Síða 14 af 25
Falleg og bráðfyndin saga um lífið, ástina, fjölskylduna og kúnstina að klúðra öllu saman. Fyrir Vanessu Price er það meira en bara mottó að njóta hvers dags í botn. Mamma hennar og systir létust áður en þær urðu þrítugar og Vanessa ætlar ekki taka neinu sem gefnum hlut.
Íslenskar bókmenntir í þúsund ár
Saga íslenskra bókmennta frá upphafi til okkar daga, þúsund ára ævintýraleg atburðarás fjörlega rakin af Halldóri Guðmundssyni. Um leið og hann segir frá meginþráðum bókmenntasögunnar, fjölda höfunda og verka, allt frá fornritum til innflytjendabókmennta, leggur hann eigið mat mörg verkanna og bregður upp svipmyndum af skáldum og starfi útgefanda.
Ljóðsaga um líkamann, tungumálið og manneskjuna andspænis heilbrigðiskerfinu. Í ljóðunum fléttast mannleg samskipti og skynjun saman við náttúruna í sterku og oft ærslafullu myndmáli. „Ljóðrænt ferðalag um mátt tungumálsins til að takast á við mótlæti, halda reisn og skilja undur hins mannlega,“ segir dómnefnd Nýræktarstyrks.
Dularfull andlát meðal aldraðra á Åre-svæðinu, sænsku Ölpunum, vekja grunsemdir lögreglukonunnar Hönnu Ahlander um að ekki sé allt með felldu. Sívaxandi togstreita í sambandi hennar og Daniels Lindskog, nánasta samstarfsmanns hennar, gerir þeim hins vegar erfitt að einbeita sér að fullu að rannsókn málsins.
Þegar fólkið í bænum áttar sig á því að á Sjónarhóli búi níu ára stelpa alein eru tveir lögregluþjónar sendir að sækja hana og flytja á barnaheimili. Lína hefur þó engan áhuga á því, enda má þar hvorki vera með hest né apa. Þegar lögregluþjónarnir reyna að handsama Línu snýr hún sig úr greipum þeirra og býður þeim í staðinn í æsilegan eltingaleik!
Stelpan og geimrefurinn
Lísa er nýflutt með móður sinni til Lóuvíkur og þarf að byrja í nýjum skóla. Fyrir einhverfa stelpu sem sækir í öryggi, fasta rútínu og kunnuglegt umhverfi er þetta hræðilegt! Bókin er gefin út í samstarfi við Einhverfusamtökin.
Hljóð í tíu villtum dýrum
Opnaðu inn í villtar óbyggðir og skoðaðu kameldýr sem ferðast um í brennheitri eyðimörk og kóalabjörn sem tyggur lauf uppi í tré. Ýttu á takkana til að heyra hljóðin í þeim. Fallegar myndir af villtum dýrum og skemmtilegur fróðleikur á hverri blaðsíðu.
2005-2012
Fjórða bindið af ljóðasafni skáldsins geymir þrjár bækur sem hafa verið ófáanlegar um langt skeið en eru nú saman komnar í einu lagi í vandaðri útgáfu. Hér birtast Upplitað myrkur (2005), Nokkur almenn orð um kulnun sólar (2009) og Hér vex enginn sítrónuviður (2012). Ómissandi verk í safn allra bókaunnenda.
Sandra Bergljót Clausen, rithöfundur og skáld, gefur hér út ljóð sem hún hefur samið síðasta áratuginn. Ljóðstafir er önnur ljóðabók höfundar.
Ljóna dreymir um að æfa karate og verða karatemeistari. Börnin í karatesalnum bíða öll í hvítum búningum með hvít belti í fyrsta karatetímanum hans Ljóna. Hvað þarf Ljóni að gera til að verða karatemeistari?
Jónas í Hróarsdal í Skagafirði var bóndi og yfirsetumaður, sem hafði auk þess formlegt leyfi til lækninga þótt sjálfmenntaður væri. Til hans lá straumur sjúkra, lemstraðra og þunglyndra. Viðkvæmu jafnvægi á heimilinu er raskað þegar barnabarn úr Vesturheimi ber að garði. Áhrifamikil og fróðleg.
Í litlu húsi, í lítilli borg, við stóran flóa, býr strákur sem á erfitt með að sofna á kvöldin. Meðan önnur börn sofa vært vakir hann. Þú hefur kannski heyrt um hann Kalla? Það er sumt í heiminum sem þarfnast frekari skýringa – eitt af því er „karlinn í tunglinu“.
Sprenghlægileg bók um æsi og þursa sem eru komnir hingað til okkar í Miðgarð í líki „venjulegrar" fjölskyldu. Í þetta sinn verður mikið kaos og hver á að bjarga málunum? Ríkulega myndlýst bók í anda dagbóka sem gerir hana þægilega aflestrar fyrir sjálfstæða lesendur. Lestraraldur 8-12 ára. Fimmta bókin í frábæru ritröðinni um Loka.
A Thousand-Year Journey from Viking Iceland to the Dakota Plains
Gary Goodman heyrði fyrst á ættarmóti að forfaðir hans í 24. lið hefði verið skáldið og vígamaðurinn Egill Skallagrímsson. Þessi uppgötvun varð honum hvatning til að komast að því hvaða leið forfeður hans höfðu farið frá Íslandi miðalda til sléttanna í Norður-Dakóta á síðari hluta 19. aldar.
Stuttar og litríkar lestrarbækur um Lubba eftir höfunda bókarinnar Lubbi finnur málbein. Lubbi lendir í ævintýrum og á hverri síðu eru hljóðin sýnileg og táknrænar hreyfingar þeirra prýða síður bókanna. Þannig verður lesturinn skemmtilegur og gagnlegur en táknrænu hreyfingarnar mynda brú á milli málhljóða og bókstafa.
Litrík og skemmtileg verkefnabók með Lubba. Fjölmörg verkefni sem auka færni í að meðtaka tengsl málhljóða og bókstafa. Þannig er hægt að leggja grunn að lestrarnámi og læra að skrifa eftir fyrirmynd. Fjöldi forvitnilegra orða og margs konar verkefni stuðla að auknum orðaforða sem styrkir lesskilning og auðugt málfar.
Jóns Jónssonar prests og læknir í Árskógi og á Grenjaðarstað
Jón Jónsson (1772–1866) var prestur í Stærri-Árskógi og á Grenjaðarstað. Þótt hann væri ekki læknislærður fékk hann leyfi til að stunda lækningar í sinni sókn árið 1812 sem var endurnýjað af konungi 1816 og náði þá yfir Eyjafjarðar- og Þingeyjarsýslur.
Íslenska konan með Afríkuþráhyggjuna
Höfundur lýsir reynsluheimi sínum af margra ára tengslum við Tansaníu. Nándin við fátæktina hafði sterk áhrif á höfund sem vildi leggja eitthvað af mörkum. Í tæp 14 ár tengdist hún þorpi í Norður-Tansaníu, byggði upp ferðaþjónustu og grænmetis- og ávaxtarækt, stofnaði Women Power, félag til valdeflingar kvenna og setti á stofn leikskóla.