Síða 33 af 37
Sönn sakamál 13
Á áttunda áratug síðustu aldar bjó bakari nokkur að nafni Robert Hansen yfir myrku leyndarmáli sem olli skelfingu í Anchorage, stærstu borg Alaska í Bandaríkjunum. Hann hafði gert ósnortin víðerni Alaska að eigin veiðilendum við mannaveiðar. Sönn saga um skelfilegasta raðmorðingja Alaska.
Sex meistaralega samdar sögur eftir kínverska Nóbelsskáldið Gao Xingjian. Sögurnar fjalla um hverfulleika ástar og lífs, vonir og ótta en ekki síst ásækni minninga, þar sem fortíðin verður ekki umflúin. Brugðið upp ljóðrænum myndum af mótum minninga og veruleika þar sem hið ósagða er fangað af listfengi skáldsins og innsæi listmálarans.
Vinirnir Páll og Bjarni eru enn og aftur að undirbúa veiðiferðir sumarsins, skólinn búinn og líkt og síðasta sumar hafa þeir platað afa Páls til koma þeim á milli veiðistaða í sumarfríinu. Að þessu sinni er ferðinni heitið í Veiðivötn, sem er náttúruperla rétt vestan við Vatnajökul, og núna er stelpa með í för.
LínLín bjargast úr bráðum háska og er komin á byrjunarreit á ný. Hvað hefur hún að lifa fyrir þegar flestallt sem hún hefur elskað er gengið henni úr greipum? Sjálfri sér til furðu finnur hún ólga innra með sér heitar tilfinningar; lífsþorsta, tilhlökkun, hrifningu. Funandi ástarsaga meistarahöfundar um rómantískt æði konu sem tókst ekki að deyja.
Tvær stuttar og spennandi sögur um hin fimm fræknu eftir Enid Blyton. Frábært tækifæri bæði fyrir yngri lesendur og eldri aðdáendur til að njóta sígildra bókmennta eftir höfundinn. Þessar bækur hafa ekki verið fáanlegar á íslensku áður. Að vanda glíma krakkarnir ásamt Tomma við dularfullar ráðgátur.
Í þessari nafntoguðu skáldsögu segir frá ungum manni, Antoine Roquentin, sem virðist eiga í nokkrum brösum með eigin tilveru. Í áhrifaríkum dagbókarfærslum skráir hann óvægið tilfinningar sínar og skynjanir. Upphaflega átti verkið að heita La Melancholia eða Þunglyndið, en útgefandanum leist ekki á blikuna og stakk upp á Velgjunni í staðinn.
Hér er sögð saga af farsælum ferli Sveins B. Valfells í viðskiptum en líka sagt frá manninum sjálfum og fjölskyldu. Sagan heldur áfram með syni hans, Sveini Valfells yngri. Saman fléttast sögur tveggja kynslóða en bókin er um leið aldarspegill sem varpar ljósi á ótrúlegar þjóðfélagsbreytingar sem orðið hafa á Íslandi frá upphafi tuttugustu aldar.
Endurminningar Þórunnar Ástríðar Björnsdóttur ljósmóður
Handritið sem hér birtist var týnt en fannst fyrir tilviljun á Landsbókasafni. Endurminningar Þórunnar frá 1935 fjalla um æskuna í Skorradal, þjóðfélagsmál og dulræn efni en þó ekki síst köllun hennar, ljósmóðurstarfið. Einnig er prentuð dagbók sambýliskonu hennar, Guðlaugar Guðmundsdóttur, frá 1928–1929, sjaldgæf skrif óskólagenginnar alþýðukonu.
Fimmtudagur
Hefur þú einhvern tíma átt slæma viku? Það hefur Jón Jónsson átt, og þetta er sú vika! Mánudagur var hörmulegur, þriðjudagur var hrikalegur, miðvikudagur var hræðilegur og núna er fimmtudagur. Hann er klæddur eins og trúður! Niðurlægður í vinsælasta sjónvarpsþætti landsins! Rænt af tveimur skúrkum?! Brúðkaup með klósettþema!
Föstudagur
Einmitt þegar Jón heldur að vikan geti ekki versnað hrapar hann ofan í risastóra holu. Hann hélt að hann gæti ekki sokkið dýpra. En nú er hann fastur neðanjarðar! Getur dagurinn versnað? Já! Versti dagur vikunnar til þessa! Sprenghlægilegar bækur um sprenghlægilega viku!
Það er erfitt að vera ofurhetja þegar hæfileikarnir snúast meira um gleði og grín en að finna glæpamenn.
Höfundur krydduðu rómantasíunnar Norðanvindsins færir lesendum nú aðra bók í seríunni um höfuðvindana fjóra. Myrk og seiðandi frásögn um forboðnar ástir, innblásin af grísku goðsögunni um Heró og Leander og skoska sagnaljóðinu Tam Lin eftir Robert Burns. Önnur bók í ritröðinni sem slegið hefur í gegn.
Í gegnum myrkrið með goðum og vættum
Fróðleg og óvenjuleg bók þar sem dimmasta árstíðin er í brennidepli. Vilborg Davíðsdóttir rýnir hér í sagnaheim fyrri alda, þjóðtrú og þjóðhætti, í leit að því hvað kom formæðrum okkar og -feðrum, keltneskum og norrænum, að gagni í glímunni við langan og strangan íslenskan vetur. Um leið spinnur hún þræði til nútímans í ævintýraferð gegnum myrkrið.
Binna er að fara upp til fjalla að leika sér í snjónum. Hún vildi óska þess að litli bróðir hennar væri með. Tekst henni að koma heim með snjóbolta handa honum?
Árið er 1969 og Hinrik, ættstór en vinafár ungur maður úr Reykjavík, sem hefur hvorki enst í námi né starfi, reynir fyrir sér í hótelrekstri austur á fjörðum. Hann ræður til sín starfsfólk með það í huga að eignast bæði vin og kærustu – það sem hann helst óskar sér – og fálmar þannig eftir hamingjunni.
Morðsaga byggð á sönnum atburðum. Átakanleg saga um hryllilegt morð sem framið var um borð í skoskum gufutogara í mynni Seyðisfjarðar árið 1894. Nýskipaður sýslumaður stóð frammi fyrir flóknustu morðgátu ævi sinnar. En var hægt að komast að sannleikanum? Þetta er spennandi glæpasaga en mun meira en einungis saga um glæp.
Í smásagnasafninu Við brúna og aðrar þýskar sögur er að finna verk eftir tuttugu og þrjá rithöfunda. Sögurnar komu út á 20. og 21. öld, flestar í Þýskalandi en tvær þeirra má rekja til þýskumælandi minnihlutahópa í Evrópu. Sögurnar veita áhugaverða og grípandi innsýn í þær miklu þjóðfélagsbreytingar sem urðu í Þýskalandi á þessu tímabili.
Í ljóðabókinni Við Hveralund ljær höfundur persónum úr norrænni goðafræði rödd svo úr verður tregafullur ljóðabálkur. Hér horfast Sigyn og Loki í augu við fortíð sína og framtíð og gera upp stormasamt samband sitt. Þetta er saga sem hefur verið sögð um aldir án þess að sjónarmið hinnar trúföstu konu hafi litið dagsins ljós.