Síða 18 af 25
Margslungin og metnaðarfull sænsk glæpasaga. Vanessa Frank rannsakar morð á þrítugri konu í Stokkhólmi en þar í borg fer ofbeldisglæpum gegn konum síst fækkandi. Bakslagið í kjölfar MeToo er áþreifanlegt og vaxandi fylgi kvenhataranna í stafrænu Incel-hreyfingunni vekur ugg. Og þeir láta sér ekki allir nægja að fá útrás fyrir hatrið við tölvuna.
Alltaf er nóg að gerast í Rumpuskógi, þar sem margvísleg dýr og fuglar búa í þokkalegri sátt og samlyndi. Í dag verða haldin hvorki meira né minna en þrjú partí en almáttugur! Verður það of mikið fyrir Stínu-pínu partíkráku? Fyndið, skemmtilegt og mikið myndlýst gamanævintýri. Fjórða bók í ritröð um Rumpuskóg. Upplestur f. 6+ ára, lestraraldur 7+.
Tímarit Sögufélags LIX: 1 og 2, 2026
Tímaritið Saga kemur út tvisvar á ári, vor og haust. Efni þess tengist sögu og menningu landsins í víðum skilningi. Ritrýndar greinar og viðhorf mynda stærstu efnisþætti tímaritsins. Í Sögu birtast einnig ritdómar og ritfregnir um nýjar bækur er varða sögu, einkum Íslandssögu, og annað efni af sagnfræðilegum toga. Ómissandi öllu áhugafólki.
Kirkja hefur staðið í Flatey á Breiðafirði frá örófi alda. Núverandi kirkja fagnar 100 ára afmæli á þessu ári. Hún var byggð árið 1926, stendur á fallegum útsýnisstað þar sem eyjan rís hæst og er áberandi kennileiti, bæði frá sjó og landi. Rit þetta fjallar um sögu kirkjunnar með áherslu á 19. og 20. öldina.
frásögn af lífi, áföllum og sorg
Hvað gerir móðir þegar hún getur ekki bjargað barninu sínu?
Sagan af uppvexti og þroska hinnar stoltu og sterku Sölku Völku á Óseyri við Axlarfjörð er í senn saga þorps og svipmikilla einstaklinga. Þegar nýir vindar blása um samfélagið fara átakatímar í hönd - en ávallt leika ást og dauði undir. Salka Valka kom upphaflega út í tveimur bindum 1931-1932 og hefur verið gefin út margoft síðan heima og erlendis.
Samfélag heilagra er rannsókn á mannlegu samfélagi þar sem umbreytandi tímamót í lífi og dauða fólks eru krufin. Bókin er samstarfsverkefni meistaranema í ritlist og hagnýtri ritstjórn og útgáfu við Háskóla Íslands.
Safn greina um siðferðilegt hlutverk samtala og rökræðu. Samræðuhugtakið er brotið til mergjar og rýnt í hugmyndir um efnið frá sjónarhól siðfræði, tilvistarstefnu og samfélagsheimspeki. Sýnt er fram á mikilvægi samtals og rökræðu á ólíkum sviðum mannlífsins, svo sem í menntun, stjórnmálum og heilbrigðisþjónustu.
Sanna sagan um nefið á Gosa er syndsamlegt ævintýri fyrir fullorðin börn. Ef ekki hefði notið við Nikulásar II, síðasta Rússakeisara, Winstons Churchill, Vladímírs Pútín og Everts Bäckström, lögregluforingja í Stokkhólmi, hefðu atburðir þessarar skáldsögu aldrei gerst.
Listin að leiða öruggt og uppbyggilegt ferli að sameiginlegri lausn ágreiningsmála
Markmið sáttamiðlunar er að vinna úr ágreiningi og deilum, bæta samskipti, sambönd og samvinnu ásamt því að auka traust og virðingu á milli aðila. Í bókinni eru undirstöðuatriði sáttamiðlunar dregin fram og kafað dýpra í einstaka þætti hennar til að veita lesandanum þekkingu, hæfni og getu til að vinna með deilur á uppbyggilegan hátt.
Þetta er fyrsta bókin í hinni áhrifamiklu Reimar-seríu. Lík af karlmanni með sérkennilega skotáverka finnst í fjöruborðinu í afskekktum firði norður á Ströndum. Líkskoðun leiðir í ljós að tennur hins látna höfðu áður verið meðhöndlaðar handan Járntjaldsins og lögregluna grunar að fórnarlambið sé rússneskur flugumaður, kominn ólöglega til landsins
Þessi bók er ekki bara bók. Hverri risaeðlu fylgir spjald með púslum sem hægt er að taka út. Undir spjaldinu finnur þú áhugaverðar staðreyndir um risaeðlurnar.
Um ævi og kveðskap Bjarna Gissurarsonar.
Sigvaldi Thordarson var einn kunnasti arkitekt eftirstríðsáranna. Albína Thordarson rekur hér sögu föður síns og verka hans og varpar um leið ljósi á þróun íslenskrar byggingarlistar á 20. öld. Pétur H. Ármannsson ritar um náms- og mótunarár Sigvalda. Fjöldi áður óbirtra ljósmynda og teikninga prýðir bókina.
Þegar Matthildur vaknar 10. nóvember 2023 óttast hún það versta. Jarðskjálftar hafa skekið heimabæ hennar dögum saman og eldgos vofir yfir. Matthildur reynir að lifa eðlilegu lífi en áður en dagurinn er liðinn hefur fjölskyldan flúið bæinn í ofboði. Sönn saga um náttúruhamfarirnar í Grindavík og eftirleik þeirra sem hlaut Sólfaxa 2026.
Kim stendur frammi fyrir einum miskunnarlausasta morðingja sem hún hefur nokkru sinni mætt. Mögulegar vísbendingar skipta hundruðum, og syrgjandi systirin neitar að tala við þau. Ómótstæðileg spennusaga frá metsöluhöfundinum Angelu Marsons þar sem hún kannar dökku hliðarnar á lífi undrabarna. Saga sem grípur mann heljartökum.
Saga dansks andspyrnumanns
Nasistar héldu dönsku þjóðinni í heljargreipum eftir hernám þeirra árið 1940. Hér er sögu spellvirkjans Ejlers Borch (f. 1925) fléttað saman við frásögn af dönsku andspyrnunni og Gestapó. Útkoman er spennandi og persónuleg frásögn, byggð á viðtölum við Ejler og fjölskyldu hans og umfangsmikilli heimildavinnu.
Saga hins þrjóska einyrkja, Bjarts í Sumarhúsum, og baráttu hans við allt og alla er bæði þjóðleg og alþjóðleg - sígild frásögn af hlutskipti fátæks fólks í hörðum heimi. Sjálfstætt fólk kom fyrst út í tveimur bindum 1934-1935 og hefur verið gefin út margsinnis síðan á ótal tungumálum.