Síða 4 af 25
Framsækin skáldsaga um óvæntan brúðkaupsgest og fólkið sem hjálpar henni að byrja upp á nýtt. Það er fallegur dagur í Newport, Rhode Island, þegar Phoebe Stone kemur á hið stórfenglega Cornwall hótel í grænum kjól og gylltum hælaskóm, farangurslaus og alein.
Aldalöng átök um Ísrael og Palestínu
Mið-Austurlönd eru magnaður heimur, þar sem nútíðin er beintengd fortíðinni og goðsögnum hennar. Hér er frásögnin sett í sögulegt samhengi, þar sem aldalöng átök, stríð og hörmungar, allt frá biblíulegum tíma ætla engan endi að taka í eilífum ófriði. Megináherslan er á deilur Ísraels og Palestínu á síðustu 100 árum.
Þegar Takako missir í einu vetfangi kærastann, vinnuna og trúna á sjálfa sig, býðst henni óvænt skjól hjá frænda sínum í lítilli fornbókabúð í Tókýó. Jimbocho-hverfið í Tókýó iðar af lífi, þar flökta neonljós borgarinnar og angan af Ramen-núðlum liggur í loftinu. í Morisaki-bókabúðinni opnast annar heimur – kyrrlátur, hlýr og fullur af sögum.
Partýklúðrið
Kiddi er ekki mikið fyrir óvæntar uppákomur – allra síst þegar afmælið hans er annars vegar.
Áhrifamikil og grípandi saga um áföll og ástleysi í lífi barns. Vidar er kennari sem hefur verið sakaður um brot í starfi en hann getur ekki munað hvað gerðist. Á einhvern hátt tengist það samt júnídegi í sumarhúsinu þegar hann var strákur, degi sem hann reynir af öllum mætti að rifja upp. Hvað gerðist þann dag sem heldur honum enn í heljargreipum?
Jack Reacher bjargar konu úr hremmingum úti í eyðimörkinni í Arizona. Hún reynist vera að leita að tvíburabróður sínum sem er lentur í klóm grimmúðugs glæpagengis. Reacher býðst til að leggja henni lið – enda hefur hann ekkert á móti dálítið vafasömum félagsskap. Tuttugasta og sjötta bókin í metsöluflokknum um harðjaxlinn Jack Reacher.
Skotheldur spennutryllir um barnslegt sakleysi og brostna drauma, ábyrgð og svik. Deild Q hjá lögreglunni kemst yfir hljóðupptöku sem varpar ljósi á gamalt morðmál. Óvæntar tengingar við ný dauðsföll beina athygli að leyndarmálum fortíðar og þekktum drengjakór. Bækurnar um Deild Q hafa farið sigurför um heiminn og hér hefst nýr kafli í þeirri sögu.
Magnað andrúmsloft einkennir þessa ískyggilegu og óhefðbundnu glæpasögu. Odd Strange einkaspæjari býr í gömlu hjólhýsi nærri Malaga. Hann á sér óvenjulega sögu: ólst upp í Reykjavík hjá afar sérkennilegum foreldrum, var júdókappi og starfaði í lögreglunni í Osló. Dag einn fær hann í fangið hryllilegt mál sem virðist tengjast fortíð hans.
Rithöfundur dregur sig í hlé á eyju undan ströndum Miðjarðarhafsins. Árum seinna kemur blaðakona til eyjunnar staðráðin í að ná viðtali við manninn. Sama dag finnst lík á ströndinni og yfirvöld loka eyjunni. Í ljós kemur að það eru ekki ritstörfin sem blaðakonan vill ræða, heldur leyndarmál fortíðar sem einhver virðist reiðubúinn að drepa fyrir.
Vei þeim, sem vekja hina látnu
Heldurðu að lífið þitt sé galið? Freddi býr í kirkjugarði. Á kvöldin gengur hann úr skugga um að öll grafhýsin séu læst. Freddi getur gert sér upp sorgarvip og mætir, eftir pöntunum, þegar syrgendur vantar í fámennar jarðarfarir. – Eðlilegt? Varla
Vestfjarðarrit V
Í þessu riti er að finna æviskrár Djúpmanna frá manntalinu 1801-2022, þeirra sem stofnuðu til heimilishalds við Ísafjarðardjúp í þrjú ár eða lengur á umræddu tímabili. Listi yfir bæjanöfn er aftast í ritinu, ásamt ábúendatali og korti. Myndir eru af mörgum ábúendum og býlum í Ísafjarðardjúpi.
Blóðþyrstu mannæturnar Dagur og Ylfa eru á flótta undan Interpol ásamt læknanemanum Inga Birni. Þegar hungrið vaknar er aðeins ein leið til þess að seðja það! Flóttinn verður að blóði drifinni Evrópureisu með viðkomu í líkbrennslu í Stuttgart, útsýnisturni í Svartaskógi og baðhúsi í Búdapest.
Tove Jansson er þekktust fyrir sínar óviðjafnanlegu sögur um Múmínálfana en hún skrifaði einnig seiðandi bækur ætlaðar fullorðnum og er þetta sú fyrsta þeirra. Íslenskir aðdáendur Sumarbókarinnar þekkja sögusviðið og umfjöllunarefnin; átök manns og náttúru, ímyndunarafl bernskunnar, leikgleði og listsköpun auk bæði ógnar og öryggis.
Saga Drangeyjar rakin og greint ítarlega frá þeim margvíslegu nytjum sem Skagfirðingar hafa haft af eyjunni, bæði fuglaveiðum, eggjatekju, fiskveiðum, búfjárhaldi og slægjum – og loks ferðaþjónustu á síðustu árum. Sagt er frá sigmönnum í Drangeyjarbjargi, djarffærni í klettum, slysförum á sjó og landi og mannlífinu í þessari gjöfulu veiðistöð.
Fyndin, absúrd og skörp satíra þar sem höfundurinn leikur sér með tungumálið og formið af mikilli frásagnargleði og óbeisluðu ímyndunarafli. Falleg ástarjátning til tungumálsins, fortíðarinnar, nútímans og ekki síst ástarinnar. Verkið hlaut Miles Franklin verðlaunin í fyrra ('25), sem eru virtustu bókmenntaverðlaun Ástralíu.
Sumarævintýri sem hún aldrei gleymir
Eftir vinnulotu við lögfræðistörf í Wales tekur Lucia sér verðskuldað frí hjá afa sínum og ömmu á Suður-Ítalíu. Sólskinið, sítrónutrén og girnilegur matur ömmu hennar skapar gleðiríkar stundir en ýmislegt verður til þess að Lucia þarf að endurmeta hvað hún vill fá út úr lífinu. Ef þú ert að leita eftir hnyttni og hlýju er Jo Thomas þinn höfundur.
Harpa og Hrói leggja af stað í mjög sérstakan leiðangur. Harpa ætlar að veiða dreka og elda úr honum afmælismáltíð handa mömmu sinni en Hrói þarf að fara í erfiða sendiferð fyrir afa sinn. Saman lenda þau í stórskemmtilegum uppákomum! Sígild saga eftir einn ástsælasta barnabókahöfund þjóðarinnar. Þessi nýja útgáfa er tilvalin í heimalesturinn!
Unnur tekur myndir af fuglum, les hugsanir þeirra og setur í orð af skáldlegu innsæi. Hún gerir ekki upp á milli tegunda. Uppáhaldsfuglinn er sá sem hún horfir á hverju sinni. Í þessari bók eru 85 fuglamyndir og tilheyrandi skondnar athugasemdir og fuglahjal.