Síða 18 af 37
Franski landkönnuðurinn og vísindamaðurinn Jean-Baptiste Charcot sigldi um öll heimsins höf, frá norðurskautinu til Suðurskautslandsins. Á ferðum sínum hafði hann með sér litla styttu af ketti sem í þessari bók segir okkur heillandi sögu af ævintýrum þeirra.
Sagan öll
Þessi bók Rósu er hreint ótrúleg! Hún er yfirþyrmandi, ljúf og óþægileg. Rósa skrifar sögu Lalla, söguna alla, eins og hún hafði lofað honum á dánarbeði hans. Hún efndi það loforð svo rækilega að lesandinn er lengi að jafna sig eftir lesturinn.
Yfirgefin bifreið við vegkant hverfur hægt sjónum eftir því sem fannfergið eykst. Inni í bílnum er svar við flókinni morðgátu sem lögreglunni hefur ekki tekist að leysa. Wisting lögregluforingi fær ábendingar sem vekja áhuga hans á málinu og í kjölfarið vísbendingar sem reynast margar og óljóst hvert þær kunna að leiða.
Smáprósar og ljósmyndir frá æskuslóðum höfundar þar sem örnefni og minningarbrot fléttast saman. Lesandinn er leiddur inn í heim bernskunnar á ferðalagi sem liggur frá bökkum Jöklu til hólmanna í Mississippi og á vegi verða skepnur, menn og mýrarfiskar.
Þessi bók fjallar um Davíð og Lólu, músina hans. Einn daginn laumar Lóla sér með í skólann og leikur þar lausum hala. Davíð og vinir hans verða að finna Lólu áður en bjallan hringir. Einfaldari útgáfa af hinum vinsæla bókaflokki Bekkurinn minn.
Þessi bók fjallar um Óðin. Hann er dapur þessa dagana því það snjóar aldrei og mömmur hans vilja losa sig við kisuna þeirra. Það má ekki gerast! Sem betur fer eru Óðinn og Halldóra með fullkomna lausn á málinu. Einfaldari útgáfa af hinum vinsæla bókaflokki Bekkurinn minn.
Þessi bók fjallar um Hallgrím. Þegar þeir Amir spila fótbolta við eldri krakka heyra þeir sögu sem ásækir þá. Át ísbjörn í alvörunni handlegginn af Úlfi? Eða var það hákarl ... ? Einfaldari útgáfa af hinum vinsæla bókaflokki Bekkurinn minn.
Þessi bók fjallar um Wiktoriu og besta leiksvæðið í bænum. Það á að skemma móann og hólinn og byggja blokk í staðinn. Wiktoria og vinir hennar taka höndum saman og mótmæla. Einfaldari útgáfa af hinum vinsæla bókaflokki Bekkurinn minn.
Ef lífið bara væri/ samansett af eintómum lokastundum, /ég fyndi ávallt til þessa vandræðalega/ hamingjutrega kveðjandi lífs,/ lifði ég glaður að eilífu … Höfundur hefur áður sent frá sér skáldsöguna Óljós - saga af ástum.
Lára fær mömmu með sér á skautasvell til að prófa að skauta. Mest langar Láru að hraðsnúast á svellinu í glitrandi kjól en það kemur í ljós að það er ýmislegt sem þarf að læra áður en hún nær slíkri færni. Hversdagssögur Birgittu Haukdal um Láru og bangsann Ljónsa hafa verið metsölubækur í fjölda ára og vinsæl leiksýning verið gerð eftir þeim.
Ekki er allt gull sem glóir! Gestirnir hafa ekki hugmynd um hvað gerist bak við tjöldin á einu fínasta hóteli Reykjavíkur. Hvers vegna kemur til dæmis heimilislaust fólk að hótelinu á köldum vetrarnóttum meðan gestirnir eru í fastasvefni? Bráðskemmtileg og spennandi glæpasaga eftir nýjan íslenskan höfund.
Einn fallegan vordag í París rennur það upp fyrir Malín að hún getur ekki lengur falið sig á bak við að vera tuttugu og eitthvað, enn að finna sig. Á yfirborðinu virðist líf hennar fullkomið. Fótboltastelpan úr Árbænum er komin á stað sem hana hefði aldrei getað dreymt um. En er lífið sem hún hefur valið sér raunverulega hennar?
Leigubíll finnst skaðbrunninn við Reynisvatn í Reykjavík. Í honum eru líkamsleifar manns sem lögregla finnur strax út að hafi verið ráðinn bani áður en kveikt var í. Hlöðver Hlöðversson rannsakandi er settur í málið, sem leiðir að gömlu mannshvarfsmáli og að hópi vafasamra einstaklinga sem tengdust nektardansstöðunum um síðustu aldamót.
Skemmtileg og fræðandi bók um líf og starf í leikskólum víða um land ásamt frásögnum af ýmiskonar þróunarstarfi og innleiðingu á nýjungum í uppeldi barna. Í bókinni eru einnig skemmtilegar sögur af samskiptum barna sín á milli og við starfsfólk leikskólanna ásamt nokkrum frábærum gullkornum sem fallið hafa af vörum einlægra barna.
Þegar Hlín vaknar skelþunn á miðjum laugardegi rifjast upp fyrir henni að hún á von á fimm bláókunnugum lesbíum í mat um kvöldið. Hlín er að skilja við eiginmann sinn og nýflutt í litla kjallaraholu. Hún kann ekki að elda, íbúðin er í rúst, hún efast um allar ákvarðanir sem hún hefur tekið í lífinu og svo kann hún ekki að tala við lesbíur.
Stuttar og litríkar lestrarbækur um Lubba eftir höfunda bókarinnar Lubbi finnur málbein. Lubbi lendir í ævintýrum og á hverri síðu eru hljóðin sýnileg og táknrænar hreyfingar þeirra sömuleiðis. Þannig verður lesturinn skemmtilegur og gagnlegur en táknrænu hreyfingarnar mynda brú á milli málhljóða og bókstafa.
Skemmtilega myndskreyttar sögur miðaðar við yngstu lesendurna. Textinn er 400-500 orð og skilningsverkefni eru í lok sögunnar.
Skemmtilega myndskreyttar sögur miðaðar við yngstu lesendurna. Textinn er 200-250 orð og skilningsverkefni eru í lok sögunnar. Nú með bæði há-og lágstöfum.