Síða 28 af 37
Það hvílir bölvun á þessari fjölskyldu. Eftir dóm um banvænan sjúkdóm og sonarmissi verður Halldóri hugsað til gamalla sagna um fjölskyldubölvun sem rakin var til örlaga Reynistaðarbræðra sem urðu úti á Kili árið 1780. Í örvæntingu sinni gefur Halldór sig á vald þessarar sögu, um leið og hann tekst á við sjálfan sig og sitt nánasta umhverfi.
Nú rannsaka þau Juncker og Signe morð á uppkomnum syni umdeilds loftslagsráðherra. Um leið fer fram rannsókn á sprengingu í elsta kolaorkuveri Danmerkur. Tengjast þessi mál ef til vill? Hér er fjórða bókin í vinsælli krimmaritröð, bæði æsispennandi og vel skrifuð.
Dögg er nýflutt í gamalt hús ásamt mömmu sinni, kærastanum hennar og dóttur hans – sem hún þekkir ekkert þótt þær séu báðar í Kvennó. Þegar stelpurnar verða sannfærðar um að reimt sé í íbúðinni neyðast þær þó til að snúa bökum saman og komast að því hvað draugurinn vill þeim. Brátt eru þær komnar á blóði drifna slóð látinna unglingsstúlkna.
Í þéttofnum vef liggja flestir þræðir til gamals fjölbýlishúss þar sem búa ósköp venjulegar manneskjur eins og gamla konan sem ekur um á mosagrænum Landrover með ónýtan rafgeymi, skáksnillingurinn sem telur sig vera annan en stendur í þjóðskrá og vanafasti bókasafnsfræðingurinn sem þrjóskast við að rækta kartöflur. En látum ekki blekkjast.
Gunnar hefur alltaf dreymt um að skrifa bók, án þess þó að gera nokkuð í því. En nú getur hann ekki setið á sér lengur. Hann skráir sig í ritsmiðju fyrir skúffuskáld og segir engum frá. Textarnir spretta fram, þar á meðal ástarsaga um elskendur sem fá ekki að eigast. Hávær samviskan nagar Gunnar. Hefur hann ekkert betra við tímann að gera?
Saga um að lifa af, rjúfa mynstur og finna leiðina til bata
Í þessari áhrifamiklu sjálfsævisögu rekur Hrund leið sína frá æsku, þar sem þögn, meðvirkni og áföll móta sjálfsmynd hennar, yfir í fullorðinsár þar sem hún ber sívaxandi innri byrði. Þegar áfengið verður leið til að deyfa það sem aldrei fékk að heita sínu rétta nafni neyðist hún loks til að horfast í augu við sjálfa sig og fortíðina.
Dularfullir eldsvoðar herja á Víkurbæ. Sem betur fer eru alls staðar slökkvitæki og annar öryggisbúnaður og allt fer vel. En af hverju hverfa verðmæti eftir að slökkviliðið kemur á staðinn? Spæjararnir Lalli og Maja einsetja sér að leysa ráðgátuna. Litmyndir á hverri opnu. Frábær bók fyrir þau sem vilja byrja að lesa sjálf.
1995-1997
Í þessu bindi eru smásagnasöfnin Kvöld í ljósturninum (1995) og Vatnsfólkið (1997) sem hlutu lofsamlegar viðtökur á sínum tíma og hafa verið ófáanlegar um áratuga skeið. Samtals 47 sögur sem sumar hverjar eru sígildar í íslenskri bókmenntasögu. Hluti af nýrri heildarútgáfu á verkum höfundarins.
Þessi skemmtilega bók mun halda ungabörnunum virkum, vekja forvitni þeirra, fræða þau og kæta! Bókin er með flipum til að lyfta, hjólum að snúa, borðum að toga í, speglum að horfa í og fleiri skemmtilegum og þroskandi viðfangsefnum.
Nadía er orðin tíu ára og fær nýjan síma. Þetta er besti dagur ævi hennar – þangað til hún uppgvötar andstyggilegar athugasemdir sem gerðar hafa verið við dansmyndbönd vinkonu sinnar. Hver gerir svona – og hvernig getur Nadía hjálpað vinkonu sinni?
Viðburðarík frásögn af kostulegu ferðalagi þessarar uppátækjasömu hljómsveitar haustið 1989, rétt áður en Sovétríkin liðuðust í sundur. Sagan leiftrar af lífsgleði og ævintýraþrá. Ríkulega myndskreytt.
Frænkurnar Sóley og Fífa eru bestu vinkonur en búa í sitthvorum landshlutanum. Það er því alltaf mikil ánægja sem fylgir því að hittast í sveitinni hjá ömmu og afa þar sem ævintýrin eru aldrei langt undan. Í bókinni efla stúlkurnar hugrekkið sitt og vináttu um leið og þær kynnast fuglum, blómum og öðrum spennandi fyrirbærum í náttúrunni.
Sólmyrkvar eru stórkostlegasta sýning náttúrunnar. En þeir eru ekki bara einstaklega fallegir heldur hafa þeir hjálpað okkur að afhjúpa leyndardóma sólar, staðfest eina merkilegustu vísindakenningu sögunnar og leitt í ljós að sólarhringurinn á Jörðinni er að lengjast. Mögnuð léttlestrarbók úr hinum vinsæla Vísindalæsisflokki.
Stjörnuslóðin
Sólon og Dimma Dúskur leita að uppáhaldsstjörnu Dimmu sem flaug óvænt til jarðar frá tunglinu. Vinirnir lenda í ýmsum ævintýrum og þurfa að nota ofurkraftana sína til að ferðast á milli ólíkra staða í leit að stjörnunni dýrmætu. – Skemmtileg saga með fallegum teikningum, hljóðum, forvitnilegum gátum og fjölbreyttum verkefnum fyrir ólíka aldurshópa.
Ritið kom út í tengslum við samnefnda haustsýningu Hafnarborgar árið 2026. Útgáfan er á íslensku og ensku og hefur að geyma texta eftir sýningarstjórana Katrínu Björgu Gunnarsdóttur og Úlf Braga Einarsson, auk kynningar á verkum og listamönnum sýningarinnar. Einnig er birtur í ritinu fjöldi ljósmynda eftir Vigfús Birgisson.
Töfrandi bók fyrir yngstu lesendurna sem umbreytir myndum með einföldum spegli. Á augabragði breytist fiskur í kött og bangsi í skjaldböku!
Hvað kallast afkvæmi bjarndýra?
Hvað kallast hljóðið sem rottur og mýs gefa frá sér? Í hvaða bæjarfélagi er Ungmennafélagið Afturelding? Geta kettir veikst af fuglaflensu? Þessar spurningar og margar fleiri fylla út í þessa bráðskemmtilegu bók sem ætti að vera til á hverju einasta heimili svo ekki sé nú minnst á skólana.
Í þessari bók eru valin verk úr safneign Listasafns Íslands sem fjalla með ólíkum hætti um þjóðsögur og sagnaheiminn sem tengist þeim.