Síða 31 af 37
Árið er 2033. Ríkisstjórnin hyggst leggja fram umdeilt frumvarp um að leyfa ófrjósemisaðgerðir á börnum. Magnea er þingmaður í stjórnarandstöðu og staðráðin í að beita sér af alefli gegn málinu. Á sama tíma eru blikur á lofti í einkalífinu. Tómas, eiginmaður hennar, er spendýrafræðingur sem glímir við erfiða drauga fortíðar.
Saga heimsins, sögð af Seyðfjörð-fjölskyldunni
Komdu í tímaferðalag með Seyðfjörð-fjölskyldunni í þessu skemmtilega ævintýri. Þú þarft að hjálpa Stebba og fjölskyldunni hans að komast í næstu ormagöng. Villta vestrið, víkingar, faraóar, risaeðlur ... og svo ótalmargt fleira! Sagan eins og þú hefur aldrei upplifað hana áður!
Ljóðin í bókinni eru 38 talsins og fjalla um tímablikið, þögnina, sýndarverurnar og hin margvíslegu tilverustig. Bókin er hluti af þríleik sem samanstendur af ljóðlist, tónlist og myndlist sem hver um sig er sjálfstæð eining.
Tíminn líður – hann bíður ekki. Hann dansar framhjá þér í skini og skúrum. Svo að þú skalt ekki lifa eftir væntingum hans. Lifðu! Vertu til staðar og gefðu lífinu allt sem þú getur. Hlý og falleg dagbók eftir listakonuna Björgu Þórhallsdóttir. Ómissandi dagbók fjölda íslenskra kvenna undanfarin 14 ár.
Nýortar þulur Þórarins handa börnum, foreldrum þeirra og öðrum aðstandendum. Myndir eru eftir Lindu Ólafsdóttur. Í bókinni hefur skáldið komið sér fyrir í einu helsta kjörlendi íslenskrar tungu, þuluhefðinni, og þylur frá morgni til kvölds um liti og tóna, fugla og veður, tröll og drauga, berjamó og stjörnuhimin, svo fátt eitt sé talið.
Árið 1961 leyfir hin sextán ára hlédræga Ragna ungum og myndarlegum pilti, Oddi, að leiða sig út á dansgólfið. Ástin blómstrar og unga parið leggur hamingjusamt af stað út í tilveruna, fer að búa og byggja upp fjölskyldu. En lífið fylgir ekki alltaf fyrirframgefnum uppskriftum.
Bresk kona drukknar í sundlaug við sumarbústað á vesturströnd Danmerkur. Var þetta slys – eða morð? Ef hún var myrt hver gat gerandinn verið? Afbrýðisöm systir hennar? Ósáttar vinkonur? Ástkær eiginmaður? Eða pabbi hennar sem átti í miklum fjárhagskröggum og þurfti á þeim fjármunum að halda sem líftrygging dóttur hans myndi færa honum?
Hjartnæm metsölubók um víða veröld! Bo finnur að líf hans er að fjara út. Líkami hans er að gefa sig og kyrrlátt líf hans er aðeins rofið af daglegum heimsóknum heimaþjónustunnar. Hendur hans verða brátt of máttlitlar til að opna boxið dýrmæta með sjali eiginkonu hans, Frederiku, sem þjáist af alzheimer-sjúkdómnum, en sjalið ber enn ilm hennar.
Sumarið 1874 kom ungur blaðamaður að nafni Max Nordau til Íslands til að fylgjast með þúsund ára afmæli Íslandsbyggðar. Hápunktur ferðarinnar var þjóðhátíðin á Þingvöllum þegar Kristján IX Danakonungur afhenti Íslendingum stjórnarskrá. Hispurslaus og skemmtileg frásögn af íslensku þjóðfélagi á tímamótum.
Regína og Litlavin eru eins ólíkar í útliti og hægt er. Auk þess ólst Regína upp hjá hertoganum í Normandí en Litlavin hjá vinnuhjúum á Íslandi. Á fjórtán ára afmælisdegi þeirra birtist dularfullt fólk hjá þeim báðum. Fólk sem er með drekapeð í fórum sínum og ætlar að – haltu þér fast – veiða þær. En af hverju? Hverjar eru þessar stelpur?
Lýðræði og frelsi í Evrópusambandinu
Hvað gerist þegar vald færist frá kjörnum fulltrúum til tæknikrata, sérfræðinga og embættismanna? Tækniprestakallið rannsakar lýðræði, frelsi og vald innan Evrópusambandsins með stríðið í Úkraínu sem útgangspunkt og spyr grundvallarspurningar: Hver hefur vald til að skilgreina hvað telst lýðræði?
Rétt handan við hulu Íslands leynist heimur töfra, dreka, trölla og skóla sem kennir galdur og seið. Myrkrið nálgast Orkuból og þar standa þrjár stelpur á krossgötum. Geta þær yfirstigið eigin erfiðleika og bjargað skólanum – eða mun Fröken Grárún breyta Orkubóli í grafhýsi? Fyrsta bókin í nýrri íslenskri bókaröð sem kemur skemmtilega á óvart.
Í tímans rás hafa geimverutilgátur byggst á hugmyndum um heimsóknir gesta utan okkar sólkerfis en nú er umræðan að breytast. Trúarleg heimsmynd mannsins er skoruð á hólm. Hulan milli þess andlega og efnislega þynnist hratt og efnisveruleikinn eins og við höfum upplifað hann verður annarlegri í augum okkar. Höfum við einhvern tíma verið ein?
Þegar Rakel missir stjórnina á vel skipulögðu lífi sínu ákveður hún að fara í sjálfskipaða útlegð í Andalúsíu. Þar þarf hún að horfast í augu við sjálfa sig og drauga fortíðar sem hún hefur grafið djúpt. Rakel er áttavillt en smátt og smátt lærir hún að feta þröngar götur á framandi slóðum. Stærsta áskorun Rakelar er þó að kynnast sjálfri sér.
Það sem átti að vera hugguleg bústaðaferð breytist á síðustu stundu í útilegu í afskekktum dal. Eftir að myrkrið skellur á fara samskipti ferðafélaga að súrna. Brátt kemur í ljós að ekki er allt með felldu og óvíst er hver lifir nóttina af. Æsispennandi hrollvekja um nútímafólk andspænis óhaminni náttúru, þar sem margt býr í myrkrinu.
Undir Gullregninu er áminning um að engin ósk er of stór og að lífið snýst um að elta draumana.
Þrír ljóðabálkar kallast á. Í Hundadögum er unnið með náttúrulýsingar með hægum en einbeittum stíganda. Í titilbálkinum vaknar ljóðmælandi við hljóðið í ör sem hæfir villigölt og kemst í tengingu við allt sem hann hefur reynt að forðast. Síðasti bálkurinn er huggunarljóð, óður til mennskunnar og vilja fólks til að hjálpa hvert öðru og heila.
Uppeldi sem virkar – færni til framtíðar
Í bókinni er lýst hvernig börn læra frá unga aldri af samskiptum við foreldra sína og því fordæmi sem þeir gefa með eigin hegðun. Gefin eru gagnleg ráð, árangursríkum aðferðum er lýst og bent er á færni sem foreldrar þurfa að hafa eða tileinka sér til að ýta undir æskilega hegðun barna sinna.