Mamma er geðvondur dvergur
Fúli er dvergur. Mjög fúll dvergur. Hann brosir ekki. Hann hlær ekki. Hann á enga vini og honum er alveg sama. Honum er alveg sama um alla nema sjálfan sig.
Allar bækur
Síða 15 af 25
Mamma - sagan þín og Pabbi - sagan þín
Bækur sem geyma minningar og visku og tengja kynslóðir. Einstakar útfyllingabækur sem leiða mæður og feður á skemmtilegan hátt í gegnum það ferli að skrifa eigin sögu, varðveita minningar og deila visku sinni með börnum sínum sem nú eru komin á fullorðinsár.
Margbrotna systir mín
Saga Margrétar
Sæunn Kjartansdóttir, sálgreinir og rithöfundur, skráir margbrotna sögu systur sinnar, Margrétar Kjartansdóttur. Hún hefur fetað aðra leið en flestar konur á hennar aldri, átt ævintýralegt líf, unnið sig úr dýpstu dölum og upp á hæstu tinda. Systurnar líta yfir farinn veg og varpa ljósi á viðbrögð Margrétar við ýmsum áföllum.
Maríuklefinn
Bréfaritari er staddur í Lissabon og vildi að María væri þar með sér. Hann sér henni bregða fyrir á götum borgarinnar, sólin er svo heit og púrtvínið kallar fram undarlegustu myndir. Í löngu bréfi til Maríu skrifar hann um allt sem sækir á hugann, leiftur úr bókmenntum og mannkynssögunni og það sem verður á vegi ferðalangans á framandi slóðum.
Marteinn og ævintýraþjófurinn
Hvað ef ævintýrið væri lífið sjálft?
Matargatið
Grallaraleg myndskreytt saga með heimspekilegu ívafi. Dag einn birtist dularfullt, lítið gat úti í garði og vekur forvitni Óla og Sissu. Gatið gleypir í sig allt sem kemur nálægt því: steina og prik, sveppi, mjólkurfernu og loks kisuna hans Óla! Þegar krakkarnir ætla að bjarga kisu kemur í ljós að þetta gráðuga gat leynir svo sannarlega á sér.
Matthildur Mía fer í Hagann
Matthildur Mía er hálf hagamús og hálf húsamús. Hún er að fara í heimsókn með fjölskyldu sinni í Hagann. Matthildur er spennt fyrir ferðalaginu og að hitta alla en líka smá kvíðin því lífið í Haganum er allt öðruvísi en í borginni og henni finnst hún ekki tala nógu góða hagamúsísku. Bókin hentar vel sem léttlestrarbók.
Málað með fingrunum
Sköpum nýjan heim með fingrunum. Smellum litum á fingurna og byrjum að mála! Örugg olía og skemmtilegar myndir.
Meðan borgin blánar
Fimmta ljóðabók höfundar sem kvaddi sér hljóðs á skáldamálinu íslensku fyrir nokkrum árum síðan. Nístandi sár og falleg ljóðabók frá einstakri rödd í íslenskum ljóðaheimi. Ljóðasöngur um ástarsorg, eftirsjá og þakklæti í borginni bláu.
Með höppum og glöppum
Spjallbók
Þetta er síðasta spjallbók höfundar að eigin sögn. Hinar fyrri eru Mitt litla leiksvið (2017), Lítið óvísindalegt kver um leiklist (2019), Þú ert mitt sólskin (2024) og Í belg og biðu (2025). Hér er sem áður allt í belg og biðu og ekkert gert til að setja textann í bása eða mjólka með vélum.
Meira sokkaprjón
Fjölbreytt og eiguleg prjónabók með 74 uppskriftum að einlitum og marglitum sokkum fyrir stóra og smáa fætur. Uppskriftirnar eru einfaldar og aðgengilegar og fremst í bókinni eru útskýringar á aðferðum. Þetta er áttunda bók höfundar og hafa fyrri bækur notið mikilla vinsælda, þar á meðal eru Sokkaprjón, Vettlingaprjón og Húfuprjón
Menntun í félagsmenningarlegu ljósi
Bók þessi geymir úrval pistla og greina sem Hafþór Guðjónsson skrifaði á starfsferli sínum, fyrst sem efnafræðikennari við Menntaskólann við Sund en síðar sem kennari á Menntavísindasviði Háskóla Íslands.
Mið-Austurlönd
Fortíð, nútíð og framtíð – uppfærð útgáfa
Áleitnar hörmungarfréttir frá Mið-Austurlöndum berast okkur nær daglega og margt sem þar er sagt á rætur í afskiptum Vesturlanda. Yfirlitsrit þar sem fjallað er um helstu atburði í heimshlutanum af fordómaleysi og þekkingu er nauðsyn til skilnings á samtíma okkar. Hér er komin ný og uppfærð útgáfa þessa yfirgripsmikla og aðgengilega rits.
Minnisblöð veiðimanns
Kilja
Íslensku þýðingaverðlaunin 2026. Skáldjöfurinn Ívan Túrgenev kynntist snemma bágum kjörum rússneskra bænda og miskunnarleysi þeirra sem réðu yfir þeim. Hann ólst upp á landareign móður sinnar, sem þótti með eindæmum óvægin og grimm, en hún hafði yfir að ráða meira en fimm þúsund „sálum“ eins og ánauðugir bændur voru gjarnan nefndir.
Míkadó
Í skáldsögunni Míkadó segir Gerður Kristný sögu frá Reykjavík níunda áratugarins. Með ísmeygilegri kímni og hnífskörpu innsæi er dregin upp lýsing á heimi sem stundum virðist kæfandi en stundum barmafullur af möguleikum.
Mírabella á slæman dag
Þetta er ekki góður dagur hjá Mírabellu. Besta vinkona hennar, Karlotta, hjálpar henni yfirleitt að halda í húmorinn en hún er ekki í skólanum og Mírabella finnur að hún er að komast í vont skap.
Morð á Grand Alpine hótelinu
Morðráðgáta með sjálfri fröken Marple, þekktustu söguhetju Agöthu Cristie, eftir vinsæla breska spennusagnahöfundinn Lucy Foley. Af útgáfu þessarar bókar stendur útgáfufélag Agöthu Cristie Bretlandi. Þetta er ný bók sem aðdáendur Agöthu Cristie hafa beðið eftir.
Morðingi, vona ég
Morðingi, vona ég gerist í nútíma Helsinki. Ung móðir er myrt í neðanjarðarlest um hábjartan dag á leið heim til fjölskyldu sinnar. Morðið er tilefnislaust og eftir situr faðir móðurlauss sonar agndofa af sorg og heift. Fimm árum síðar eru morðingjarnir lausir úr fangelsi og faðirinn hefur samband við gamlan vin sinn til að skipuleggja hefnd.