Síða 11 af 25
Hvað tökum við í arf frá foreldrum og hverju miðlum við áfram til barna okkar? Hvernig komumst við að því hvað er hvurs og hvurs er hvað? En ekki síst: hvar finnum við frið mitt í áreiti og óreiðu nútímans? Höfundur hefur varið drjúgum tíma í þá leit á leið sinni um leikhúsið, listir, pólitík, sálarfræði, hugleiðslu og andlegt líf.
Eyjólfur Ó. Eyjólfsson sendi fyrir nokkrum árum frá sér limrukver sem vakti heilmikla athygli. Nú hefur hann efnt í aðra slíka bók.
Milla og Milla eru mættar aftur til leiks! Nú þarf Milla að vera í pössun hjá ömmu sinni sem er bæði mikil skvísa og nagli, og reynist eiga sér risastórt leyndarmál. Bumban á Línu kennara stækkar, Jónas bróðir er enn þá sami unglingurinn og Bassi er áfram krúttlegasti hundur í heimi! Sannkölluð lestrarskemmtun með myndum sem dansa á síðunum.
Systkinin Írissa og Issi dvelja hjá Kötu frænku. Hjá Kötu frænku leynist frumskógur með mörgum dýrum og stórum plöntum. Þar gerist margt áhugavert og spennandi.
Ísadóra Nótt er sérstök af því að hún er öðruvísi.
Einfaldar uppskriftir ad is, sorbet, mjolkurhristingum, smoothie-skálum, frosnum drykkjum og fleira
Búðu til þínar eigin frosnu kræsingar á nokkrum mínútum með Ninja Creami. Það geta allir fundið eitthvað við sitt hæfi í þessari fjölbreyttu bók - ís, sorbet, gelato, mjólkurhristinga, frappé, krap, smoothie-skálar og margt fleira! Uppskriftirnar eru einfaldar og fljótlegar og þeim fylgja ítarlegar leiðbeiningar.
Ný og uppfærð útgáfa af bókinni sem hefur hlotið ótal verðlaun og viðurkenningar, m.a. Fjöruverðlaunin, tilnefningu til Íslensku bókmenntaverðlaunanna og teiknarinn hlaut Barnabókaverðlaun Reykjavíkur fyrir myndirnar. Margrét Tryggvadóttir ritar aðgengilegan texta og blæbrigðaríkar myndir Lindu Ólafsdóttur gera bókina að sannkölluðu listaverki.
Tröll hafa byggt Ísland frá því löngu áður en menn settust hér að. Hér er hulunni svipt af lífsháttum tröllanna með sérstakri áherslu á litla tröllafólkið - sem er samt ekki svo lítið! Í þessari myndríku bók vekur Brian Pilkington magnaðan hulduheim til lífsins á sinn tröllskemmtilega og nýstárlega hátt. Einnig fáanleg á ensku.
Milan býr í París ásamt foreldrum sínum. Móðir hans er frá Rúanda en er harðákveðin í því að tala aldrei um fortíðina. Dag einn birtist ungur frændi frá Kigali og þeir Milan tengjast bræðraböndum. Þegar frændinn hverfur er forvitni Milans vakin. Í leit að uppruna sínum opnast augu hans fyrir landi og fjölskyldu sem hann vissi ekki að hann ætti.
Þriðja bókin um Hildi og félaga í lögreglunni á Ísafirði. Einkennileg ofbeldisverk sem öll virðast tengd dýrum og dýravernd eru framin víða um land. Hildur og Jakob félagi hennar hefja rannsókn en Jakob er á förum til Finnlands þar sem á að útkljá forræðisdeilu sem hann stendur í. Æsispennandi saga þar sem ótal þræðir fléttast saman á óvæntan hátt.
Jeppar í lífi þjóðar bregður lifandi ljósi á þennan merkilega en lítt kannaða kafla íslenskrar samgöngusögu í máli en þó aðallega 700 einstæðum ljósmyndum sem koma nú margar fyrir almannasjónir í fyrsta sinn. Þetta er ómissandi bók fyrir bílaáhugamanninn og raunar alla þá sem unna ferðum um úfið landið. Aukin og endurbætt útgáfa.
Jólasaga og samverudagatal
Rúnar og amma Kristjana eiga saman notalegar stundir í aðdraganda jólanna. Á hverri opnu eru valin orð útskýrð til að efla orðaforða barna. Með bókinni fylgir jólapoki með myndum sem tengjast sögunni og hægt er að festa á dagatal fremst í bókinni. Þannig verður lesturinn að skemmtilegri niðurtalningu til jóla fyrir alla fjölskylduna.
Bráðum verður jólaboð hjá ömmu. Einar Áskell og Snáði eiga að fá að sitja til borðs með fullorðna fólkinu. Það þykir þeim afar spennandi! Amma biður Einar Áskel að passa Snáða, hjálpa honum og sjá til þess að hann sé sæll og glaður. Og það getur Einar Áskell sko vel gert – jafnvel betur en fullorðna fólkið! Glæný bók um þennan heimsfræga ærslabelg!
Afi Sölva sagtanna sendir fjölskyldunni risavaxna jólagjöf. Á aðfangadag kemur í ljós að bæði pakkinn og pósteðlan eru horfin! Ná Gauti og Sölvi að leysa málið áður en jólin bresta á? Bækurnar um Risaeðlugengið hafa slegið í gegn enda eru þær krúttlegar, fræðandi og fyndnar og henta ungu áhugafólki um risaeðlur og önnur forsöguleg dýr.
ævisaga
Jórunn Viðar var fyrsta íslenska konan sem sótti háskólamenntun í tónsmíðum, hún braut blað sem tónskáld og átti glæstan feril sem píanóleikari. Þó var henni margt mótdrægt. Viðtökur á verkum hennar lituðust oft af því að hún var kona og í hjónabandinu fann hún sjaldan þá hvatningu eða skilning sem hefði getað fleytt henni lengra á listabrautinni.
Áhrifamikil og djörf endursköpun á skáldsögunni frægu 1984 eftir George Orwell þar sem varpað er ljósi á líf kvenna í Eyjaálfu. Hér beinist sjónarhornið að Júlíu, einni dularfyllstu persónu 1984.
Þetta dásamlega og sígilda ævintýri hefur nú verið gefið aftur út í nýrri þýðingu, en beðið hefur verið eftir því með mikilli eftirvæntingu. Vönduð útgáfa með skemmtilegri myndlýsingu, stóru letri, texta sem brotinn er upp með stórri leturstærð og góðu línubili. Upplögð til upplestrar fyrir börn frá 6 ára aldri og unga lesendur á aldrinum 8-12 ára.
Getur þú flúið fortíðina þegar hún eltir þig yfir hafið? Ben og Helena ætluðu að eiga friðsælt brúðkaup á Snæfellsnesi en draugar fortíðarinnar láta ekki að sér hæða. Miskunnarlausir leigumorðingjar, alþjóðlegt peningaþvætti og blóðugt uppgjör setur íslensku lögregluna á hliðina í nýrri og æsispennandi glæpasögu.