Síða 20 af 37
Íslenskar bókmenntir í þúsund ár
Saga íslenskra bókmennta frá upphafi til okkar daga, þúsund ára ævintýraleg atburðarás fjörlega rakin af Halldóri Guðmundssyni. Um leið og hann segir frá meginþráðum bókmenntasögunnar, fjölda höfunda og verka, allt frá fornritum til innflytjendabókmennta, leggur hann mat á mörg verkanna og bregður upp svipmyndum af skáldum og starfi útgefanda.
Líf með Íslandi er opinská lýsing á því Íslandi sem var á sjötta áratug 20. aldar og þar er að finna einstæða palladóma og frásagnir um framámenn í menningarlífi landsins. Höfundurinn Helena Kadečková (1932–2018) var tékkneskur rithöfundur og þýðandi. Einstæð heimild um það Ísland sem var.
Ljóðsaga um líkamann, tungumálið og manneskjuna andspænis heilbrigðiskerfinu. Í ljóðunum fléttast mannleg samskipti og skynjun saman við náttúruna í sterku og oft ærslafullu myndmáli. „Ljóðrænt ferðalag um mátt tungumálsins til að takast á við mótlæti, halda reisn og skilja undur hins mannlega,“ segir dómnefnd Nýræktarstyrks.
Morðin í Åre 5
Margverðlaunuð glæpasería. Dularfull andlát meðal aldraðra á Åre-svæðinu, sænsku Ölpunum, vekja grunsemdir lögreglukonunnar Hönnu Ahlander um að ekki sé allt með felldu. Sívaxandi togstreita í sambandi hennar og Daniels Lindskog, nánasta samstarfsmanns hennar, gerir þeim hins vegar erfitt að einbeita sér að fullu að rannsókn málsins.
Þegar fólkið í bænum áttar sig á því að á Sjónarhóli búi níu ára stelpa alein eru tveir lögregluþjónar sendir að sækja hana og flytja á barnaheimili. Lína hefur þó engan áhuga á því, enda má þar hvorki vera með hest né apa. Þegar lögregluþjónarnir reyna að handsama Línu snýr hún sig úr greipum þeirra og býður þeim í staðinn í æsilegan eltingaleik!
Stelpan og geimrefurinn
Lísa er nýflutt með móður sinni til Lóuvíkur og þarf að byrja í nýjum skóla. Fyrir einhverfa stelpu sem sækir í öryggi, fasta rútínu og kunnuglegt umhverfi er þetta hræðilegt!
Heildarsafn ljóða Njarðar P. Njarðvík. „Lesendum er hér með boðið að stíga inn í ljóðheim „í faðmi tungunnar“ þar sem andartakið og eilífðin mætast í orði sem lýsir, talar til okkar með þögninni og leiðir okkur nær kjarna tilverunnar,“ skrifar Ólína Þorvarðardóttir prófessor meðal annars í inngangi að ljóðasafninu.
Júlíana Jónsdóttir var fyrst íslenskra kvenna til þess að fá gefna út bók eftir sig, ljóðabókina Stúlku sem kom út 1876. Í þessari 150 ára afmælisútgáfu koma báðar ljóðabækur Júlíönu út í einu bindi. Ljóðin bera aldurinn vel og vitna um leiftrandi gáfur, seiglu og skopskyn höfundar sem hlaut litla skólagöngu og var vinnukona frá ungaaldri.
Sandra Bergljót Clausen, rithöfundur og skáld, gefur hér út ljóð sem hún hefur samið síðasta áratuginn. Ljóðstafir er önnur ljóðabók höfundar.
Ljóna dreymir um að æfa karate og verða karatemeistari. Börnin í karatesalnum bíða öll í hvítum búningum með hvít belti í fyrsta karatetímanum hans Ljóna. Hvað þarf Ljóni að gera til að verða karatemeistari?
Jónas í Hróarsdal í Skagafirði var bóndi og yfirsetumaður, sem hafði auk þess formlegt leyfi til lækninga. Til hans lá straumur sjúkra, lemstraðra og þunglyndra. Viðkvæmu jafnvægi á heimilinu er raskað þegar barnabarn úr Vesturheimi ber að garði. Áhrifamikil, söguleg skáldsaga.
Það er sumt í heiminum sem þarfnast frekari skýringa – eitt af því er „karlinn í tunglinu“. Í litlu húsi, í lítilli borg, við stóran flóa, býr strákur sem á erfitt með að sofna á kvöldin. Meðan önnur börn sofa vært vakir hann. Þú hefur kannski heyrt um hann Kalla?
Falleg prjónabók með flíkum í anda helstu sögupersóna úr bókum Astridar Lindgren. Hér eru 46 uppskriftir fyrir börn og fullorðna. Hvern dreymir ekki um derhúfuna og peysurnar hans Emils eða Kattholtskjólinn og svuntuna hennar Ídu? Línupeysa fyrir stóra og smáa, prjónaður herra Níels og peysur bræðranna Ljónshjarta svo fátt eitt sé nefnt.
Sprenghlægileg bók um æsi og þursa sem eru komnir hingað til okkar í Miðgarð í líki „venjulegrar“ fjölskyldu. Í þetta sinn verður mikið kaos og hver á að bjarga málunum? Ríkulega myndlýst bók í anda dagbóka sem gerir hana þægilega aflestrar fyrir sjálfstæða lesendur. Lestraraldur 8-12 ára. Fimmta bókin í frábæru ritröðinni um Loka.
A Thousand-Year Journey from Viking Iceland to the Dakota Plains
Gary Goodman heyrði fyrst á ættarmóti að forfaðir hans í 24. lið hefði verið skáldið og vígamaðurinn Egill Skallagrímsson. Þessi uppgötvun varð honum hvatning til að komast að því hvaða leið forfeður hans höfðu farið frá Íslandi miðalda til sléttanna í Norður-Dakóta á síðari hluta 19. aldar.
Draumarnir rætast
Lói verður eftir þegar mamma hans og langbesti vinur hans, Lóa, fljúga til heitu landanna að hausti. Til þess að lifa veturinn af verður hann að komast á Paradísarvelli þar sem er alltaf hlýtt – og skjól fyrir illfyglinu Skugga. Það gengur þó ekki þrautalaust því að hann þarf að takast á við vetrarstorma og margvíslegar hættur á leiðinni.
Litrík og skemmtileg verkefnabók með Lubba. Fjölmörg verkefni sem auka færni í að meðtaka tengsl málhljóða og bókstafa. Þannig er hægt að leggja grunn að lestrarnámi og læra að skrifa eftir fyrirmynd. Fjöldi forvitnilegra orða og margs konar verkefni stuðla að auknum orðaforða sem styrkir lesskilning og auðugt málfar.
Orð Guðs fyrir hvern dag
Í bókinni eru biblíuvers fyrir hvern dag ársins auk ljóðaerindis eða fleygs orðs. Uppbygging hennar og innihald býður upp á fjölbreytta notkun fyrir þá sem vilja leyfa innblásnum textum að vekja sig til umhugsunar. Auk þess að vera gefin út á kilju og rafbókarformi eru Lykilorð lesin í hljóðvarpi og birtast að hluta til á helstu samféla...