Hér má finna nýjar íslenskar fræðibækur fyrir börn og ungmenni um fornleifar og fótbolta, spendýr og stjörnufræði, gamanmál og goðafræði og margt fleira.
Síða 2 af 2
Í bókinni er fjöldi verkefna sem auka færni í að meðtaka tengsl málhljóða og bókstafa. Þannig er hægt að leggja grunn að lestrarnámi og læra að skrifa eftir fyrirmynd. Fjöldi forvitnilegra orða og margs konar verkefni stuðla að auknum orðaforða sem ýtir undir lesskilning og auðugt málfar.
Ástríða fyrir leiknum
Margrét Lára Viðarsdóttir er meðal fremstu íþróttamanna sem Ísland hefur alið. Hún er markahæsti landsliðsmaður Íslands í knattspyrnu frá upphafi og spilaði í sterkustu deildum heims. Hér segir Margrét Lára sögu sína og deilir reynslu sinni og góðum ráðum. Hún gerir ferilinn upp og segir á einlægan hátt frá sigrum og mótlæti.
Sköpum nýjan heim með fingrunum. Smellum litum á fingurna og byrjum að mála! Örugg olía og skemmtilegar myndir.
Mögnuð léttlestrarbók úr hinum vinsæla Vísindalæsisflokki. Hér ferðast Stjörnu-Sævar um tíma og rúm, heimsækir misfurðulega fræðimenn og reynir með aðstoð töfratækja vísindanna (og af meðfæddri forvitni) að afhjúpa dýpstu leyndardóma alheimsins. Bókin er prýdd fjölmörgum ótrúlega flottum litmyndum Elíasar Rúna.
Þessi myndabók byggist á einni ástsælustu Íslendingasögunni, Brennu-Njáls sögu, sem rituð var seint á þrettándu öld en lýsir atburðum sem gerðust þrjú hundruð árum fyrr. Njáls saga er æsispennandi örlagasaga sem hverfist m.a. um ást, öfund, vinskap, svik, forlagatrú, hefnd, hetjudáðir, sæmd, lagaklæki og sættir. Einnig fáanleg á ensku.
Lengsta bók veraldar
Stútfull bók af fróðleik um hættulegustu, stærstu og hraðskreiðustu risaeðlur sem lifað hafa á jörðinni! Og svo er þetta ein lengsta bók veraldar! Þessi tveggja metra langa tómstundabók hefur að geyma hrikalegar risaeðlur. Glæsilega myndskreytt!
Geta snákar synt?
Hvernig er krossinn í þjóðfána Danmerkur á litinn? Hvaða fyrirbæri er i miðju sólkerfisins? Hvaða íþróttagrein stunda stúlkurnar í Aþenu? Klukkan hvað eru dagmál? Heiti hvaða mánaðar er fremst í stafrófsröðinni? Fyrir hvaða íþróttagrein er Bjarki Már Elísson þekktur. Þessar spurningar og margar fleiri eru í þessari bráðsmellnu spurningabók!
Sögur úr norrænni goðafræði segir hetjusögur af fræknum köppum og goðum sem fylgt hafa íslensku þjóðinni í meira en þúsund ár. Í þessari eigulegu bók má lesa bráðskemmtilegar endursagnir á nokkrum af helstu goðsögum norrænna manna eins og við þekkjum þær úr eddukvæðum og Snorra-Eddu.
Hvernig á að byggja torfbæ? Sko, alvöru torfbæ? Torf, grjót og burnirót leiðir lesendur um töfra torfsins og útskýrir hvernig torfbær er reistur, hvernig á að hlaða grjóti, stinga torf og finna burnirót úti í haga til að koma fyrir í vegghleðslunni, bænum til heilla. Fjörug og fróðleg saga.
Traktorar og hjólavélar eru ómissandi í öllum stórframkvæmdum, bæði í sveitum og bæjum. Traktorinn er besti vinur bóndans og hjólaskóflan er þarfur þjónn á byggingarsvæðum. Malbikunarvélar koma að góðum notum þegar malbik er lagt og dráttarbílar bjarga deginum! Kíktu í bókina og kynntu þér þessi stóru og spennandi tæki!
Bókin er sneisafull af áhugaverðum upplýsingum, með góðum skýringarmyndum. Vonandi svarar hún spurningum þínum og fræðir þig um áhugaverðar staðreyndir er lúta að merkilegum uppfinningum í mannkynssögunni. Það er sannkallað fjör að fræðast!
Bókin fjallar um tilfinningar og hræðslu hjá barni sem er að fara að eignast lítið systkini, óttann við að vera ekki lengur aleitt með mömmu og pabba. Reynsla barnsins er ein af birtingarmyndum kvíða og bókin getur nýst sem handbók þeirra sem vinna með börnum og foreldrum/forráðamönnum. Opnar spurningar fylgja hverri opnu sem hvetja til umræðu.
Hver er stærsti fuglinn okkar? Hver er sá minnsti? Hver er besta eftirherman og mesti hrekkjalómurinn? Hver er vorboðinn ljúfi? Í þessari bók, sem prýdd er glæsilegum myndum, kynnumst við 16 fuglategundum sem verpa á Íslandi. Þetta er sannkölluð fjölskyldubók sem ljúft er að sofna út frá og taka svo aftur upp þráðinn kvöldið eftir.
Lita- og þrautabók
Taktu þátt í VÆB-ævintýrinu með því að leysa þrautir og fylla VÆB-heiminn af litum og gleði! Lita- og þrautabók full af skemmtilegum verkefnum fyrir alla VÆB-aðdáendur.