Síða 32 af 37
1. hluti
Heimiliskötturinn Rósi þiggur boð um að verða hluti af gengi villikatta og læra að verða bardagaköttur. Hann fær nýtt nafn, lærir nýja siði og kynnist nýjum vinum. Hann eignast líka óvini og kemst að því að sumir kettir eru ekki hrifnir af því að heimilisköttur fái að verða bardagaköttur. Mun þessi hugrakki og hjartahreini köttur lenda á loppunum?
Kata könguló, Gummi geitungur, Flosi fiðrildi, Margeir maur og öll skordýrin vinir þeirra eru orðin þreytt á því hvað mennirnir eru grimmir og tillitslausir. Þeir kremja skordýrin og kasta í klósett, ryksuga og sprauta á þau eitri. Loks ákveða skordýrin að gera uppreisn og flytja til Surtseyjar. Hvað skyldi þá verða um mannfólkið?
Á veiðum með Gylfa Pálssyni
Hér er á ferðinni ómissandi bók fyrir allt veiðifólk. Gylfi Pálsson hefur skrifað ótal pistla um allar hliðar stangveiðinnar. Hér skrifar hann um silungsveiði, laxveiði, vatnaveiði, veiði í ám og veiði úr fjöru! Hann skoðar einnig umhverfi veiðimannsins, bæði náttúruna og umgjörðina. Sögurnar eru bæði fróðlegar, spennandi og stórskemmtilegar.
„Fyrsta minning mín skýr eftir öll þessi ár. Ég er farin að standa upprétt og er við endann á ógnarlöngum gangi sem liggur eftir endilöngum Austurbæjarskólanum. En nú ætla ég að leika mér að því að horfa yfir farinn veg, komin yfir á hinn endann.“ Hallveig Thorlacius segir ferðasögu ævi sinnar.
Bókin inniheldur á fjórða tug smásagna Þórarins sem Kristján Þórður Hrafnsson hefur valið úr fyrri sagnasöfnum hans, átta talsins. Meðal sagnanna eru ýmsar sem telja má klassískar, svo sem Síðasta rannsóknaræfingin, Tilbury, Orðanna hljóðan og Íþróttabyltingin.
Sextugur smiður tekur að sér húsbyggingu í átthögum föður síns á Bakka í Arnarfirði. Hann ákveður að nota tækifærið til að leysa gátuna um Lappa, hundinn sem beið á ströndinni og hvarf svo sporlaust. Gamall maður opnar sálu sína um bitur en sjálfsköpuð örlög sín og ástkonu sinnar, baráttu við feðraveldið og skugga fortíðar.
bjargvættir í hamförum
Hér er sögð saga björgunarsveitarmanna sem lögðu sig í lífshættu á meðan á leit og björgun stóð í snjóflóðunum í Súðavík og á Flateyri árið 1995. ,,Hin hliðin“ á hamförunum þar sem enginn varð samur á eftir. Enginn annar íslenskur bókaflokkur hefur notið viðlíkra vinsælda og skipað efstu sæti metsölulistans yfir þrjátíu ár í röð.
Skáldsagan Útlendingurinn eftir Albert Camus kom fyrst út í Frakklandi árið 1942 og er eitt þekktasta og víðlesnasta verk franskra bókmennta á 20. öld. Þar segir frá skrifstofumanninum Meursault í Algeirsborg og atburðum sem leiða til þess að hann er dæmdur til dauða. Verkið kemur hér út í endurskoðaðri þýðingu.
Skelfileg tíðindi reka elskendur af stað í eitt afdrifaríkasta ferðalag veraldarsögunnar. Öldum síðar bíður maður í Vesturbænum eftir pípara. Hann er ásóttur af hugsunum og finnur að eitthvað er í vændum. Samtímaverk byggt á ævi frægustu persónu sögunnar, uppgjör við guð, menn og það fegursta og versta í okkur sjálfum.
Skemmtilega myndskreyttar sögur miðaðar við yngstu lesendurna. Textinn er 400-500 orð og skilningsverkefni eru í lok sögunnar.
Hættur, svik og forboðin ást í ríki þar sem vanmáttugir eiga engan rétt. Paedyn berst fyrir lífi sínu og fellur fyrir prinsinum sem gæti orðið henni að bana. Allar þrjár bækur þríleiksins koma út í kiljuformi á þessu ári til að mæta kröfu yngri lesenda um örari útgáfu þýddra bókaflokka.
Hættur, svik og forboðin ást í ríki þar sem vanmáttugir eiga engan rétt. Paedyn berst fyrir lífi sínu og fellur fyrir prinsinum sem gæti orðið henni að bana. Allar þrjár bækur þríleiksins koma út í kiljuformi á þessu ári til að mæta kröfu yngri lesenda um örari útgáfu þýddra bókaflokka.
Hættur, svik og forboðin ást í ríki þar sem vanmáttugir eiga engan rétt. Paedyn berst fyrir lífi sínu og fellur fyrir prinsinum sem gæti orðið henni að bana. Allar þrjár bækur þríleiksins koma út í kiljuformi á þessu ári til að mæta kröfu yngri lesenda um örari útgáfu þýddra bókaflokka.
Þriðja bók
Metnaðarfull myndasaga um goð og menn á heiðnum tíma sem hefur bæði hlotið lof lesenda og tilnefningar til Íslensku bókmenntaverðlaunanna og Barnabókaverðlauna Reykjavíkurborgar. Þetta er lokakafli sögunnar. Vikar á óvænta endurfundi við ástina en Óðinn vill ekki leysa hann úr þjónustu sinni. Einnig fáanleg á ensku.
Morð og ráðgátur frá drottningu glæpasagnanna
Með vorinu hækkar sól á lofti, gróðurinn tekur við sér og lífsgleðin eykst í hjörtum mannanna. En illskan er þó aldrei langt undan. Rétt eins og á öðrum árstímum takast Hercule Poirot, ungfrú Marple, Tommy og Tuppence og margar aðrar ógleymanlegar sögupersónur Agöthu Christie á við ískyggilegt ráðabrugg og háskalega glæpi.
Varkár er verk um þrána eftir því að eignast barn og um tilveruna sem bíður ekki eftir neinum. Í stuttum, áhrifamiklum brotum fléttast saman minningar, hversdagsleg augnablik, ástin og missir í frásögn sem er í senn átakanleg og á köflum óþægilega fyndin. Hún sýnir okkur mennskuna sem birtist þegar lífið lætur ekki að stjórn.
Frá námsárum til forsetakjörs fór höfundur víða og vann með áhrifamönnum í ýmsum álfum. Hér segir af ungum manni sem heldur út í heim, berst á öldufaldi breytinga og myndar bandalög við leiðtoga þar sem barist er fyrir afvopnun, friði og farsæld fátækra ríkja. Samfelldur þráður liggur frá námsárum í Bretlandi til baráttunnar um Bessastaði.
Skálkasaga
Haustið 1479 kemur kona norður yfir Kjöl og teymir hest undir gömlum manni. Sveinn döggskór, hirðskáld Ólafar ríku, er kominn í Reynistaðarklaustur til að deyja. En ekki fyrr en hann hefur skrásett sannleikann um atburðina í Rifi, þegar Englendingar drápu Björn Þorleifsson, hirðstjóra konungs og eiginmann Ólafar. Vígið kveikti ófriðarbál.