Kona að hálfu
Ponna og Kali reyna hvað þau geta til að eignast barn en allt kemur fyrir ekki. Síðasta hálmstráið er lokakvöld árlegrar musterishátíðar þegar allir karlar eru guðir en það gæti reynst þeim dýrkeypt.
Allar bækur
Síða 17 af 37
Kortlagning Íslands
Íslandskort 1482-1850
Í þessari veglegu bók eru helstu Íslandskort sögunnar birt saman í allri sinni dýrð. Saga þess hvernig lögun Íslands þróaðist á kortum á fjórum öldum er heillandi og viðburðarík. Reynir Grétarsson hefur um árabil safnað Íslandskortum og rekur hann á lifandi og skemmtilegan hátt þessa merku sögu. Þessi glæsilega bók er nú loksins fáanleg að ...
K-POP stóra límmiðabókin
Fylgist með K-POP hljómsveitunum B-JÚ og ÆS2B á tónleikum, tónlistarhátíðum og í viðtölum. Lesendur nota límmiða og fylgihluti til að klæða stjörnurnar.
K-POP töfra akademían Draumar geta ræst
Sannkallaðir töfrar eru fólgnir í fullkomnum dans- og tónlistarflutningi. Min er fæddur dansari og hana hefur alltaf dreymt um að verða K-pop stjarna. Í hópnum hennar eru feimna Soo og Ivy, sem þarf alltaf að sýna sig og sanna. Ef stelpurnar ná saman geta þær leyst stjörnukraftinn úr læðingi og breytt heiminum.
Krákustígar
Sonnettusveigur
Krákustígar fjalla í 15 erindum um ævi konu sem neitar að láta aðra marka sér veginn, jafnvel þótt hún villist um stund í ástarþoku og þurfi að redda fleiru en sanngjarnt getur talist. Hún hrasar, syrgir, hlær, lærir, reisir sig við og heldur áfram, keik, að þræða sína eigin leið.
Krimmasmásögur
Hvenær drepur maður mann? Hér kynnumst við breyskum einstaklingum og fólki sem verður öðrum að bana – í grandaleysi. Að baki búa ýmsar ástæður: heift, hatur, hefnd, öfund, afbrýðisemi og logsár girnd, græðgi, árátta, spilling en líka óyndi, andúð og útskúfun. Bráðsmellnar íslenskar kósíglæpasögur! Höfundur skrifar af lipurð í laufléttum stíl.
Kríli orðin
Þau allra yngstu munu elska hristurnar á sama tíma og þau læra fyrstu orðin í þessari skemmtilegu harðspjaldabók!
Krossgötur
Rut og Alma eru bæði skólasystur og nágrannar en tala aldrei saman. Hlynur, kærasti Ölmu, er efnilegur handboltamaður en hefur engan áhuga á náminu. Fannar, skólabróðir þeirra, þráir athygli og viðurkenningu en viðhorf hans og bakgrunnur gera honum erfitt fyrir. Grípandi saga um ungt fólk og þær ólíku áskoranir sem það tekst á við.
Krúsilíus og fleiri barnasöngvar
Þetta sígilda og vinsæla nótnahefti er nú loksins fáanlegt aftur eftir langt hlé, en í því er fjöldi skemmtilegra laga sem Anna Pálína og Aðalsteinn Ásberg sendu frá sér á hljómplötunum Berrössuð á tánum og Bullutröll. Hér birtast þau í aðgengilegum útsetningum Gunnars Gunnarssonar ásamt bókstafshjómum.
Krypplingur
Shaka er með vöðvasjúkdóm, en þótt líkamleg geta hennar sé takmörkuð þekkir hugurinn engin mörk: Hún stundar fjarnám í háskóla, birtir hispurslausar fantasíur á erótískum vefsíðum og tístir nafnlausum stóryrðum út í tómið. Einn daginn sendir hún frá sér tilboð um himinháa upphæð í skiptum fyrir sæði og hrindir þar með af stað óvæntri atburðarás.
Kuldavélin
Matti er kominn til Bjarkareyjar og hlakkar til að njóta bæjarhátíðarinnar með Hönnu Stínu, vinkonu sinni. Hann er þó varla stiginn á land þegar furðulegir atburðir eiga sér stað og fyrr en varir dragast vinirnir inn í æsispennandi kapphlaup við tímann þar sem dularfullur íssali, kuldaköst á miðju sumri og gömul leyndarmál koma við sögu.
Kúkú, litli Prumpulíus
Fyrsta ævintýrið um dálætið okkar hann Prumpulíus brelludreka. Í bókinni fáum við kynnast fyrstu augnablikunum fyrir og eftir fæðingu hans.
Kvartmíluklúbburinn 1975-2025
Ágrip af hálfrar aldar sögu
Hér er „brunað“ í gegnum 50 ára sögu Kvartmíluklúbbsins. Greint er frá skrautlegum aðdraganda að stofnun hans og fjölmörgum ökumönnum er fylgt eftir á misjöfnum ökutækjum. Við sögu koma prjónandi kryppa, græn padda, kókosbolla, sérbökuð vínabrauðslengja, auk allra Monzanna, Chevrolettanna, Pontiacanna, Camaroanna, Willysanna og Yamaha-hjólanna.
Kvenskörungar á Grand Hôtel
Grand Hôtel í hjarta Stokkhólms stendur á tímamótum rétt eins og konurnar sem þar starfa. Saman takast þær á við ástir, svik og samfélagslegar skorður en þegar leyndarmál fortíðarinnar koma upp á yfirborðið reynir á traustið og í ljós kemur hverju þær eru tilbúnar að fórna. Fyrsta bókin í grípandi bókaflokki sem hefur farið sigurför um Evrópu.
Kvæði og laust mál
Í þessari bók birtast eftirlátin frumort kvæði, sögur, ritgerðir og fyrirlestrar Benedikts.
Kæri fáviti
Þrjár ólíkar raddir segja frá – útskúfaður rithöfundur, þekkt leikkona og róttækur femínisti. Í tölvupóstsamskiptum þeirra á milli birtist heimur gegnsýrður af kynbundnu valdi og afleiðingum #MeToo, en þar eru líka fíkn, vinátta og leit að merkingu í heimi sem virðist oft vera að hrynja. Snjöll samtímasaga frá einum áhrifamesta höfundi Frakklands.
Kærulausar kannanir
Kærulausar kannanir er samansafn örsagna og vangaveltna konu sem mætir ofur hversdagslegum augnablikum og sígildum stefjum ýmist undrandi, full efasemda, með háði eða af einlægni.
Köngurváfa
Í annarri ljóðabók sinni tekst Arndís Þórarinsdóttir á við tilvistina með textum sem spretta úr upprunanum og horfa til framtíðar. Bókin spinnur þræði um formæður, fluguhnýtingar, ferðalög og stórtónleika heilmynda ABBA-flokksins, svo fátt eitt sé nefnt.