Síða 14 af 37
Hún er hér er önnur bókin um miðilinn Rósu. Hún er fengin til að hjálpa ungum dreng sem verður fyrir óhugnanlegri ásókn sem engin augljós skýring virðist vera á. Í leit sinni að svörum opnar Rósa á myrk leyndarmál fortíðarinnar þar sem dökk fjölskyldusaga tekur smám saman á sig óþægilega mynd.
Forvitnileg bók sem opnar börnum jafnt sem fullorðnum heim íslenskrar byggingarsögu frá landnámi til dagsins í dag. Hér kynnumst við 40 ólíkum húsum sem eru eða voru heimili fólks. Öll hafa þau sögu að segja af tísku og tíðaranda, því íslensk húsasaga er samfélagsspegill sem hjálpar okkur að fá betri skilning á umhverfi okkar.
og varnir gegn henni
Húsamygla er viðvarandi vandamál í húsum á Íslandi, nýjum sem gömlum. Í þessari bók er fjallað um þennan vanda og bent á leiðir til úrlausnar og um aðferðir sem geta komið í veg fyrir myglumyndun í nýbyggingum.
Þriðja bókin um beinasérfræðinginn Ruth Galloway sem aðstoðar lögregluna við að leysa gömul mál. Sex beinagrindur finnast á ströndinni við gamalt setur í Norfolk. Þær hafa greinilega legið þar lengi og málið virðist teygja anga sína aftur til stríðsáranna. Ómótstæðileg blanda af ráðgátum og spennu, fornleifafræði, húmor og heillandi persónum.
Á Skólavörðuholti er verið að byggja heila hæð ofan á lítið timburhús. Eigandinn er vakinn og sofinn yfir framkvæmdunum en fer einnig að grúska í sögu hússins og óhugnanlegum atburðum sem þar áttu sér stað. Margræð skáldævisaga um tímann, mannleg tengsl og þörfina fyrir öruggt skjól, hvort sem það er á heimilinu, í borginni eða meðal samferðafólks.
Dularfulla kúkafýlu leggur skyndilega yfir heimilið – og nú þarf að finna sökudólginn! Bráðskemmtileg og stórkostlega teiknuð bók fyrir yngstu lesendurnar eftir tvíeykið Stefán Mána og Halldór Baldursson.
Í þessari skemmtilegu bók er lögð áhersla á algengar sagnir og endurtekningar sem hentar vel fyrir allra yngstu börnin eða börn sem eru sein til máls. Á hverri opnu er mynd af tákni með tali sem tengist umfjöllun opnunnar. Þetta er önnur bókin um þau Díu og Dúa þar sem áhersla er lögð á málörvandi efni.
Aðfaranótt aðfangadags vaknar Agnes við að jólaálfur millilendir á húsþakinu hennar. Hann var sendur frá Alþjóðlegu hátíðarstofnuninni til að gefa íslensku jólasveinunum þrettán jólagjöf og þakka þeim fyrir vel unnin störf. Það er bara eitt vandamál, hann finnur jólasveinana hvergi!
Hvalveiðibátar Miðhvals hf. halda til veiða. Whalepeace, skip hvalfriðurnarsinna, er komið til hafnar í Reykjavík. Hvalavinir mótmæla á Austurvelli og við ónýtu hvalveiðibátana við Ægisgarð. Forsprakki hvalavinanna, Tom Waitrose, hverfur sporlaust. Launfyndin saga og grípandi samfélagsádeila.
Ljóðabók skrifuð af næmni og skarpsýni og fjallar um fegurðina í hinu óræða; undrin og töfrana sem við komum ekki alltaf auga á en búa í þögninni milli vélrænna hendinga samtímans.
Fangahúsið á Arnarhóli á sér langa og merkilega sögu. Það var reist 1766–1771, breytt í bústað stiftamtmanns 1820 og síðan í Stjórnarráðshús 1904. Árið 1997 fóru þar fram byggingarsögulegar rannsóknir í aðdraganda þess að allt húsið var lagt undir forsætisráðuneytið. Frá þessari sögu og mörgu öðru er sagt í bókinni í máli og myndum.
Hvíldin er fimmta glæpasaga Ragnheiðar Gestsdóttur. Fyrri bækur hennar eru Úr myrkrinu, Farangur, Blinda og Týndur. Farangur hlaut Blóðdropann árið 2021 og var tilnefnd til Glerlykilsins 2023.
„Enginn er góður í öllu en við erum öll góð í einhverju.“ Orri arnarungi vill fara í skóla til að rækta hæfileika sína. Í leit sinni að góðum skóla lendir hann í alls kyns hremmingum. Eins og í öllum góðum sögum endar allt vel og Orri getur þroskað hæfileika sína í stað þess að reyna að læra það sem hann er ekki skapaður til að gera.
Stórskemmtileg bók fyrir yngstu lesendurna eftir Helga Jónsson. Inga ætlar sér að verða alþingismaður þegar hún verður stór og er strax byrjuð að æfa sig. Líflegar og bráðsmellnar teikningar eftir Hrannar Atla Hauksson.
Höfundur lokast inni í yfirgefinni byggingu í Austurbænum en áður en það gerist nær hann að fanga ýmislegt og koma í orð. Hann veit stundum ekki hvort hlutir verði til í höfði hans eða séu aðfengnir – eða hvort munur sé á þessu tvennu. Bráðskemmtilegt sjálfstætt framhald af Innanríkið – Alexíus.
Faðir höfundar vaknar eina nótt við að ókunnugur maður stendur í svefnherbergisdyrunum á heimili hans við Skólavörðustíg. Aldarfjórðungi síðar rifjar sonurinn upp þessa reynslu föðurins og fer á stefnulaust flakk um fortíð og nútíð. Hér sýnir Bragi Ólafsson á sér nýja hlið; hann beinir athyglinni að því sem ekki er endilega skáldskapur.
Ljóðið fylgir okkur og eins getum við fylgt ljóðinu. Það tengir okkur við gang lífsins, lætur okkur staldra við og veita eftirtekt. Einnig verða ljóð til í andakt og geta þróast inn í ókunna hugarheima. Höfundur er geðhjúkrunar- og fjölskyldufræðingur og hefur starfað sem sérfræðingur í heilbrigðiskerfinu en jafnframt kennt í bæði HÍ og HA.
Innrás geimvofanna
Tony Stark hefur helgað líf sitt því að tryggja að tækninýjungar hans skaði ekki annað fólk.