Síða 26 af 37
Sumarblóm, kryddjurtir, vorlaukar, haustlaukar
Garðyrkju- og grasafræðingurinn Vilmundur Hansen leiðir lesendur út í garð og sýnir hvernig blóm, kryddjurtir og laukar þrífast best. Hann fjallar um val á plöntum, gróðursetningu og umhirðu og útskýrir hvaða aðstæður henta best í íslenskri veðráttu. „Afar kærkomin leiðsögn fyrir allt garðyrkjuáhugafólk.“ / Hafsteinn Hafliðason garðyrkjufræðingur
Tímarit Sögufélags LIX: 1 og 2, 2026
Tímaritið Saga kemur út tvisvar á ári, vor og haust. Efni þess tengist sögu og menningu landsins í víðu samhengi. Ritrýndar greinar og viðhorf mynda stærstu efnisþætti tímaritsins. Hér birtast ritdómar og ritfregnir um nýjar bækur er varða sögu, einkum Íslandssögu og annað efni af sagnfræðilegum toga. Ómissandi öllu áhugafólki um sögu og sagnfræði.
Kirkja hefur staðið í Flatey á Breiðafirði frá örófi alda. Núverandi kirkja fagnar 100 ára afmæli á þessu ári. Hún var byggð árið 1926, stendur á fallegum útsýnisstað þar sem eyjan rís hæst og er áberandi kennileiti, bæði frá sjó og landi. Rit þetta fjallar um sögu kirkjunnar með áherslu á 19. og 20. öldina.
Sagan hefst hér– hjá Ben Foley. Hann er rekinn úr alþjóðlega menntaskólanum í Strassborg. Hann fer heim til sín með skottið á milli lappanna en þá eru foreldrar hans horfnir, blóð á eldhússkápnum og hans bíður miði með undarlegum skilaboðum frá móður hans sem lýkur á: Ekki hringja á lögregluna!
frásögn af lífi, áföllum og sorg
Rósella Mosty hefur lifað margt. Hún missti föður sinn ung að árum, flutti úr landi, byggði upp fjölskyldu, eignaðist börn og barnabörn og taldi sig hafa kynnst bæði gleði og sorg. En ekkert gat búið hana undir það þegar elsta dóttir hennar, Ester Eva, veiktist skyndilega alvarlega aðeins nokkrum mánuðum eftir fæðingu yngri sonar síns.
Sagan af uppvexti og þroska hinnar stoltu og sterku Sölku Völku á Óseyri við Axlarfjörð er í senn saga þorps og svipmikilla einstaklinga. Þegar nýir vindar blása um samfélagið fara átakatímar í hönd – en ávallt leika ást og dauði undir. Bókin kom upphaflega út í tveimur bindum 1931–1932 og hefur verið gefin út margoft síðan heima og erlendis.
Samfélag heilagra er rannsókn á mannlegu samfélagi þar sem umbreytandi tímamót í lífi og dauða fólks eru krufin. Bókin er samstarfsverkefni meistaranema í ritlist og hagnýtri ritstjórn og útgáfu við Háskóla Íslands.
Safn greina um siðferðilegt hlutverk samtala og rökræðu. Samræðuhugtakið er brotið til mergjar og rýnt í hugmyndir um efnið frá sjónarhól siðfræði, tilvistarstefnu og samfélagsheimspeki. Sýnt er fram á mikilvægi samtals og rökræðu á ólíkum sviðum mannlífsins, svo sem í menntun, stjórnmálum og heilbrigðisþjónustu.
Samverustund er bókasería fyrir yngsta aldurshópinn. Markmið bókanna er einfalt: Þegar börn eru umvafin kærleik og nánd og fá alla okkar athygli og tíma skapast mikilvægustu stundir barnæskunnar.
Samverustund er bókasería fyrir yngsta aldurshópinn. Markmið bókanna er einfalt. Þegar börn eru umvafin kærleik og nánd, fá alla okkar athygli og tíma, skapast mikilvægustu stundir barnæskunnar.
Syndsamlegt ævintýri fyrir fullorðin börn! Ný bók í seríunni skemmtilegu um litla, feita og fordómafulla letihauginn Evert Bäckström lögregluforingja sem með einhverjum óskiljanlegum hætti tekst jafnan að skjóta kollegum sínum ref fyrir rass. Bækur sænska verðlaunahöfundarins Leifs GW Persson hafa hvarvetna hlotið frábærar viðtökur.
„Vantar harðduglegan starfskraft í sauðburð í vor ...“ Ég skrifaði og spurðist fyrir. Sú sem svaraði var Elínóra. Hún gaf mér upp símann sinn og við ræddum saman símleiðis um launamál og aðstæður á bænum. Ég var ráðinn. Svo hélt ég af stað sem leið lá ... Mig gat ekki órað fyrir hvað ég hafði komið mér út í.
Ljóðin í þessari bók fjalla mest um ástina, dauðann og guð. Þau eru frá mörgum löndum og ýmsum tímum. Það sem sameinar höfunda þeirra er að þeir miðla hugsun um að jarðneskt líf okkar sé hluti af stærri heild.
Listin að leiða öruggt og uppbyggilegt ferli að sameiginlegri lausn ágreiningsmála
Markmið sáttamiðlunar er að vinna úr ágreiningi og deilum, bæta samskipti, sambönd og samvinnu ásamt því að auka traust og virðingu á milli aðila. Í bókinni eru undirstöðuatriði sáttamiðlunar dregin fram og kafað dýpra í einstaka þætti hennar til að veita lesandanum þekkingu, hæfni og getu til að vinna með deilur á uppbyggilegan hátt.
Þetta er fyrsta bókin í hinni áhrifamiklu Reimar-seríu. Lík af karlmanni með sérkennilega skotáverka finnst í fjöruborðinu í afskekktum firði norður á Ströndum. Líkskoðun leiðir í ljós að tennur hins látna höfðu áður verið meðhöndlaðar handan Járntjaldsins og lögregluna grunar að fórnarlambið sé rússneskur flugumaður, kominn ólöglega til landsins
Þessi bók er ekki bara bók. Hverri risaeðlu fylgir spjald með púslum sem hægt er að taka út. Undir spjaldinu finnur þú áhugaverðar staðreyndir um risaeðlurnar.
Ævi hans og kveðskapur
Bjarni Gissurarson (1621–1712) var prestur í Þingmúla á Skriðdal. Hann var náfrændi sr. Stefáns Ólafssonar í Vallanesi og gott skáld eins og hann, þótt kveðskapur Bjarna sé minna þekktur. Bjarni orti og þýddi bæði trúarleg kvæði og veraldleg.
Nokkur ævintýri úr lífi
Sigurður Hansen í Kringlumýri í Skagafirði er orðinn hálfgerð goðsögn í lifanda lífi. Á efri árum sviðsetti hann Haugsnesbardaga, mannskæðustu átök Íslandssögunnar, í túnfætinum heima með yfir þúsund grjóthnullungum – og opnaði síðan menningarsetur tengt Sturlungu í stórum skála sem áður hýsti minkarækt. En hver er Sigurður Hansen?