleðiríkt. En þegar fimmta barnið fæðist leggst dimmur skuggi yfir heimilislífið. Hinn ungi Ben er stór og ófrýnilegur, ofbeldisfullur og stjórnlaus. Áhrifarík skáldsaga eftir Nóbelsverðlaunahafann Doris Lessing.
Fíasól í tómu tjóni
Nú er Fíasól í tómu tjóni. Ingólfur Gaukur nennir ekki að hanga með henni. Amma Gógó og Afi Donni aflýsa jólunum og æða til Tenerife og Fíasól og fjölskylda elta. Glæpsamlegir atburðir eiga sér stað í Skrímslagarðinum. Fíasól gerist spæjari, tekur málin í sínar hendur og flýgur yfir skynsemismörkin.
Fjöltyngi á Íslandi
Inngangur að annarsmálsfræðum
Birna Arnbjörnsdóttir, prófessor emeritus við Háskóla Íslands, hefur um árabil rannsakað og gefið út rit um sambýli tungumála hjá einstaklingum og samfélögum. Bókin er inngangur að annarsmálsfræðum fyrir kennara, kennaranema og aðra sem vilja dýpka þekkingu sína á fjöltyngi og áhrifum þess á nám sívaxandi hóps fjöltyngdra ungmenna á Íslandi.