Síða 18 af 38
Loksins er komin út bók fyrir unga aðdáendur Formúlu 1. Í bókinni má finna staðreyndir, tölfræði, fróðleik og sögur af ökuþórnum óstöðvandi, Max Verstappen. Þetta eru íþróttabækur sem hafa notið gríðarlegra vinsælda hjá ungum drengjum og stúlkum.
Önnur bókin í metsöluflokki um fornleifafræðinginn dr. Ruth Galloway sem aðstoðar lögregluna í Norfolk á Englandi við rannsóknir glæpamála. Gömul barnsbeinagrind finnst undir þröskuldi á gömlu glæsihýsi sem verið er að rífa. Er hugsanlega um að ræða fórn tengda gömlum helgisiðum? Ómótstæðileg blanda af ráðgátum, húmor og spennu.
Jarðtengd norðurljós er ljóðabók sem skiptist í tvo hluta, Frumbók og Náttbók, og geymir nær 70 ný ljóð af ýmsu tagi, laus og bundin, auk prósaljóða. Þetta er fimmtánda ljóðabók Þórarins ætluð fullorðnum lesendum. Efnistök eru margvísleg og yrkisefnin fjölbreytileg, allt frá drónum til Þorgeirsbola og flest þar á milli.
Jeppar í lífi þjóðar bregður lifandi ljósi á þennan merkilega en lítt kannaða kafla íslenskrar samgöngusögu í máli en þó aðallega 600 einstæðum ljósmyndum sem koma nú margar fyrir almannasjónir í fyrsta sinn. Þetta er ómissandi bók fyrir bílaáhugamanninn og raunar alla þá sem unna ferðum um úfið landið.
Þið kannist við jólaköttinn en hafið þið heyrt um jólabókaorminn? Hann er nefnilega alveg jafnslæmur, nema hann étur bara þá sem fá ekki bók í jólagjöf! Hafdís og Tómas þekkja söguna en hafa engar áhyggjur því í þorpinu gefa allir bækur. En hefur nokkur séð jólabókaorminn? Er hann til í alvörunni? Systkinin ákveða að skoða þetta nánar ...
Englarnir Trú, Von og Kærleikur eru í vinnu hjá Guði. Verkefni þeirra er að taka til í veröldinni fyrir jólin. Með englaaugunum sínum sjá þeir af hverju mannlífið er ekki alltaf friðsælt og gott. Á vegi þeirra verða ýmsar furðuverur. Á augabragði hreinsa þeir til í veröldinni svo allir geti átt friðsæl og gleðileg jól. Fyrir allan aldur.
Hér birtist kvæðið sígilda eftir Jóhannes úr Kötlum með teikningum Þórarins Leifssonar. Kötturinn sem við þekkjum öll stekkur fram á nýjan og ferskan hátt og teikningar Þórarins gera hann bæði skelfilegan og afar skemmtilegan. Einnig fáanleg á ensku.
Íslensku jólasveinarnir eru litríkur hópur; þeir eru stundum hrekkjóttir en alltaf bráðskemmtilegir – ekki síst eins og þeir birtast úr pensli Brians Pilkington.
Það er alltaf gaman í Andabæ um jólin!
Lita- og þrautabókin
Taktu þátt í jóla-VÆBinu. Hér eru myndir að lita og þrautir að leysa. Skemmtilegar jóla-VÆB-myndir, krossgátur, orðasúpur, vísnagátur og fleiri þrautir. Litum, hlæjum og eigum notalegar stundir á aðventunni og um jólin.
Jól á Tenerife er sjálfstætt framhald Klúbbsins þar sem kraumandi ástríða tekur völd í hverjum kafla. Karen er í sárum eftir dvöl sína á Siglufirði, sem lauk með hneyksli í tengslum við kynlífsklúbb sem þar var starfræktur. Hún stendur á krossgötum þannig að hún ákveður að breyta rækilega um umhverfi og eyða nokkrum vikum yfir hátíðarna...
atkvæði og ambögur
Jón Ingvar var einn af þekktustu hagyrðingurm þjóðarinnar og kunnur fyrir spaugsemi og galgopahátt og þá eiginleika að fara gjarnan hárfínt yfir strikið í kveðskap sínum. Hann kom víða við í vísnagerð sinni, fjallaði um menn og málefni, stjórnmál, trúmál og íþróttir, svo að eitthvað sé nefnt og í rauninni var honum ekkert óviðkomandi.
Í hnédjúpri moldarholu í gömlum kirkjugarði standa tveir grafarar og spjalla um Jónatan jeminn, ævi hans og ástir allt til þess er hann braut sextugan hálsinn á bjórkassa. Annar grefur meðan hinn segir svakasögur af fólkinu sem þekkti Jónatan sáluga. Var honum sálgað eða dó hann af sleipum slysförum?
Bryndís Jónsdóttir sækir innblástur í náttúruna og leitast við að ná fram hinu lífræna úr ólíkum efnivið. Hún horfir til táknkerfis íslensku fjármarkanna, sem fylgt hafa þjóðinni frá fornu fari. Sýlthamrað, þrístigað eða heilrifað, hún útfærir mörkin í volduga leir- og járnskúlptúra, massíft gler og viðkvæm grafíkverk. Efniskenndin er áþreifanleg.
Jarðfræði – umhverfisfræði – náttúrulæsi
Gagnvirk vefbók fyrir grunnáfanga í náttúruvísindum á félags- og hugvísindabraut framhaldsskóla. Fjallað er um stórt sem smátt í náttúrulegu umhverfi, jörðina sem hluta af sólkerfinu, lofthjúpinn, yfirborð jarðar og hafdjúpin.
Þrjátíu ár eru síðan Andri Snær steig fram á ritvöllinn og skipaði sér í hóp eftirtektarverðustu höfunda landsins. Í þessari kröftugu nóvellu er Jötunsteini kastað inn í heita umræðu um fegurð í borg sem er smám saman að hjúpast svartri klæðningu og gráu þverliggjandi bárujárni. Skörp og ögrandi saga.
Sígilt snilldarverk Kristínar Marju. Dramatísk og áhrifamikil örlagasaga ungrar stúlku í upphafi 20. aldar, saga um drauma og þrár, óvænta hamingju, óbærilega sorg og miklar ástríður. Um leið er brugðið upp mynd af lífi og hlutskipti kvenna fyrr og síðar af einstöku innsæi.
Klár í sveitina er kassi með 3 bókum. Litabók, límmiðabók og verkefnabók. Allar bækurnar snúast um sveitina og eru ætlaðar börnum frá 3 ára aldri.