Síða 22 af 37
Í bókinni er fjöldi verkefna sem auka færni í að meðtaka tengsl málhljóða og bókstafa. Þannig er hægt að leggja grunn að lestrarnámi og læra að skrifa eftir fyrirmynd. Fjöldi forvitnilegra orða og margs konar verkefni stuðla að auknum orðaforða sem ýtir undir lesskilning og auðugt málfar.
Sögukorn
Alda Sif og Sighvatur eru ung íslensk hjón sem búa í Lúxemborg á þenslutímunum fyrir hrun. Þau eru ólík en ástfangin. Hún er háttsett í banka, hann sér um heimilið og einkabarnið.
Þessi jól þarf stórfjölskyldan að taka utan af fleiri leyndarmálum en jólagjöfum!
Orð Guðs fyrir hvern dag
Í bókinni eru biblíuvers fyrir hvern dag ársins auk ljóðaerindis eða fleygs orðs. Uppbygging hennar og innihald býður upp á fjölbreytta notkun fyrir þá sem vilja leyfa innblásnum textum að vekja sig til umhugsunar. Auk þess að vera gefin út á kilju og rafbókarformi eru Lykilorð lesin í hljóðvarpi og birtast að hluta til á helstu samféla...
Litaskrímslið er nú læknir og hjálpar öðrum að lækna tilfinningar sínar, sérstaklega þær sem eru orðnar svo stórar að þær valda óþægindum. Litaskrímslið hjálpar vinkonu sinni Nínu að átta sig á hvernig henni líður og að læra að segja nei! Litaskrímslið hefur slegið í gegn um allan heim!
Lærum litina er litrík og skemmtileg bók. Í bókinni er farið yfir helstu litina í litrófinu og þeir tengdir við kunnuglega hluti. Krakkarnir geta þreifað og fundið áferð hlutanna.
Fallegar og fræðandi bækur fyrir yngstu lesendurna.
Þegar Ramón býðst að vakta risastórt auglýsingaskilti Coca-Cola-fyrirtækisins við þjóðveg í hverfinu grípur hann tækifærið og ákveður að setjast að í skiltinu í leit að merkingu hlutanna. Ákvörðun hans kemur illa við nágrannana, sem finnst hann ógna heiðri hverfisins, og fyrr en varir taka þeir málin í sínar hendur.
Margslungin og áhrifamikil saga um mikilvægi þess að tilheyra. Ein sterkasta skáldsaga tansaníska Nóbelsverðlaunahafans Abdulrazak Gurnah (f. 1948), en áður hefur komið út eftir hann á íslensku skáldsagan Paradís.
Myndir og minningar
Saga mæðginanna Kolbeins Þorsteinssonar og Ástu Sigurðardóttur rithöfundar. Ásta var þjóðþekkt sem rithöfundur og nánast goðsögn vegna skrifa sinna. Einkalíf hennar var þó enginn dans á rósum. Ásta glímdi við óreglu lengst af ævi sinni og barðist við þá djöfla sem fylgdu fíkninni. Börn hennar voru tekin af henni og send í fóstur
Hér er lýst heimkomu til Rússlands eftir langa fjarveru, en um leið á sér stað uppgjör við pólitískt og menningarlegt ástand. Natasha S. er íslenskur rithöfundur af rússneskum uppruna sem hefur vakið verðskuldaða athygli fyrir ljóð sín og greinar. Fyrsta bók hennar, Máltaka á stríðstímum, færði henni Bókmenntaverðlaun Tómasar Guðmundsso...
Mörgum árum eftir að leiðir þeirra skildu hittast íslenskufræðingurinn Styrkár og blaðakonan Garún í Eddu, nýju heimili handritanna og húsi íslenskunnar. Ljós flökta, hurðir opnast og lokast án sýnilegrar ástæðu og ógnandi nærvera gerir vart við sig. Skyndilega eru Styrkár og Garún læst inni og verða að vinna saman til að komast aftur út.
Ástríða fyrir leiknum
Margrét Lára Viðarsdóttir er meðal fremstu íþróttamanna sem Ísland hefur alið. Hún er markahæsti landsliðsmaður Íslands í knattspyrnu frá upphafi og spilaði í sterkustu deildum heims. Hér segir Margrét Lára sögu sína og deilir reynslu sinni og góðum ráðum. Hún gerir ferilinn upp og segir á einlægan hátt frá sigrum og mótlæti.
Titill þessarar áhrifamiklu færeysku skáldsögu vísar til Biblíupersónunnar Mörtu í Nýja testamentinu. Henni var ráðlagt að sneiða hjá óþarfa átökum og beina sjónum að hinu jákvæða og góða í lífinu. En Marta í skáldsögunni spyr hvar hið jákvæða og góða leynist í heimi þröngsýni og óréttlætis?
Matvælabraut 2. og 3. þrep
Gagnvirk vefbók þar sem síðari hluta matreiðslunáms, á 2. og 3. þrepi, eru gerð skil í máli og myndum. Annars vegar er um að ræða námsefni í aðferðafræði, hráefnisfræði og kalda eldhúsinu og hins vegar í fagfræði, matseðlafræði og eftirréttum.
Í framhaldi af Eldað í Air Fryer kemur nú bókin Matur og meðlæti í Air Fryer, sem bætir við fjölda nýrra uppskrifta. Hér er að finna fjölbreytta rétti – allt frá einföldum smáréttum og kjötréttum yfir í spennandi meðlæti sem fullkomnar kvöldmáltíðina. Bókin er fullkomin gjöf fyrir áhugafólk um Air Fryer eldun.
Wisting serían
Norski lögregluforinginn William Wisting er í sumarleyfi þegar honum berst bréf. Í umslaginu er aðeins eitt blað með áletraðri talnarunu: 12-1569/99. Þetta er númerið á 15 ára gömlu morðmáli sem þegar hefur verið rannsakað og dómur fallið í fyrir löngu. En einhver vill að það sé rannsakað upp á nýtt.
Sköpum nýjan heim með fingrunum. Smellum litum á fingurna og byrjum að mála! Örugg olía og skemmtilegar myndir.