Síða 18 af 37
Í hnédjúpri moldarholu í gömlum kirkjugarði standa tveir grafarar og spjalla um Jónatan jeminn, ævi hans og ástir allt til þess er hann braut sextugan hálsinn á bjórkassa. Annar grefur meðan hinn segir svakasögur af fólkinu sem þekkti Jónatan sáluga. Var honum sálgað eða dó hann af sleipum slysförum?
Bryndís Jónsdóttir sækir innblástur í náttúruna og leitast við að ná fram hinu lífræna úr ólíkum efnivið. Hún horfir til táknkerfis íslensku fjármarkanna, sem fylgt hafa þjóðinni frá fornu fari. Sýlthamrað, þrístigað eða heilrifað, hún útfærir mörkin í volduga leir- og járnskúlptúra, massíft gler og viðkvæm grafíkverk. Efniskenndin er áþreifanleg.
Jarðfræði – umhverfisfræði – náttúrulæsi
Gagnvirk vefbók fyrir grunnáfanga í náttúruvísindum á félags- og hugvísindabraut framhaldsskóla. Fjallað er um stórt sem smátt í náttúrulegu umhverfi, jörðina sem hluta af sólkerfinu, lofthjúpinn, yfirborð jarðar og hafdjúpin.
Þrjátíu ár eru síðan Andri Snær steig fram á ritvöllinn og skipaði sér í hóp eftirtektarverðustu höfunda landsins. Í þessari kröftugu nóvellu er Jötunsteini kastað inn í heita umræðu um fegurð í borg sem er smám saman að hjúpast svartri klæðningu og gráu þverliggjandi bárujárni. Skörp og ögrandi saga.
Sígilt snilldarverk Kristínar Marju. Dramatísk og áhrifamikil örlagasaga ungrar stúlku í upphafi 20. aldar, saga um drauma og þrár, óvænta hamingju, óbærilega sorg og miklar ástríður. Um leið er brugðið upp mynd af lífi og hlutskipti kvenna fyrr og síðar af einstöku innsæi.
Klár í sveitina er kassi með 3 bókum. Litabók, límmiðabók og verkefnabók. Allar bækurnar snúast um sveitina og eru ætlaðar börnum frá 3 ára aldri.
Þessi ótrúlega ævisaga listamanns er eitt dæmið enn úr smiðju sænska stílsnillingsins Torgnys Lindgren þar sem tekist er á við alvarlegar og flóknar spurningar með vopnum listarinnar. Sagnaheimur þar sem allt getur gerst og skammt er milli ærsla og harms.
Ljúflestur með kraumandi ástríðu. Dagarnir líða stefnulaust áfram. Söngkonan Adele er í aðalhlutverki á heimilinu með boðskap sinn um sorg og horfnar ástir. Hvers vegna ekki að lýsa yfir verkfalli á heimilinu? Það verður nú varla heimsendir þótt hún hristi ærlega upp í þessu öllu saman? Hvernig væri að byrja upp á nýtt og flytja norður með börnin?
Alþjóðleg fjárglæfraöfl hafa hreiðrað um sig nyrst í Svíþjóð og svífast einskis við nýtingu viðkvæmra nátturuauðlinda. Í bænum Gasskas finnst verktaki myrtur. Mikael Blomkvist fer á stúfana og kemst að því að það er maðkur í mysunni. En rannókn hans verður til þess að loftslagsaðgerðarsinni týnir lífinu.
Eftir andlát þjóðfrægs rithöfundar kafar ekkja hans djúpt í endurminningar sínar um stormasamar samvistir þeirra. Hún reynir að muna allt, fer úr einni minningu í aðra, þræðir þær upp á spotta sem svo slitnar þegar síst varir. Áhrifamikil skáldsaga, rituð af óvanalegum stílþrótti og myndauðgi.
Lygilega sönn reynslusaga
Lygilega sönn reynslusaga um málóða konu sem varð „orðlaus“ bæði vegna krabbameins í barka, sem og samskipta við íslenska heilbrigðiskerfið. Bókin er raunsæ, en jafnframt ærslafull ádeila með skáldlegu ívafi. Opinská frásögn um einstaka seiglu í andstreyminu sem vekur lesanda til umhugsunar um hið dýrmæta fjöregg sem líf okkar allra er.
Skemmtileg myndskreytt saga miðuð við yngstu lesendurna. Textinn er 400-500 orð og skilningsverkefni eru í lok sögunnar.
Í ævisögu Davíðs Stefánssonar, Snert hörpu mína, sem út kom árið 2007 er lítið fjallað um náin samskipti hans við konur. Davíð var fámáll um einkalíf sitt og lengst af hefur lítið verið vitað með vissu um samskipti skáldsins við hitt kynið. Margt hefur þó verið sagt og skrifað um ástarmál Davíðs, oftar en ekki byggt á hæpnum forsendum.
Sex sögusvið sem skarast á sex tímaskeiðum með sex ólíkum stílbrigðum. Þessi magnaða skáldsaga rekur sig inn í komandi aldir og aftur til baka. Á því ferðalagi tengjast sögupersónur ólíkra tíma, örlög þeirra fléttast saman, stórar siðferðilegar spurningar kvikna og við blasir næsta ógnvekjandi framtíðarsýn.
Kjördæmaskipan og aðferðir við úthlutun sæta
Kosningafræðarinn veitir heildaryfirlit yfir aðferðir við úthlutun sæta að loknum kosningum, svo sem í sveitarstjórnum eða á þjóðþingum en einnig í persónukjöri. Jafnframt er fjallað um ýmiss konar fyrirkomulag kjördæmaskipanar.
Leiftrandi og óvenjuleg frásögn um kraftaverk lífsins, stríðið gegn gleymskunni, leitina að ljósi í heimi þar sem dauði, illska og fáfræði ráða oft ríkjum, og hvernig sálirnar á jörðinni takast á við sviptingar og breytta heimsmynd.
Peter Parker - hin sanna dagbók
Hvernig er að fara frá því að vera aðallúðinn í skólanum í að vera heimsfræg ofurhetja? Lestu um það í háleynilegri dagbók Peters Parkers sem er stútfull af hugsunum hans, kroti, hetjumyndum og frásögnum af stórfenglegustu bardögunum. Hann sprangar, spaugar og - vinur þinn Kóngulóarmaðurinn er mættur til leiks!
Veldi bræðranna Carls og Roys Opgard riðar til falls þegar erkióvinur þeirra, lögreglustjórinn Kurt Willumsen, finnur nýja tækni sem hann telur geta sannað sekt þeirra í óupplýstum morðmálum. Óveðursskýin – og líkin – hrannast upp og bræðurnir lenda í blóðugu kapphlaupi við réttvísina. Mögnuð saga eftir meistara norrænu glæpasögunnar.