Síða 3 af 25
Bangsi og Lúna er saga án orða. Börn og fullorðnir geta því lesið í myndirnar og spunnið sína sögu - hvort fyrir annað, eða saman. Sagan gæti fjallað um breytingar, þolinmæði og vináttu, eða eitthvað allt annað. Bangsi og Lúna er sjálfstætt framhald af bókinni Bangsi fer út að leika.
Vinkonurnar Kristín, Anna María, Klara og Heiða stofnuðu Barnapíuklúbbinn. En allt getur gerst þegar börn eru annars vegar. Hvort sem það eru úrillir smákrakkar, strangir foreldrar, stórir hundar, skuggalegir nágrannar, óþægileg leyndarmál eða að mæta í hús hjá ókunnugum þá tækla vinkonurnar það með stæl. Barnapíuklúbburinn loksins á íslensku!
Sigmundur Ernir er alinn upp á Syðri-Brekkunni á Akureyri á sjöunda áratug síðustu aldar. Á þeim tíma héldust fábreytni og nægjusemi í hendur og má segja að nýtni og sparsemi hafi verið höfuðdyggðir á heimilum alþýðufólks í bænum. Hér safnar skáldið góðkunna saman munnmælasögum sem eru í senn forkostulegar og gamansamar heimildir um horfinn tíma.
Önnur bókin í Haparanda-glæpasagnaflokki sænska verðlaunahöfundarins Hans Rosenfeldt sem sló í gegn sem handritshöfundur sjónvarpsþáttanna Broen. Hanna Wester snýr aftur til starfa hjá lögreglunni í Haparanda eftir sorgarleyfi og fær strax í fangið erfitt mál. Lík nýfædds barns hefur fundist úti í skógi og móðirin er horfin.
Þessi bók fjallar um Davíð og Lólu, músina hans. Einn daginn laumar Lóla sér með í skólann og leikur þar lausum hala. Davíð og vinir hans verða að finna Lólu áður en bjallan hringir. Einfaldari útgáfa af hinum vinsæla bókaflokki Bekkurinn minn.
Þessi bók fjallar um Óðin. Hann er dapur þessa dagana því það snjóar aldrei og mömmur hans vilja losa sig við kisuna þeirra. Það má ekki gerast! Sem betur fer eru Óðinn og Halldóra með fullkomna lausn á málinu. Einfaldari útgáfa af hinum vinsæla bókaflokki Bekkurinn minn.
Þessi bók fjallar um Hallgrím. Þegar þeir Amir spila fótbolta við eldri krakka heyra þeir sögu sem ásækir þá. Át ísbjörn í alvörunni handlegginn af Úlfi? Eða var það hákarl ... ? Einfaldari útgáfa af hinum vinsæla bókaflokki Bekkurinn minn.
Þessi bók fjallar um Wiktoriu og besta leiksvæðið í bænum. Það á að skemma móann og hólinn og byggja blokk í staðinn. Wiktoria og vinir hennar taka höndum saman og mótmæla. Einfaldari útgáfa af hinum vinsæla bókaflokki Bekkurinn minn.
Skólinn er byrjaður aftur, sem er ekki gaman þegar maður á enga vini. Ari ætlar að lifa veturinn af með því að fela sig - en undarlegir hlutir eru að gerast. Hrikalega pirrandi stelpa er flutt í næsta hús við afa, einhver er staðráðinn í að leggja skólann í rúst og Margrét kennari er allt í einu orðin rosa skrítin.
Biluð ást er í senn átakanleg fjölskyldusaga og mögnuð lýsing á óslökkvandi hefndarþorsta, vináttu og tryggð sem aldrei bregst.
Jónína er nýr íbúi í blokk eldri borgara þar sem hún kynnist litríku fólki á sama reki og endurnýjar jafnframt kynnin við gamlan kærasta frá æskuárunum. Eina andvökunótt verður henni litið út um gluggann og sér þá inn um glugga í næstu blokk að maður er að fremja alvarlegan glæp. Var kona myrt fyrir framan augun á Jónínu eða missýndist henni?
ítölsk samtímaljóð
Í þessari bók er að finna ljóð eftir tíu ítölsk skáld sem samsvara þessari lýsingu. Þau valdi skáldkonan Elisa Biagini, sem sjálf er í þeirra hópi, og þýðingar gerði Sigurbjörg Þrastardóttir. Speglað verklag er að finna í ítölsku kveri um íslenska samtímaljóðlist sem í undirbúningi er á Ítalíu.
Glænýtt Bluey jóladagatal
Blæja og Bára skrifa hérna sjálfar um mömmu sína og hvers vegna hún er MEIRIHÁTTAR!
Allir elska hann Badda, pabba Blæju og Báru, og sérstaklega þær sjálfar. Í þessari bók skrifa þær um það hvers vegna hann er svona FRÁBÆR!
Bókasafn gagnslausra hugsana er hlý og hugljúf saga fyrir unga sem aldna um forvitni, von, sorg, sjálfsmynd og kraft góðra samtala. Bók sem minnir okkur á að hugsanir eru ekki alltaf sannleikur – og að lífið verður oft léttara þegar við veljum hverjum þeirra við trúum.
Ljóðsagan Brotnar línur er hrá og hrífandi rannsókn á aftengingu. Hér segir frá ungri konu sem heldur úr borginni út á land til að vinna í sláturhúsi. Þar kynnist hún köldum veruleika blóðugrar matvælaframleiðslu en líka fólkinu í þorpinu og upplifir fegurð og forvitni, nánd og hlýju.
Þetta virtist ætla að verða fullkominn brúðkaupsdagur – þangað til bílstjórinn var beðinn um að aka með brúðurina einn hring í viðbót ... Ást, vinátta og leyndarmál afhjúpuð í steikjandi sól við skínandi blátt hafið í Cornwall eftir einn vinsælasta ljúflestrarhöfund heims.