Síða 22 af 37
Bók þessi geymir úrval pistla og greina sem Hafþór Guðjónsson skrifaði á starfsferli sínum, fyrst sem efnafræðikennari við Menntaskólann við Sund en síðar sem kennari á Menntavísindasviði Háskóla Íslands. Bókin skiptist í sex hluta: Nám og hugsun, Læsi og merkingarsköpun, Samræðan, Starfendarannsóknir, Kennaramenntun og John Dewey.
Fortíð, nútíð og framtíð
Áleitnar hörmungarfréttir frá Mið-Austurlöndum berast okkur nær daglega og margt sem þar er sagt á rætur í afskiptum Vesturlanda. Yfirlitsrit þar sem fjallað er um helstu atburði í heimshlutanum af fordómaleysi og þekkingu er nauðsyn til skilnings á samtíma okkar. Hér er komin ný og uppfærð útgáfa þessa yfirgripsmikla og aðgengilega rits.
Í Bókmenntaborg
Rannveig og Karlotta fá kort á bókasafninu sem leiðir þær í gönguferð um miðbæinn. Á vegi þeirra verða bókhneigðir kettir en rottur hafa ráð undir rifi hverju og láta ekkert stoppa sig og þær læra ýmislegt um bækur og íslenska sagnaheiminn. Bókin kemur út á íslensku, ensku og pólsku.
Ljúflestrarbók ársins í Svíþjóð 2025. Eftir átta mánuði verður Majlis loksins dáin. Loksins er kannski óviðeigandi orðaval. Því í rauninni vill Majlis alls ekki deyja. Allra síst núna þegar Ronja dóttir hennar á von á barni og hún að verða amma. Nei, það var alls ekki svona sem hún hafði séð fyrir sér ævilokin. En þannig verður það að vera.
Veftímaritið Milli mála er gefið út af Stofnun Vigdísar Finnbogadóttur í erlendum tungumálum við Háskóla Íslands. Þar birtast greinar um bókmenntir, málvísindi, kennslufræði, þýðingar o.fl. Sérhefti ársins er helgað leikritaþýðingum og þar er að finna erindi sem haldin voru á málþingi um leikritaþýðingar í Eddu 1. desember 2025.
Sögumaður ferðast um sveitir Rússlands og hittir landeigendur, ráðsmenn, bændur og bóndakonur auk annarra minnisstæðra persóna. Hann lýsir þessu fólki með raunsönnum og eftirminnilegum hætti en sagan er þó ekki síður óður til rússneskrar náttúru. Þýðing Áslaugar á þessu meistaraverki, sem fékk Íslensku þýðingaverðlaunin 2026, kemur nú út í kilju.
Í lífi hvers manns leynast augnablik. Satíra sem flestir geta haft gaman af. Sigríður Dúa hefur áður skrifað metsölu- og verðlaunabókina Morðin í Dillonshúsi.
Í skáldsögunni Míkadó segir Gerður Kristný sögu frá Reykjavík níunda áratugarins. Með ísmeygilegri kímni og hnífskörpu innsæi er dregin upp lýsing á heimi sem stundum virðist kæfandi en stundum barmafullur af möguleikum.
Þetta er ekki góður dagur hjá Mírabellu. Besta vinkona hennar, Karlotta, hjálpar henni yfirleitt að halda í húmorinn en hún er ekki í skólanum og Mírabella finnur að hún er að komast í vont skap.
Í bókinni birtast tuttugu og níu heimspekileg olíumálverk. Hverju verki fylgir nokkur texti á önverðri síðu. Verkin eru öll úr vestrænni heimspekisögu og skiptast í þrjá bálka. Mikið af heimspekilegum efniviði verkanna er sóttur til hinna fornu Grikkja, en einnig eru myndir úr heimspeki nýaldar.
Gröfumaður kemur óvænt niður á mannabein og skyndilega verður 35 ára gamalt mannshvarf á allra vörum í litlum bæ þar sem allir þekkja alla. Rannsóknarlögreglukona stendur frammi fyrir því flókna verkefni að leysa þessa gátu en sjálf er hún langt gengin með sitt fyrsta barn. Og einhver fylgist grannt með listgreinakennara sem býr yfir leyndarmáli.
Morðráðgáta með sjálfri fröken Marple, þekktustu söguhetju Agöthu Christie, eftir vinsæla breska spennusagnahöfundinn Lucy Foley. Að útgáfu þessarar bókar stendur útgáfufélag Agöthu Christie í Bretlandi. Þetta er ný bók sem aðdáendur Agöthu Christie hafa beðið eftir.
Ung lögreglukona er send á Kópasker þegar kvikmyndalið frá Hollywood sem þar er að störfum kvartar undan heimafólki. Í sömu andrá og norðlensk stórhríð skellur á finnst aðalleikkonan myrt. Þrítugasta bók sagnameistarans Arnaldar, hröð og hörkuspennandi glæpasaga þar sem amerískur kvikmyndaheimur mætir íslenskum veruleika í kolsvörtu vetrarmyrkri.
Morðingi, vona ég gerist í nútíma Helsinki. Ung móðir er myrt í neðanjarðarlest um hábjartan dag á leið heim til fjölskyldu sinnar. Morðið er tilefnislaust og eftir situr faðir móðurlauss sonar agndofa af sorg og heift. Fimm árum síðar eru morðingjarnir lausir úr fangelsi og faðirinn hefur samband við gamlan vin sinn til að skipuleggja ...
Niðursetningurinn Einar Gíslason deyr voveiflega í fjárhúsunum í Skálmardal í Múlasveit. Slys, segir bóndinn Jón rúgkútur. En sár á höfði og járnnaglar sem reknir eru upp í iljar þess látna segja aðra sögu. Hér er rakin hrollvekjandi spennusaga byggð á heimildum úr skjölum og rannsókn á vettvangi. Mögnuð frásögn af dularfullu sakamáli á 19. öld.
Saga Mosa, samtaka áhugafólks um umhverfismál, útivist og mannlíf í Mosfellsbæ, og hvernig þessum grasrótarsamtökum tókst að hafa veruleg áhrif á nýtingu landgæða í sveitarfélaginu með því að beita sér gegn óhóflegri malartekju. Útgáfan er tileinkuð Andrési Arnalds.
Fjórða bókin í verðlaunaritröð höfundar um Oddnýju langömmu sína í Biskupstungum á ofanverðri 19. öld. Þegar líður á sólskinssumarið 1878 hleypur galskapur í vinnukonurnar í Bræðratungu og þær setja allt á annan endann. Næm eyru heyra vinda frelsis blása sunnan úr Evrópu og þá er freistandi að fylgja hjarta sínu þótt það geti reynst dýrkeypt.
Móðurkviður er áhrifamikil ljóðabók um þrá eftir barni, ófrjósemi, meðgöngu, fæðingu og móðurást. Með húmor, berskjöldun og hlýju lýsir Júlía því hvernig draumur verður að von, von að þrá og þrá að sársauka þar til lífið sjálft tekur við. Einlæg, átakanleg og falleg bók.