Síða 30 af 37
Önnur skáldsaga höfundarins sem kom fyrst út árið 1990 og var tvímælalaust mikilvægt skref á ferli hans. Fljótlega var hún þýdd og gefin út á nokkrum tungumálum svo segja má að hún hafi rutt brautina fyrir ýmis verk sem hafa ratað víða um heim. Bókin hefur verið ófáanleg í meira en 30 ár, en kemur nú út sem hluti af heildarútgáfu á verkum Gyrðis.
Heildarútgáfa í sjö bindum
Sveinn Pálsson (1762–1840) var einn helsti brautryðjandi íslenskra náttúruvísinda, læknir og frumkvöðull í rannsóknum á jöklum, eldvirkni og gróðri á Íslandi. Í þessari heildarútgáfu eru ritsmíðar hans, ferðabækur, bréf og dagbækur að finna í sjö bindum í glæsilega hannaðri öskju. Þessi útgáfa er menningarsögulegur viðburður.
Í þessari bók eru tvær sögur, Sveitalæknirinn og Þorpspresturinn. Fyrri sagan er þrennt í senn, ástarsaga, stjórnmálasaga og sagnfræðileg upprifjun. Síðari sagan er skyld þeirri fyrri að því leyti að þar fara saman mannlegur harmleikur, pólitískar hugsjónir og samfélagslegar umbætur.
Skemmtileg harðspjaldabók með fallegum borðum til að þreifa á og yndislegum myndskreytingum. Fullkomin til að róa ungbörn fyrir svefninn.
Atvik í bakaríi vekur upp minningar hjá Kari Helene Bieler um hvað raunverulega gerðist þegar litli bróðir hennar lést sem ungbarn fyrir sextán árum. Leyndin sem umlokið hefur dauða barnsins hefur reynst einstakt skjól fyrir siðblindingja sem hefur lifað tvöföldu lífi í mörg ár.
Ljóðrýni
Skáldið, rithöfundurinn og bókmenntaprófessorinn Njörður P. Njarðvík rýnir í 39 ljóð eftir 38 af okkar fremstu skáldum. Njörður greinir uppbyggingu ljóðanna, merkingu þeirra og tilætluð áhrif í samspili orða, hljóms og menningar. Ljóðrýni þessi á uppruna sinn í kennslu Njarðar í íslenskum bókmenntum við Háskóla Íslands.
Mynstur. Þú finnur þau um allt, í öllu. Finnur þau innra með þér, hugarmynstrin, sem ráða því hvernig þú upplifir heiminn, hvernig þú bregst við honum. Þá fyrst þegar þú getur séð þau öll ertu frjáls. En til þess þarftu að taka þér ferð á hendur inn í skóginn, inn í þinn eigin myrkvið.
Bækur Mou Herngren fjalla á listilegan hátt um mannleg samskipti. Í þessari bók er sjónum beint að samskiptum þriggja systkina. Hvert þeirra sér æsku sína með ólíkum hætti. Og þau hafa haldið ýmsu leyndu fyrir hvert öðru. En getur fólk alltaf treyst minningum sínum? Og hvaða skyldur hafa systkini í raun og veru gagnvart hvert öðru?
Íris er dáin. Friðrika neitar að sleppa henni. Þegar Íris finnst látin fyrir neðan tröppur við afskekktan sumarbústað í Grímsnesi bendir allt til þess að um hörmulegt slys hafi verið að ræða. Málinu er lokað og fjölskyldan reynir að halda áfram.
Fyrst var það Brostu, sem kom út í fyrra. Nú er það Systur, óbeint framhald af fyrri bók. Raina Telgemeier segir hér frá kostulegu ferðalagi systra með mömmu sinni í sendiferðabíl. Er eitthvað betra en að rífast við systur sína? Flottur lestur fyrir unga lesendur. Litmyndir.
Mannlíf í skjóli Varnarliðsins á Miðnesheiði 1952–2006
Sögur af Vellinum er lifandi heimild um einstakt mannlíf sem blómstraði innan og utan girðingar bandaríska varnarliðsins á Keflavíkurflugvelli í meira en hálfa öld. Andstæður íslenska haftasamfélagsins og amerískra allsnægta urðu til þess að skapa ógleymanlegar sögur, skrautleg uppátæki og hinar sígildu „hjólbörusögur“.
Vinkonurnar Lovísa og Patricia fara í haustlitaferð til Kyoto, fyrrum höfuðborgar Japans. Þær eru með sögur og ást á heilanum. Lovísa lifir sig inn í frásagnir Patriciu og reynslusögurnar verða því á við lestur góðrar bókar. Stundum er sagt að sjón sé sögu ríkari, en er það alltaf þannig? Saga á einföldu máli.
Talnapúkinn býr í helli í miðju jarðar og veit ekkert skemmtilegra en að telja. Vandinn er að hann kann bara að telja upp að níu. En úr hellinum liggja göng til allra landa og Talnapúkinn ákveður að halda út í hinn stóra heim í von um að læra fleiri tölur og fræðast um grunnaðferðir í reikningi. Sívinsæl bók sem er nú loksins fáanleg á ný.
Halli og Tóti eru bestu vinir og gera allt saman. Þegar Tóti tilkynnir Halla að hann muni flytja til Svíþjóðar sumarið eftir 7. bekk hrynur veröldin. Vinirnir munu ekki einu sinni ná að horfa saman á framhaldið af uppáhaldsteiknimyndinni sinni, Bankaráninu, áður en Tóti fer! Ja, ekki nema Halli nái að fremja hið fullkomna rán ...
Í miðri heimsstyrjöldinni skolar á land vísindamanni sem hefur áhuga á náttúru og talar mörg tungumál. Zakarías er blóðafi Valgerðar, sem býr með 103 ára ömmu sinni, Valgerði eldri, en þær deila missi. Nöfnurnar horfa til fortíðar og rekja sögu sem fjallar um hver við erum, hvaðan við komum og um tímann, sem rennur aftur á bak að upptökum sínum.
Auður - völd - örlög
Í augum danska búðarsveinsins Thors Jensen var Ísland land tækifæranna. Eftir að hafa þreifað fyrir sér í verslun sannfærðist hann um að framtíðin lægi í íslenskri stórútgerð. Í félagi við syni sína stofnaði hann togarafélagið Kveldúlf og lagði þar með hornstein að einu mesta ættarveldi landsins – veldi Thorsaranna. Bókin er prýdd fjölda ljósmynda.
Tikknikk kemur langt að og gæti verið hættulegt! Í búðinni hans Damírs er falin kista full af sætum tuskudýrum. Þetta eru svo sætir bangsar að amma Henríetta ákveður að gefa Tínu, barnabarninu sínu, einn þeirra í afmælisgjöf. Hins vegar fylgja bangsanum nokkrar óvæntar uppákomur...
Tikknikk kemur langt að og gæti verið hættulegt! Þegar Tína fer með töfraorðin vaknar tikknikkið til lífs. En hún þarf að fara eftir þremur reglum ef ekki á illa að fara. Mun Tína muna eftir reglunum?