Síða 21 af 37
Maja fær sæng í afmælisgjöf. Ekki beint spennandi gjöf… þar til nóttin kemur. Þegar hún getur ekki sofnað vakna sængurkrílin sex, lítil loðin kríli sem eru alveg eins og tilfinningarnar okkar. Hvert þeirra kennir henni öndunaræfingu sem róar hugann. Hlý saga sem gefur börnum verkfæri til að takast á við tilfinningar sínar.
Íslenska konan með Afríkuþráhyggjuna
Höfundur lýsir reynsluheimi sínum af margra ára tengslum við Tansaníu. Nándin við fátæktina hafði sterk áhrif á höfund sem vildi leggja eitthvað af mörkum. Í tæp 14 ár tengdist hún þorpi í Norður-Tansaníu, byggði upp ferðaþjónustu og grænmetis- og ávaxtarækt, stofnaði Women Power, félag til valdeflingar kvenna og setti á stofn leikskóla.
Fúli er dvergur. Mjög fúll dvergur. Hann brosir ekki. Hann hlær ekki. Hann á enga vini og honum er alveg sama. Honum er alveg sama um alla nema sjálfan sig. Þangað til að hann finnur gullegg sem úr skríður lítil dreki - sem er sannfærður um að Fúli sé mamma sín. Þvílíkt endemis rugl!
Bækur sem geyma minningar og visku og tengja kynslóðir. Einstakar útfyllingabækur sem leiða mæður og feður á skemmtilegan hátt í gegnum það ferli að skrifa eigin sögu, varðveita minningar og deila visku sinni með börnum sínum sem nú eru komin á fullorðinsár.
Tvö ungmenni fara niður um ís á stöðuvatni. Í ljós kemur að fleiri voveiflegir atburðir hafa átt sér stað við vatnið. Og þeir sem hafa kafað í því þjást af martröðum … Hér fá rómaðir hæfileikar Yrsu Sigurðardóttur til að kveikja spennu og magna upp dulúð að njóta sín til hins ýtrasta.
Saga Margrétar
Sæunn Kjartansdóttir, sálgreinir og rithöfundur, skráir margbrotna sögu systur sinnar, Margrétar Kjartansdóttur. Hún hefur fetað aðra leið en flestar konur á hennar aldri, átt ævintýralegt líf, unnið sig úr dýpstu dölum og upp á hæstu tinda. Systurnar líta yfir farinn veg og varpa ljósi á viðbrögð Margrétar við ýmsum áföllum.
Bréfaritari er staddur í Lissabon og vildi að María væri þar með sér. Hann sér henni bregða fyrir á götum borgarinnar, sólin er svo heit og púrtvínið kallar fram undarlegustu myndir. Í löngu bréfi til Maríu skrifar hann um allt sem sækir á hugann, leiftur úr bókmenntum og mannkynssögunni og það sem verður á vegi ferðalangans á framandi slóðum.
Eva Björg Ægisdóttir sló í gegn bæði heima og erlendis með sinni fyrstu bók, Marrið í stiganum. Bókin hlaut meðal annars Gullrýtinginn í Bretlandi sem frumraun ársins. Sagan er nú endurútgefin í tilefni af sjónvarpsþáttaröðinni Elma.
Hvað ef ævintýrið væri lífið sjálft? Marteinn getur bara ekki lagt spjaldtölvuna frá sér. Hann tekur hana með sér hvert sem hann fer. Dag einn, þegar hann heimsækir ömmu sína, lendir hann í ótrúlegum ævintýrum – sem hann missir af! Gullfalleg bók með ótrúlegum ævintýrum.
Grallaraleg myndskreytt saga með heimspekilegu ívafi. Dag einn birtist dularfullt lítið gat úti í garði og vekur forvitni Óla og Sissu. Gatið gleypir í sig allt sem kemur nálægt því: steina og prik, sveppi, mjólkurfernu og loks kisuna hans Óla! Þegar krakkarnir ætla að bjarga kisu kemur í ljós að þetta gráðuga gat leynir svo sannarlega á sér.
Matthildur Mía er hálf hagamús og hálf húsamús. Hún er að fara í heimsókn með fjölskyldu sinni í Hagann. Matthildur er spennt fyrir ferðalaginu og að hitta alla en líka smá kvíðin því lífið í Haganum er allt öðruvísi en í borginni og henni finnst hún ekki tala nógu góða hagamúsísku. Bókin hentar vel sem léttlestrarbók.
Sköpum nýjan heim með fingrunum. Smellum litum á fingurna og byrjum að mála! Örugg olía og skemmtilegar myndir.
Már klár er lítill, klaufalegur og fellur í skuggann af gæðingi hússins. Moli foli er fallegur, tignarlegur – og fær bara það besta og flottasta. En þegar eldur kviknar í hesthúsinu breytist allt ...
Fimmta ljóðabók höfundar sem kvaddi sér hljóðs á skáldamálinu íslensku fyrir nokkrum árum. Nístandi sár og falleg bók frá einstakri rödd í íslenskum ljóðaheimi. Ljóðasöngur um ástarsorg, eftirsjá og þakklæti í borginni bláu.
Spjallbók
Þetta er síðasta spjallbók höfundar að eigin sögn. Hinar fyrri eru Mitt litla leiksvið (2017), Lítið óvísindalegt kver um leiklist (2019), Þú ert mitt sólskin (2024) og Í belg og biðu (2025). Hér er sem áður allt í belg og biðu og ekkert gert til að setja textann á bása eða mjólka með vélum.
Níu fræðigreinar
Greinarsafn í tilefni sýningar í Þjóðminjasafni Íslands um glæsilegan íslenskan brúðarbúning frá 18. öld sem þekktur er fyrir glæsileika, fagurt handverk og skart. Faldbúningurinn er í eigu V&A safnsins í London og var lengi talinn hafa glatast í skipsskaða.
Mei Mei er lítil kanína með stóra drauma. Hún vill gleðja heiminn með tónlist sinni! Fyrstu tónleikarnir hennar í Hopperuhúsinu nálgast og hún hefur æft sig meira en nokkur kanína nokkru sinni. En fiðrildin í maganum flögra um og trufla hana. Hvað gerir kanína þegar röng nóta bergmálar um Hopperuhúsið?
Fjölbreytt og eiguleg prjónabók með 74 uppskriftum að einlitum og marglitum sokkum fyrir stóra og smáa fætur. Uppskriftirnar eru einfaldar og aðgengilegar og fremst í bókinni eru útskýringar á aðferðum. Þetta er áttunda bók höfundar en fyrri bækurnar hafa notið mikilla vinsælda, þar á meðal Sokkaprjón, Vettlingaprjón og Húfuprjón.