Harry Potter og blendingsprinsinn
Þegar Dumbledore kemur á Runnaflöt eitt sumarkvöldið til að sækja Harry Potter er hönd hans svört og skrælnuð en hann segir ekki af hverju.
Allar bækur
Síða 14 af 38
Hauststormur
Kvöldið sem Ágúst Strindberg flytur í lítinn bæ á vesturströnd Svíþjóðar skellur á mikill stormur og vinsæll grunnskólakennari í bænum hverfur sporlaust. Hvað kom fyrir Agnesi? Hvernig tengist hvarfið húsinu þar sem Ágúst býr? Ný glæpasagnasería frá einum vinsælasta spennusagnahöfundi Svíþjóðar. Æsispennandi atburðarás og óvæntar vendingar.
Hefnd Diddu Morthens
Starfsferill Diddu Morthens er að engu orðinn, börnin löngu farin að heiman og eiginmaðurinn er úrvinda öll kvöld. Hún hangir í tölvunni til að drepa tímann og dag einn býr hún til gervimenni á netinu til að hefna sín á gamalli bekkjarsystur. Sprenghlægileg saga sem fékk fyrstu verðlaun í handritasamkeppni Forlagsins.
Skuggabrúin Heiðmyrkur
Í Heiðmyrkri lýkur Ingi Markússon sögunni sem hófst með Skuggabrúnni og hélt áfram í Svikabirtu, bókum sem vakið hafa verðskuldaða athygli og lof. Heiðmyrkur bindur þríleikinn saman í myrkri frásögn á mörkum fantasíu og vísindaskáldskapar - sögu um vináttuna og hefndina; lífið og eilífðina; vitundina og vélina...
Heima
Dóttir hennar er ferðalangur, langt í fjarskanum. Fyrrverandi manni sínum skrifar hún lítil bréf þar sem hún rekur hvernig henni líður. Judith Hermann segir frá konu sem skilur við ýmislegt og þróar með sér mótstöðuafl. Í áhrifamiklu landslagi við ströndina verður hún önnur en áður. Gömul veröld glatast og ný verður til.
Heimsins besti dagur í helvíti
Þegar Lilja Ósk flækir fæturna í hundabúri í miðju matarboði og dettur á höfuðið er hún sannfærð um að hún muni jafna sig fljótt og örugglega, enda hefur hún hvorki tíma né þolinmæði til annars. Raunin verður þó önnur. Hvað tekur kona til bragðs sem týnir sjálfri sér? Hrá, einlæg og átakanleg en á tíðum líka kómísk frásögn.
Heklað á minnstu börnin
Fjölbreyttar og fallegar uppskriftir að hekluðum flíkum fyrir börn á aldrinum 0–24 mánaða. Í bókinni eru einnig uppskriftir að ýmsu öðru fyrir barnið og barnaherbergið. Flíkurnar eru einfaldar og látlausar og áhersla er lögð á sem minnstan frágang. Hér geta bæði byrjendur í hekli og reyndir heklarar fundið eitthvað við sitt hæfi.
Helförin
í nýju ljósi
Um Helförina er jafnan spurt: Hvernig í ósköpunum gerðist þetta og hvers vegna? Fáar bækur svara þessum spurningum með jafn mannlegum og tæmandi hætti og þessi marglofaða bók eftir breska sagnfræðinginn Laurence Rees.
Hennar rödd: Sögur kvenna af erlendum uppruna á Íslandi
Hennar Rödd: Sögur kvenna af erlendum uppruna á Íslandi er tímamótaverk sem heiðrar framlag kvenna af erlendum uppruna til íslensks samfélags.
Hera og Gullbrá
Sönn saga
Saga Margrét er hrædd við hunda og verður því heldur hissa á fjölskyldu sinni sem ákveður að ættleiða hundinn Heru. Fyrr en varir verða þær þó perluvinkonur enda er Hera svo góð við allt og alla. Meira að segja við pínulitla gæsarungann Gullbrá! Sagan af Heru og Gullbrá er sönn og hugljúf og segir frá óvæntri og fallegri vináttu.
Herbergi í öðrum heimi & Sápufuglinn
Herbergi í öðrum heimi og Sápufuglinn slógu eftirminnilega í gegn, en sú síðarnefnda fékk viðurkenningu Bókmenntaverðlauna ESB. Sögurnar einkennast af djúpu innsæi, húmor og hugmyndaauðgi. María skrifar af öryggi um valdadýnamík í samböndum, flókna kynverund og þrá fólks eftir því sem það getur ekki fengið.
Herranótt
Aldraður lögfræðingur sem starfaði hjá utanríkisþjónustunni finnst myrtur á hrottalegan hátt. Rúna og Hanna þurfa að grafa djúpt í fortíð þessa leyndardómsfulla manns til að leysa málið. Aldrei hefði þær getað órað fyrir illskunni sem þar leynist.
Hetjurnar á HM 2026
Bestu leikmenn heims undirbúa sig fyrir stærsta sviðið! HM karla 2026 verður stærra og glæsilegra en nokkru sinni fyrr. Hundruð frábærra fótboltamanna munu leggja sig alla fram fyrir land sitt og þjóð – en hverjir munu skara fram úr? Verður Haaland markakóngur? Verður Mbappé besti maður mótsins? Verður Lamine Yamal alheimsstjarna? Verður Messi með?
Himintungl yfir heimsins ystu brún
Árið 1615 skrifar presturinn Pétur um atburði sem hafa skekið sveitina á Brúnasandi, um ástina, mennskuna og ábyrgðina sem við berum hvert á öðru. Á ystu rönd heimsins blása alþjóðlegir vindar og flytja með sér nýja heimsmynd, hugmyndir og bækur, enskar duggur, spánska hvalfangara og tilskipanir frá konunginum. Og penninn er beittari en sverðið.
Hin helga kvöl
Hin helga kvöl er þrettánda bókin um rannsóknarlögreglumanninn sérlundaða Hörð Grímsson, sem hefur fyrir löngu skipað sér í hóp allra vinsælustu skáldsagnapersóna samtímans. „Snilldar flétta. Besta bókin hingað til. 100% Stefán Máni“ – Árni Matthíasson, menningarblaðamaður.
Hinir ósýnilegu
Í fríi í Danmörku hittir blaðamaðurinn Nora Sand þekktan lögmann sem hún hefur lengi viljað taka viðtal við. Daginn eftir finnst maðurinn myrtur. Þegar Nora fer að grafast fyrir um ástæður morðsins kemur í ljós að lögmaðurinn stýrði rannsókn á víðtæku barnaníðsmáli í Bretlandi þar sem grunur leikur á að háttsett fólk hafi komið við sögu.
Hirðfíflið
Inga Stella elst upp á þriggja kynslóða heimili. Þegar mamma verður veik eða skrítin töltir hún niður stigann til ömmu og frænku. Þannig varðveitir hún sakleysið þangað til pabbi fer líka að verða skrítinn — og alltaf skrítnari og skrítnari. Bókin tekur á hugrakkan og áhrifamikinn hátt á fíkn og andlegum veikindum foreldra.
Hitt nafnið
Sjöleikurinn I-II
Fyrsta bókin af þremur í stórvirki Nóbelshöfundarins, svonefndum Sjöleik. Seiðandi og stórbrotin saga um listina, um Guð, um alkóhólisma, vináttuna og framrás tímans. Hún fjallar um dauðann, en líka um þýðingu þess að vera á lífi, um hlýjuna frá hundi, gleðina við að keyra í snjó og bragðið af spældum eggjum og steiktu fleski.