Síða 11 af 37
Ómissandi bók fyrir alla unga fótboltakrakka. Barcelona er eitt frægasta knattspyrnufélag heims og fyrir það hafa margir bestu leikmennirnir leikið. Lestu um Yamal, Messi, Neymar, Ronaldinho og Maradona, alla bestu leikina og samkeppnina við Real Madrid.
Lestu um brasilíska knattspyrnukappann og ungstyrnið Vinicius Jr. sem er í hópi hæfileikaríkustu leikmanna heims. Í bókinni má finna fróðleik, sögur og tölfræði. Fótboltastjörnur eru íþróttabækur sem hafa notið gríðarlegra vinsælda hjá ungum drengjum og stúlkum.
Del flutti með Ollie, manninum sínum, í fallegt þorp í Provence í Frakklandi til að hefja nýtt líf eftir margra ára glímu við ófrjósemi. Sex vikum eftir komuna eru þau enn og aftur að pakka niður búslóðinni. Skyndilega rennur upp fyrir Del, hvað muni gera hana hamingjusamari... Nýtt líf í Frakklandi - án Ollies!
Febrúar 1989. Maður finnst látinn í Franska spítalanum á Fáskrúðsfirði, draugalegu timburhúsi í niðurníðslu. Sunna, blaðamaður á Morgunblaðinu, fer austur til að grennslast fyrir um málið en bæjarbúar vilja lítið við hana tala og brátt fer hún að óttast um öryggi sitt og sinna nánustu.
Um lífshlaup Margotar Gamm
Margot Gamm fluttist 17 ára gömul til Íslands frá Þýskalandi eftir að hafa lifað af hörmungar seinni heimsstyrjaldarinnar. Kornung giftist hún sér tuttugu árum eldri manni, Skírni Hákonarsyni, og gerðist bóndakona á gamalgrónu sveitaheimili. Þar ólu hjónin upp fimm börn. Hún varð ekkja 48 ára gömul, hætti þá búskap og tók að sinna kennslustörfum.
Frelsi er önnur bókin í þríleiknum um Marínu, fertuga konu í andlegu sjálfsuppgötvunarferðalagi. Þér er boðið með Marínu í ferðalag á húsbílnum þar sem hún heldur vestur og speglar sjálfa sig í óbeislaðri náttúru fjalla og sjávar. Sagan er sjálfsævisöguleg og byggir á dagbókum höfundar.
Taugatrekkjandi, nýstárleg og marglaga spennusaga í nýrri spennubókaröð Hurtig Wagrell. Hjónin Johan og Johanna Hurtig Wagrell tefla hér fram sinni fyrstu spennusögu, sem hefur hlotið frábærar viðtökur í Svíþjóð og var m.a. tilnefnd til hinna virtu Crime-Time-verðlauna 2024.
Það er aðfangadagur og hjónin á Kölduhömrum búa sig undir jólahaldið. Handan áramóta eiga þau von á sínu fyrsta barni og spennan í kviðnum smitar andrúmsloftið. Snjórinn hleðst upp og vegurinn út úr firðinum hefur ekki enn verið ruddur. Þegar kýrin á bænum tekur sótt hrökkva dyr upp á gátt sem ekki verður lokað.
Hér er rakin saga Þorvarðar Elíassonar, fyrrum skólastjóra Verzlunarskóla Íslands, frá æskuárum hans í Hnífsdal, sagt frá skólaárum, starfsferli, viðhorfum og fjölskyldu.
Jóhanna Knudsen, kölluð Dúlla af ástvinum sínum, er alræmd vegna rannsókn hennar á siðferðisástandinu í Reykjavík á árum seinni heimsstyrjaldar. Nærgöngular yfirheyrslur hennar yfir stúlkum sem grunaðar voru um samneyti við erlenda hermenn hafa verið kallaðar umfangsmestu persónunjósnir Íslandssögunnar. En hver var Dúlla Knudsen?
Í árbók FÍ 2025 er ítarleg umfjöllun um nærri 100 fuglaskoðunarstaði víðsvegar á landinu. Einnig er sagt frá fuglaskoðun sem áhugamáli, fuglaljósmyndun og sögu hennar, þátttöku almennings í fuglavísindum og fuglaskoðun eftir árstíðum. Í bókinni eru yfir 400 ljósmyndir af fuglum og fuglastöðum.
Kórtónlist eftir John Rutter með íslenskum og enskum textum
Kórtónlist Johns Rutter nýtur mikillar hylli um allan heim enda ægifögur og melódísk. Í bókinni eru þekktustu lög hans en einnig nýrri, s.s. eins og lagið sem hann samdi fyrir hjónavígslu Vilhjálms prins og Katrínar í Westminster Abbey árið 2010. Fimm jólalög eru í bókinni. Bókin er sú nítjánda í tónlistarröðinni Söngvasveigur.
Anna Rós kveður sér hljóðs með vísindalegri nákvæmni í sinni fyrstu ljóðabók. Árið 2025 hlaut hún Ljóðstaf Jóns úr Vör. Vísindakonan tekur vinnuna aldrei með sér heim / getur ekkert að því gert að sum hús / eru í eðli sínu tilraunastofur / þakrenna dropamælir / þröskuldur loftvog / gluggi smásjá / glerskápur jarðskjálftamælir.
og fleiri smálegar lífsnautnir
Þessi litla perla franska rithöfundarins Philippes Delerm, fagurlega myndskreytt, sló hressilega í gegn þegar hún kom út í Frakklandi og hefur selst í meira en milljón eintökum þar í landi. Bókin hlaut frönsku Grandgousier-bókmenntaverðlaunin en þau eru veitt fyrir bækur sem lofa glaðlyndi og lífsins lystisemdir. Sannkallaður óður til Frakklands.
Líf Imbu er þyrnum stráð og ung er hún gefin ekklinum séra Árna. Örlögin vinna gegn henni en Imba finnur ástina. Þrátt fyrir erfiðleika er hún staðráðin í að finna hamingju í lífinu. Blóðbönd er ný sería úr smiðju Söndru Clausen um Galdra-Imbu sem var uppi á 17. öld. Hér er á ferðinni söguleg skáldsaga um ástir og örlög á erfiðum tímum.
Þegar hvirfilbylur skellur á heimili Dóróteu er henni feykt inn í ókunnuga töfraveröld. Hún á sér þá ósk heitasta að komast aftur heim til sín, en sá eini sem gæti mögulega hjálpað henni til baka er galdrakarlinn í Oz. Á leiðinni til hans eignast hún góða vini sem slást í för með henni, en allir þurfa þeir á aðstoð galdrakarlsins að halda.
Nýjar og skemmtilegar léttlestrarbækur. Frábært efni til að þjálfa lestur. Forvitni barna er vakin með efnistökum bókanna. Unnið er með gamansaman texta, góð gildi og áhugasvið barna. Með því að vekja upp forvitni þeirra sækja þau sjálf í að lesa. Hér eru á ferð sex nýjar bækur í einum allra vinsælasta bókaflokki landsins.
Vinkonurnar Lindís og Steindís fara í fjallgöngu upp í Naustahvilft. Þær koma sér vel fyrir upp í Naustahvilftinni til að borða nestið sitt. Allt í einu birtist þar geimskip. Hvað gera vinkonurnar þegar þær sjá geimskipið?