Síða 22 af 25
Í tímans rás hefur geimverutilgátan í sínum ótal myndum byggst á hugmyndum um heimsóknir gesta utan okkar sólkerfis en nú er umræðan að breytast. Gunnar Dan fjallar hér með frumlegum og grípandi hætti um fjölvíddarverur, fljúgandi furðuhluti og fyrirbæri, tengsl efnis við skammtaheiminn og upplausn hugmyndafræðilegra ramma.
Þegar Rakel missir stjórnina á vel skipulögðu lífi sínu ákveður hún að fara í sjálfskipaða útlegð í Andalúsíu. Þar þarf hún að horfast í augu við sjálfa sig og drauga fortíðar sem hún hefur grafið djúpt. Rakel er áttavillt en smátt og smátt lærir hún að feta þröngar götur á framandi slóðum. Stærsta áskorun Rakelar er þó að kynnast sjálfri sér.
Það sem átti að vera hugguleg bústaðaferð breytist á síðustu stundu í útilegu í afskekktum dal. Eftir að myrkrið skellur á fara samskipti ferðafélaga að súrna. Brátt kemur í ljós að ekki er allt með felldu og óvíst er hver lifir nóttina af. Æsispennandi hrollvekja um nútímafólk andspænis óhaminni náttúru, þar sem margt býr í myrkrinu.
Undir Gullregninu er áminning um að engin ósk er of stór og að lífið snýst um að elta draumana.
Þrír ljóðabálkar kallast á. Í Hundadagar er unnið með náttúrulýsingar með hægum en einbeittum stíganda. Í titilbálkinum vaknar ljóðmælandi við hljóðið í ör sem hæfir villigölt og kemst í tengingu við allt sem hann hefur reynt að forðast. Síðasti bálkurinn er huggunarljóð, óður til mennskunnar og vilja fólks til að hjálpa hvert öðru og heila.
Uppeldi sem virkar – færni til framtíðar
Í bókinni er lýst hvernig börn læra frá unga aldri af samskiptum við foreldra sína og því fordæmi sem þeir gefa með eigin hegðun. Gefin eru gagnleg ráð, árangursríkum aðferðum er lýst og bent er á færni sem foreldrar þurfa að hafa eða tileinka sér til að ýta undir æskilega hegðun barna sinna.
1. hluti
Heimiliskötturinn Rósi þiggur boð um að verða hluti af gengi villikatta og læra að verða bardagaköttur. Hann fær nýtt nafn, lærir nýja siði og kynnist nýjum vinum. Hann eignast líka óvini og kemst að því að sumir kettir eru ekki hrifnir af því að heimilisköttur fái að verða bardagaköttur. Mun þessi hugrakki og hjartahreini köttur lenda á loppunum?
Kata könguló, Gummi geitungur, Flosi fiðrildi, Margeir maur og öll skordýrin vinir þeirra eru orðin þreytt á því hvað mennirnir eru grimmir og tillitslausir. Þeir kremja skordýrin og kasta í klósett, ryksuga og sprauta á þau eitri. Loks ákveða skordýrin að gera uppreisn og flytja til Surtseyjar. Hvað skyldi þá verða um mannfólkið?
Á veiðum með Gylfa Pálssyni
Hér er á ferðinni ómissandi bók fyrir allt veiðifólk. Gylfi Pálsson skrifaði ótal pistla um allar hliðar stangveiðinnar. Hann skrifar hér um silungsveiði, laxveiði, vatnaveiði, veiði í ám og veiði úr fjöru! Hann skoðar einnig umhverfi veiðimannsins, bæði náttúruna og umgjörðina. Sögurnar eru bæði fróðlegar, spennandi og stórskemmtilegar.
„Fyrsta minning mín skýr eftir öll þessi ár. Ég er farin að standa upprétt og er við endann á ógnarlöngum gangi sem liggur eftir endilöngum Austurbæjarskólanum. En nú ætla ég að leika mér að því að horfa yfir farinn veg, komin yfir á hinn endann.“ Hallveig Thorlacius segir ferðasögu ævi sinnar.
Sextugur smiður tekur að sér húsbyggingu í átthögum föður síns á Bakka í Arnarfirði. Hann ákveður að nota tækifærið til að leysa gátuna um Lappa, hundinn sem beið á ströndinni og hvarf svo sportlaust. Gamall maður opnar sálu sína um bitur en sjálfsköpuð örlög sín og ástkonu sinnar, baráttu við feðraveldið og skugga fortíðar.
Mamma dó í dag. Eða kannski var það í gær, ég veit það ekki. Ég fékk skeyti frá elliheimilinu: ,,Móðir látin. Jarðarför á morgun. Virðingarfyllst". Það segir mér ekki neitt. Kannski var það í gær.
Skemmtileg myndskreytt saga miðuð við yngstu lesendurna. Textinn er 400-500 orð og skilningsverkefni eru í lok sögunnar.
Þegar konungurinn boðar til keppni til að sýna mátt elítanna – sem geta drepið með einni snertingu – verður Paedyn að finna leið til að komast lifandi út úr þessari lífshættulegu keppni, dulbúin sem elíta. Láttu heillast af fyrstu bókinni í þessum magnaða og rómantíska fantasíu-þríleik sem hefur farið sigurför um allan heiminn.
Þriðja bók
Metnaðarfull myndasaga um goð og menn á heiðnum tíma sem hefur ekki aðeins hlotið lof lesenda heldur einnig tilnefningar til Íslensku bókmenntaverðlaunanna og Bókmenntaverðlauna Reykjavíkurborgar. Þetta er lokakafli sögunnar. Vikar á óvænta endurfundi við ástina en Óðinn vill ekki leysa hann úr þjónustu sinni. Enda er heimurinn á heljarþröm.
Með vorinu hækkar sól á lofti, gróðurinn tekur við sér og lífsgleðin eykst í hjörtum mannanna. En illskan er þó aldrei langt undan. Morð og ráðgátur frá drottningu glæpasagnanna.
Varkár er verk um þrána eftir því að eignast barn og um tilveruna sem bíður ekki eftir neinum. Í stuttum, áhrifamiklum brotum fléttast saman minningar, hversdagsleg augnablik, ástin og missir í frásögn sem er í senn átakanleg og á köflum óþægilega fyndin, en sýnir okkur mennskuna sem birtist þegar lífið lætur ekki að stjórn.
Frá námsárum til forsetakjörs fór höfundur víða og vann með áhrifamönnu í ýmsum álfum. Hér segir af ungum manni sem heldur út í heim, berst á öldufaldi breytinga og myndar bandalög við leiðtoga þar sem barist er fyrir afvopnun, friði og farsæld fátækra ríkja. Samfelldur þráður liggur frá námsárum í Bretlandi til baráttunnar um Bessastaði.