Ofurspæjari
Þegar mesti og besti spæjari heims er myrtur um borð í farþegaskipi hver á þá að leysa morðgátuna? Jú auðvitað Dillý og hundurinn hennar.
Allar bækur
Síða 26 af 38
Og óvænt munu hænur hrossum verpa
Hér finnur lesandinn kvæði ort undir fjölbreyttum háttum, s.s. sonnettur, dróttkvæði, limrur, ferskeytlur og kvæði ort undir fjölda annarra afbrigða háttbundins kveðskapar. Hálfkæringur, bjartsýni, tregi, hæðni, lífsgleði, aulahúmor, svartsýni, ást, rómantík, efi, ádeila, upphafning og íhygli spretta hér á stuðlanna þrískiptu grein.
Og þaðan gengur sveinninn skáld
Samferðamenn, vinir og kollegar minnast Thors Vilhjálmssonar hundrað ára
Í tilefni þess að öld er liðin frá fæðingu Thors Vilhjálmssonar, eins frumlegasta höfundar okkar, minnast samferðamenn, vinir og kollegar hans og varpa ljósi á þennan flókna og margbrotna höfund. Hér birtast stuttar svipmyndir, fræðilegar úttektir, ljóð og teikningar auk brota úr verkum Thors. Innleggin eru um 40 og í bókinni er fjöldi mynda.
Orðabönd
Dregnar eru upp margræðar myndir úr lífi og hugarheimi, þar sem orð mynda brú á milli minninga, drauma og veruleika. Í bókinni fléttast smásögur, örsögur og ljóð saman í sex bálka: Afturblik, Himnaró, Svifbrot, Hugarstillu, Sálarsáldur og Ljósför. Fimm raddir mætast í einum samstilltum hljómi.
Orð og tunga 2024
Orð og tunga er ritrýnt tímarit sem Stofnun Árna Magnússonar í íslenskum fræðum gefur út árlega. Birtar eru fræðilegar greinar, á íslensku og ensku, sem lúta að máli og málfræði. Sérstök áhersla er lögð á greinar um orðfræði, orðabókafræði, nafnfræði, íðorðafræði og málræktarfræði. Tímaritið er í opnum aðgangi.
Ormhildarsaga Ormhildur & Jólaruddarnir
Jól á Breiðholtseyju, Reykjanefseldfjall gýs hvítri ösku yfir eyjabúa og allur jólamaturinn er horfinn! Þorpsbúa grunar að jólasveinarnir sjálfir séu komnir aftur á kreik að hnupla. Ormhildur og vinir hennar fara af stað til að bjarga jólunum. Sagan af Ormhildi og jólaruddunum er hluti af stærri sagnaheimi Ormhildarsögu.
Ævintýri Orra og Möggu 4 Orri og Magga: Vondu nágrannarnir
Ótrúleg ævintýri Orra og Möggu eru börnum landsins löngu orðin þekkt. Hér í þessari tvöföldu bók segja þau frá því þegar hræðilegir nágrannar fluttu í hverfið og þau þurftu að taka til sinna mála og koma þeim í burtu.
Orri óstöðvandi 1-3
Ótrúleg ævintýri Orra og Möggu eru börnum landsins löngu orðin þekkt og loksins eru fyrstu þrjár Orra óstöðvandi bækurnar komnar aftur.
Orri verður óstöðvandi
Nú er loksins komið að því sem þú ert búinn að bíða eftir. Ég ætla að spóla nokkur ár aftur í tímann og segja þér hvernig ég breyttist úr stresskallinum Orra í ofurhetjuna Orra óstöðvandi. Í raun og veru hefði þessi bók átt að vera fyrst í röðinni, en ég varð að bíða með hana. Hún er nefnilega svo rosalega svakaleg.
Óhugsandi líf
Ekkjan Grace Winters erfir óvænt hús á Ibiza eftir konu sem hún þekkti lauslega fyrir löngu síðan. Forvitnin verður skynseminni yfirsterkari og hún leggur land undir fót til að komast að því hver örlög kunningjakonu hennar urðu. Til að skilja sannleikann þarf hún að horfast í augu við fortíð sína og viðurkenna töfrana.
Óli Gränz
Óli Gränz er Eyjapeyi og grallari. Hann missti aleigu sína í Heymaeyjargosinu, eignaðist sjö börn á átta árum með fjórum konum, en ástarlíf hans var stundum umtalað í Eyjum. Hjá honum hefur gleðin alltaf haft yfirhöndina en stundum hefur þó gefið á bátinn. Hér segir hann á hispurslausan hátt og skemmtilegan frá lífshlaupi sínu sem er engu öðru líkt
Óli Jó
Fótboltasaga
Hér segir Ólafur Jóhannesson sögu sína á fádæma skemmtilegan og beinskeyttan hátt. Uppvöxturinn, fjölskyldan, leikmannaferillinn í fótbolta og handbolta, þjálfun í rúma fjóra áratugi, sigrar og töp, gleði og sorg. Óli hefur upplifað allt sem hægt er að upplifa í íslenskum fótbolta. Einstök frásögn sem varpar ljósi á þróun fótboltans í hálfa öld.
Ómur kyrrðar
Eftir höfund metsölubókanna Krafturinn í núinu og Ný jörð. „Það er kyrrðin innra sem mun bjarga og umbreyta heiminum,“ skrifar Eckhart Tolle, faðir nútvitundarinnar og einn áhrifamesti andlegi fræðari heims .
Ósmann
Sannkallaður yndislestur eftir höfund Kalmanns-bókanna. Sagan byggist á ævi Jóns Magnússonar Ósmann, ferjumanns í Skagafirði, sem flutti menn og skepnur yfir Héraðsvötn um fjögurra áratuga skeið. Jón var tröll að burðum og annálað skáld en öðru fremur mannvinur með meyrt hjarta, einstakur karakter sem örlögin fóru óblíðum höndum um.
Ótrúlega skynugar skepnur
Hnyttin og heillandi saga sem hefur farið sigurför um heiminn. Tova Sullivan, starfsmaður á sædýrasafni í Norður-Kaliforníu, kynnist geðvonda kolkrabbanum Marcellusi, sem er vinsælasti sýningargripur safnsins. Dularfullt hvarf Erics, sonar Tovu, hátt í þrjátíu árum fyrr hvílir þungt á henni en Marcellus reynist luma á upplýsingum um málið.
ÞRJÚ HUNDRUÐ SEXTÍU OG FIMM Pabbabrandarar
Vegleg harðspjaldaútgáfa með 365 pabbabröndurum. Höfundurinn Þorkell samdi einn pabbabrandara á dag árið 2021 og birti á Facebook. Pabbabrandarar eru í eðli sínu útúrsnúningar og slæmir brandarar sagðir á skemmtilegan hátt. Þessa bók þurfa allir pabbar (og afar) að eiga!
Paddington – Form
Það er gaman að fara út með Paddington að skoða form og lögun þess sem fyrir augu ber. Skemmtileg bók sem kynnir ólík form fyrir yngstu börnunum. Í sama flokki: Paddington – Litir.
Paddington – Litir
Það er gaman að fara í gönguferð með Paddington í leit að uppáhaldslitunum hans. Er það skærrauði liturinn á strætó, blái liturinn á blómunum eða sá græni á hurðinni? Skemmtileg bók sem opnar heim litanna fyrir yngstu börnunum. Í sama flokki Paddington – Form.