Síða 7 af 38
Draugafans er hrollvekjandi spennusaga sem dregur upp nýja og nútímalega mynd af íslenskum menningararfi. Jaki Valsson vakti verðskuldaða athygli fyrir bók sína Miðsvetrarblót sem kom út á Storytel 2024, fyrstu bókinni í listilega skrifaðri sagnaseríu sem segja má með sanni að veki upp drauga fortíðar, hreinræktaða skelfingu og...
Binna og vinir hennar hafa stofnað leynifélag. Það er bara eitt vandamál – hvaða leynilegu ráðgátur eiga þau eiginlega að leysa? Binna spæjari er nýr bókaflokkur um Binnu fyrir lesendur sem eru lengra komnir.
Hýðinu er flett af ávextinum. Fyrir innan leynist ýmislegt: matur, myrkur, minningar. Fyrir utan: vökult auga. Draugamandarínur fjallar um hvað það merkir að gefa af sér. Verkið skoðar, í gegnum hrylling, smáatriði og rytma, þá athöfn sem fer fram þegar matar er neytt.
Í þessari bók er Binnu boðið í brúðkaup. Hún er búin að finna fullkomið dress og bíður spennt eftir deginum. Hvað gerist þegar brúðkaupið er ekki eins og hún var búin að ímynda sér?
Björt og skemmtileg bók sem inniheldur fjölbreytt ljóð í bundnu máli ætluð börnum á öllum aldri. Blaðsíðurnar eru skreyttar fallegum og litríkum teikningum sem höfða vel til ungra lesenda.
Dreymt bert er heildarsafn prósaljóða og örsagna sem áður hafa birst í bókum Þórarins. Myndir í bókinni eru eftir Ingu Maríu Brynjarsdóttur. Í káputexta Jóns Kalmans Stefánssonar segir meðal annars: „Smáprósar Þórarins standa föstum fótum í raunveruleikanum og þurfa samt ekki á honum að halda; í þeirri þversögn blómstrar Þórarinn.“
Málari, rithöfundur, gagnrýnandi, baráttukona
Drífa Viðar (1920-1971) var myndlistarmaður, rithöfundur og gagnrýnandi og tók þátt í stjórnmálaumræðu síns tíma. Eftir hana liggja fjölmörg verk af ýmsum toga. Í bókinni eru greinar sem gefa innsýn í ævistarf hennar, um 100 myndverk sem sum hafa aldrei komið fyrir augu almennings áður, brot úr bréfum og ýmiss fróðleikur um ævi Drífu og störf.
Hér segir frá ævintýraferð systkinanna Freyju og Frikka til Galapagoseyja með pöbbum sínum. Þar dvelja þau um borð í bátnum Drottningunni af Galapagos ásamt ferðalöngum frá öllum heimshornum. Brátt fara undarlegir atburðir að gerast og ljóst er að eitthvað gruggugt á sér stað um borð, eitthvað sem tengist sérstöku dýralífi eyjanna.
Kvæði fyrir ókvæða öld
Í þessu eigulega kvæðasafni má finna háttbundin kvæði Hallgríms Helgasonar frá síðasta aldarfjórðungi. Skáldið bruggar seið úr hefðum fortíðar og kenndum samtíðar og blandar ýmist með húmor eða trega. Bókin er ríkulega myndskreytt af höfundinum.
Dunce er íslenskt tímarit um dans og myndlist ætlað alþjóðlegum lesendahópi. Í blaðinu má finna viðtöl og greinar eftir listamenn. Dunce er veglegur prentgripur og hefur tvívegis hlotið hönnunarverðlaun FÍT og verið tilnefnt til Grímuverðlauna.
Verkefnabók fyrir krakka sem eru að byrja að leysa þrautir - um leið og þau þjálfast í að halda á penna. Skemmtileg verkefni sem þjálfa athyglisgáfuna og hægt er að gera aftur og aftur.
Þriðja skáldsaga Júlíu sem er sögumaður af guðs náð, í senn smellin og næm á mannfólkið. Milla litla og Reynir besti vinur hennar vaxa úr grasi í öruggum faðmi þorpsins Salteyrar. Þegar þau stálpast kemst ástin í spilið og flækir málin svo um munar. En úr fjarlægð fylgist dularfullur maður með Millu og lúrir á leyndarmáli sem mun umturna öllu.
Komið með í sveitaferð og kíkið á dýrin! Yngsta kynslóðin mun njóta þess að skoða fallegu myndirnar og auðvelt er að þrýsta á hnappa til heyra hljóðin í dýrunum.
Skemmtilegustu, fallegustu, merkilegustu og skrýtnustu dýrin sem lifa á hinum köldu slóðum undir norðurljósum og suðurljósum. Ísbirnir, hvalir, læmingjar, úlfar, sauðnaut, sækýr og öll hin. Marglit og merkileg, hlýleg en hörð af sér, einstök og athyglisverð. Frábær dýr í makalausu umhverfi. Þeim verðum við að kynnast.
Draupnir, máttugasta vera Dreim, er fallinn. Myrkrið vex beggja vegna skilanna og dreimfarar úr Fósturdal hafa örlög heimanna í höndum sér. Skömmu eftir komuna til Ngala, berst spádómur Draupnis. Von er á hinum mikla mætti og von ljóssins: Mtoto Ngala. Æsispennandi fantasía.
How to curse, swear and talk trash in Icelandic
Frasabók með blótsyrðum fyrir fólk af erlendum uppruna sem vill læra að tala kjarnyrta íslensku. Þessi handbók er uppfull af dónalegum blótsyrðum, fyndnum klúryrðum, töff slangri, minna töff slangri, helling af óþarfa upplýsingum og heilmörgum hljóðdæmum.
Ljóð
Ef ég hugsa er þriðja ljóðabókin sem út kemur eftir Jónas Gunnar Einarsson, áður hafa komið út Samhengið í tilverunni (2004) og Ljóð og kaffihús (2019)
Litla stúlkan og kisa lenda í óvæntum ævintýrum þegar þau ætla upp á efri hæðina til mömmu að sækja mjólk handa kisu að lepja. Þegar þau fara upp stigann til að komast á efri hæðina breytist allt. Efri Hæðin er myndskreytt barnabók fyrir 3 ára og eldri, fullkomin fyrir forvitin börn og fullorðna sem kunna að meta bækur sem örva ímyndunaraflið.