Síða 15 af 38
Nick og Charlie eru ástfangnir og sambandið gengur vel. En Nick fer að ljúka námi í Truham-skólanum og næstu skref eru óráðin. Einlæg og snjöll myndasaga fyrir börn og unglinga sem hefur farið sigurför um heiminn. Þættir gerðir eftir bókaflokknum hafa slegið í gegn á Netflix.
Í dag fær Lóa að gera öll sín uppáhalds prakkarastrik – og fyrir því er alveg sérstök ástæða. Dýralæknirinn sagði að nú væri lítið eftir í tímaglasinu hennar Lóu og því fær hún heilan dag til að skapa minningar með bestu vinkonu sinni, minningar sem munu lifa eftir að Lóa er farin. Hugljúf saga um alvarleika lífsins. Einnig fáanleg á ensku.
Sumir þátttakendur í hjólreiðakeppni Víkurbæjar hegða sér afar grunsamlega. Má beita öllum brögðum til að komast fyrst í mark? Það er eins gott að spæjararnir Lalli og Maja eru á staðnum því að lögreglustjórinn skilur ekki neitt í neinu! Bráðfyndin og spennandi ráðgáta með litmyndum á hverri opnu.
Þankar til framtíðar
Bergsveinn Birgisson ákveður að endurbyggja hlöðu forfeðra sinna norður á Ströndum sem er komin að hruni. Það fær hann til þess að hugsa um heiminn og stöðu mannsins í honum. Útkoman er ferðalag um tíma og rúm, andlegt sem raunverulegt, í bók sem er engri annarri lík.
Náttúra, maður og mannshugur hafa verið yrkisefni Hrafns Andrésar og ráðið miklu um svip ljóða hans. Í þeim er líf af ætt óróans, jafnt í gleði sem sorg. Undiralda ljóðaflokksins Hlés er harmur og þungbær reynsla en ljóðin eru einlæg úrvinnsla föður sem missti son sinn barnungan. Ljóðin bera vitni um mikla ást, missi og lífskraft minninga.
Fallegar myndir á hverri blaðsíðu og fjörug hljóð gera yngstu kynslóðinni það auðvelt að læra um dýrin. Með því að þrýsta á hnappana má heyra 30 dýrahljóð.
Hljóð í tíu sjávardýrum
Dýfðu þér ofan í fallegan töfraheim hafsins og skoðaðu höfrunga sem stökkva og krabba sem veifa. Ýttu á takkana til að heyra hljóðin í dýrunum. Fallegar myndir af sjávardýrum og skemmtilegur fróðleikur um falleg dýr á hverri blaðsíðu.
Snigilinn Skrúfu dreymir um að yfirgefa litla skerið sitt og skoða heiminn. Eina nóttina rætist óskin: Risastór hvalur kemur syndandi og býður henni far á sporði sínum. Og þá hefst ógleymanleg ævintýraferð, uppfull af undrum og hættum. Sjöunda bókin sem kemur út á íslensku eftir bresku metsöluhöfundana Juliu Donaldson og Axel Scheffler.
Hobbitann eftir J.R.R. Tolkien þarf vart að kynna. Góðu fréttirnar eru að nú er bókin loks fáanleg á ný fyrir lesendur á Íslandi. Í nýrri þýðingu Solveigar Sifjar Hreiðarsdóttur með ljóðaþýðingum Braga Valdimars Skúlasonar. www.kver.is
Hér yrkir Ragnar H. Blöndal lofsöngva til karlmannslíkamans og kryddar þá með þekktum minnum úr goðsögum og heimsbókmenntum.
Hér heldur metsöluhöfundurinn og samfélagsmiðlastjarnan, Nathan Anthony, áfram að kenna heimiliskokkum að nota lofsteikingarpottinn til að reiða fram girnilegan heimilismat án fyrirhafnar og á örskömmum tíma, en allar uppskriftirnar í bókinni miða við hálftíma eða minna. Hollar og seðjandi uppskriftir gerðar til að spara tíma og fyrirhöfn.
Bók sem er í laginu eins og bíll. Skemmtileg leið til að efla áhugann á að læra að telja. Litríkar myndir hjálpa börnum við að skoða hluti og læra orð. Hoppaðu með á talnarútuna!
Hvers vegna er svona erfitt að einbeita sér – og hvað er til ráða?
Börn og fullorðnir eiga æ erfiðara með einbeitingu: að lesa, læra og fást við flókin verkefni. En hver er ástæðan og hvað er til ráða? Hér er rýnt í þá ólíku þætti sem ræna okkur getu til djúprar og sjálfstæðrar hugsunar, með uggvekjandi afleiðingum. Einstaklega áhugaverð og læsileg metsölubók um brýnt málefni.
Ljóðin í þessari áhrifamiklu bók orti höfundur í minningu eiginmanns síns, Einars Eyjólfssonar (1956–2015). Þau eru hjálpartæki höfundar til að syrgja og leið til að skilja söguna og bæta lífið. Þetta er önnur ljóðabók Sigrúnar Ásu sem sendi frá sér bókina Siffon og damask árið 2018.
Uppgjafabóndinn Hóras gerist róni í Reykjavík á sjöunda áratug 20. aldar. Hann kemur víða við sögu, er um tíma formaður 17. júní nefndar borgarinnar og síðar forsætisráðherra – en stefnumálin eru vafasöm og sögulok ill. Drepfyndinn harmleikur í bundnu máli, ortur af galsafenginni ófyrirleitni sem kankast á við klassískan skáldskap fyrri alda.
Steindór Jóhann Erlingsson er vísindasagnfræðingur. Hreinsunareldur er fyrsta ljóðabók hans en árið 2023 kom út eftir hann Lífið er staður þar sem bannað er að lifa – Bók um geðröskun og von .
Gauti grameðla og Sölvi sagtanni elska hrekkjavöku! Þeir heimsækja Gróu gaddeðlu og Nönnu nashyrningseðlu, og þau fara öll saman að gera grikk eða gott. Bækurnar um Risaeðlugengið hafa slegið í gegn enda eru þær krúttlegar, fræðandi og fyndnar og henta ungu áhugafólki um risaeðlur og önnur forsöguleg dýr.
50 einfaldar og fjölbreyttar styrktar- og liðleikaæfingar sem auka kraft, þol og jafnvægi. Hverri æfingu fylgja myndir og skýrar leiðbeiningar. Æfingarnar eru framkvæmdar án áhalda og þær er hægt að gera hvar sem er. Hreyfispjöldin henta fólki á öllum aldri, byrjendum jafnt sem lengra komnum.