Ástin finnst á jólamarkaðinum
Bækur Jo Thomas hafa notið fádæma vinsælda bæði hér á landi og erlendis og er þetta þriðja jólabókin sem kemur út á Íslandi. Bókum hennar hefur verið lýst sem „einu stóru faðmlagi“.
Allar bækur
Síða 3 af 37
Ástríða
Í þessari áhrifamiklu skáldsögu lýsir Nóbelsverðlaunahöfundurinn Annie Ernaux tilfinningaþrungnu ástarsambandi konu við giftan mann. Ástríða söguhetjunnar gagntekur líf hennar. Þrár hennar og langanir verða nánast óviðráðanlegar og öll tilvera hennar fer að snúast um strjála samfundi við manninn.
Babb
Helga vill miklu frekar fara í hvalaskoðun með afa en að mæta í skólann. Þegar fjarvistirnar safnast upp er hún send á námskeið fyrir börn í vanda. Hún þarf auðvitað ekkert á því að halda en úr því að hún neyðist til að mæta getur hún að minnsta kosti reynt að kynnast sæta fótboltastráknum og hrint feimna sveitastráknum út fyrir þægindarammann.
Bananasafnið
Bananar eru mest seldu ávextir á Íslandi, en Pálmi veit álíka mikið um banana og flest okkar – sama sem ekki neitt. Hann er nýfluttur í blokk þar sem hann þekkir engan og honum leiðist óskaplega. Þegar foreldrar hans gefa honum framandi túkanfugl hressist Pálmi við, allt þar til fuglinn sleppur út í hrímkalt skammdegið.
Bangsi og Lúna
Bangsi og Lúna er saga án orða. Börn og fullorðnir geta því lesið í myndirnar og spunnið sína sögu - hvort fyrir annað, eða saman. Sagan gæti fjallað um breytingar, þolinmæði og vináttu, eða eitthvað allt annað. Bangsi og Lúna er sjálfstætt framhald af bókinni Bangsi fer út að leika.
Bardagakettir Upphaf spádómsins
1. hluti
Heimiliskötturinn Rósi þiggur boð um að verða hluti af gengi villikatta og læra að verða bardagaköttur. Hann fær nýtt nafn, lærir nýja siði og kynnist nýjum vinum. Hann eignast líka óvini og kemst að því að sumir kettir eru ekki hrifnir af því að heimilisköttur fái að verða bardagaköttur. Mun þessi hugrakki og hjartahreini köttur lenda á loppunum?
Barnabók
Sigmundur Ernir er alinn upp á Syðri-Brekkunni á Akureyri á sjöunda áratug síðustu aldar. Á þeim tíma héldust fábreytni og nægjusemi í hendur og má segja að nýtni og sparsemi hafi verið höfuðdyggðir á heimilum alþýðufólks í bænum. Hér safnar skáldið góðkunna saman munnmælasögum sem eru í senn forkostulegar og gamansamar heimildir um horfinn tíma.
Barnabók byggð á ACT Skýin í maganum
Stundum skín sólin, stundum er skýjað og stundum geisar stormur innra með okkur. Með fallegri myndrænni framsetningu hjálpa höfundar börnum að skilja að allar tilfinningar eiga rétt á sér. Rétt eins og við getum ekki stjórnað veðrinu getum við ekki stjórnað því hvernig okkur líður – en við getum lært að velja hvernig við bregðumst við.
Barnapíuklúbburinn - Hugmynd Kristínar
Barnapíuklúbburinn. er nú loksins kominn út á íslensku en bækurnar um klúbbinn hafa selst í meira en 190 milljónum eintaka á heimsvísu.
Barnið í skóginum
Önnur bókin í Haparanda-glæpasagnaflokki sænska verðlaunahöfundarins Hans Rosenfeldt sem sló í gegn sem handritshöfundur sjónvarpsþáttanna Broen. Hanna Wester snýr aftur til starfa hjá lögreglunni í Haparanda eftir sorgarleyfi og fær strax í fangið erfitt mál. Lík nýfædds barns hefur fundist úti í skógi og móðirin er horfin.
Bekkurinn minn 10 Hvar er Lóla?
Hvar er Lóla? fjallar um Davíð dýravin og Lólu, músina hans. Einn daginn laumar Lóla sér með í skólann og leikur þar lausum hala. Davíð og vinir hans verða að finna Lólu áður en bjallan hringir. Tíunda bókin í hinum geysivinsæla bókaflokki Bekkurinn minn.
Bestu jól í heimi
Jólin í ár fara algjörlega úr böndunum! Versti stormur í manna minnum skellur á Nýja-Englandi en Mabel Miller lætur það ekki á sig fá. Hún býr sig undir að eyða enn einum jólunum með köttunum sínum þremur og forðast allt sem tengist hátíðarhöldunum. Engar skreytingar. Ekkert jólatré. Það er að segja þangað til veðrið grípur í taumana ...
Bestu vinir
Barnabókaverðlaun Guðrúnar Helgadóttur 2026! Skólinn er byrjaður aftur, sem er ekki gaman þegar maður á enga vini. Ari ætlar að lifa veturinn af með því að fela sig - en undarlegir hlutir eru að gerast. Hrikalega pirrandi stelpa er flutt í næsta hús við afa og einhver er staðráðinn í að leggja skólann í rúst ...
Biluð ást
Í senn átakanleg fjölskyldusaga og mögnuð lýsing á óslökkvandi hefndarþorsta, vináttu og tryggð sem aldrei bregst. Jóhann Máni lifði eitt sinn háskalegu lífi, en hann er kominn á efri ár og býr ásamt hundi sínum í austurbæ Reykjavíkur. Viðburðasnauð tilvera hans breytist þó skyndilega þegar ókunnugir menn ráðast að kvöldlagi inn á heimili hans.
Binna B Bjarna Besti hundur í heimi
Binnu finnst gaman að leika sér við hundinn Ottó. Allir dá hundinn en það er erfitt að finna einhvern til að taka hann að sér. Tekst Binnu að finna honum varanlegt heimili?
Binna B Bjarna Vetrarfjör
Binna er að fara upp til fjalla að leika sér í snjónum. Hún vildi óska þess að litli bróðir hennar væri með. Tekst henni að koma heim með snjóbolta handa honum?
Binna spæjari Dulmálsgátur
Leynifélaginu berst óvænt bréf á dulmáli! Hvað stendur eiginlega í því? Hver skrifaði það? Tekst félögunum í leynifélaginu að leysa ráðgátuna?
Birkilundur
Jónína er nýr íbúi í blokk eldri borgara þar sem hún kynnist litríku fólki á sama reki og endurnýjar jafnframt kynnin við gamlan kærasta frá æskuárunum. Eina andvökunótt verður henni litið út um gluggann og sér þá inn um glugga í næstu blokk að maður er að fremja alvarlegan glæp. Var kona myrt fyrir framan augun á Jónínu eða missýndist henni?