Þegar dýrin bjóða góða nótt
Hvað gera dýrin áður en þau bjóða góða nótt? Hjúfraðu þig upp að smáfólkinu þínu og svífið saman inn í draumaheima með dýrunum undir stjörnuprýddum himni.
Allar bækur
Síða 36 af 37
Þegar ég var lítill var ég alltaf hræddur
Fimmta ljóðabók Gunnars sem einnig hefur sent frá sér smásagnasafnið Gulur Volvo. Gunnar er tónlistarmaður og -kennari og hefur gefið út tvo geisladiska með eigin tónlist.
Þegar hún hló
Umdeild fjölmiðlakona finnst myrt úti á Granda eftir að hafa hlaupið í Reykjavíkurmaraþoni. Þrátt fyrir mannfjöldann eru engin vitni að atburðinum og morðið virðist óvenju fagmannlega útfært. Hin unga lögreglukona, Sigurdís, er kölluð til liðs við rannsóknina, en um leið dregur til tíðinda í máli er tengist dauða föður hennar.
Þegar litla systir kom í heiminn
Bókin fjallar um tilfinningar og hræðslu hjá barni sem er að fara að eignast lítið systkini, óttann við að vera ekki lengur aleitt með mömmu og pabba. Reynsla barnsins er ein af birtingarmyndum kvíða og bókin getur nýst sem handbók þeirra sem vinna með börnum og foreldrum/forráðamönnum. Opnar spurningar fylgja hverri opnu sem hvetja til umræðu.
Þegar mamma mín dó
Hér lýsir höfundur þeirri sáru reynslu að fylgja dauðvona móður sinni gegnum veikindi og sitja við hlið hennar við andlátið. Frásögnin er opinská um þær sterku tilfinningar sem togast á þegar dauðinn knýr dyra, en um leið er fjallað um hvernig búið er að fólki sem á skammt eftir ólifað og það álag sem hvílir á aðstandendum við þær aðstæður.
Þegar múrar falla
Þegar múrar falla er einlæg og áhrifamikil frásögn Harðar Torfasonar, listræns aðgerðarsinna sem markað hefur djúp spor í íslenskt samfélag. Hörður var fyrstur Íslendinga til að stíga fram opinberlega sem samkynhneigður maður árið 1975 og mætti fordómum og útskúfun en brást við með hugrekki, sýnileika, listrænu samtali og skipulögðum að...
Þingvallabók
Annáll 930-1930
Saga Íslendinga kemur hvergi betur fram á einum stað en á Þingvöllum við Öxará. Hér er safnað saman á eina bók frásögnum af helstu atburðum sem taldir eru hafa gerst þar, flestar teknar orðrétt upp úr gömlum ritum, einkum annálum, Íslendingasögum, Sturlungasögu, biskupasögum og alþingisbókum. Fjöldi mynda prýðir bókina, margar ómetanlegar.
Ritröð Árnastofnunar nr. 120 Þorsteins saga Víkingssonar
Útgáfa eftir AM 556 b 4to
Þorsteins saga Víkingssonar telst til fornaldarsagna Norðurlanda og var að öllum líkindum samin á 14. öld. Í sögunni er greint frá ævintýrum aðalhetjanna sem ferðast víða, afla sér fjár og frægðar og sigrast á margvíslegum hindrunum sem á vegi þeirra verða.
Þriðja augað
Þegar miðill fylgir óhugnalegu hugboði sínu að afskekktum sveitabæ, bíða leyndarmál fortíðarinnar þess að komast upp á yfirborðið - með ófyrirséðum afleiðingum.
Þú kemst ekki nær
Þú kemst ekki nær er ljóðræn og marglaga saga um uppvöxt, ást, missi og einsemd. Minningar og smáatriði hversdagsins fléttast saman í áhrifamikla frásögn þar sem húmor og tregi, barnsleg undrun og tilvistarleg þreyta mætast. Sögumaðurinn leiðir lesandann í gegnum ævi sína – fulla af ósögðum tilfinningum og hversdagslegum ævintýrum.
Þú sem ert á jörðu
Í þessari mögnuðu skáldsögu fylgjum við lífshlaupi konu sem elst upp á heimskautasvæði á tímum mikilla umhverfis- og samfélagsbreytinga. Líf hennar tekur stakkaskiptum og hún flækist inn í atburðarás sem flytur hana yfir heimshöfin.
Þyngsta frumefnið
Einn ástsælasti höfundur þjóðarinnar, Jón Kalman Stefánsson, sendir frá sér sína fimmtu ljóðabók. Umfjöllunarefnin eru víðfeðm: vísindin og guðdómurinn, ferðalög og hið djöfullega, samtíminn og sorgin; sem er þyngsta frumefnið ásamt söknuðinum.
Sokkalabbarnir Æsa raknar upp af reiði
Æsa er í óðaönn að byggja flottan sandkastala þegar Fjóla mætir og byrjar að moka. Fljótlega fer allt í háaloft, veðrið snarversnar og Æsa raknar upp af reiði!
Ævi Jesú og orð samkvæmt guðspjöllunum fjórum
Hefur þig langað til þess að geta lesið alla söguna um Jesú Krist á einum stað í réttri tímaröð? Hér fetar höfundur slóð margra guðfræðinga og hugsuða fyrri alda og spreytir sig á því að raða textum guðspjallanna saman í eina heilstæða frásögn. Útkoman vekur undrun og eftirvæntingu.
Ævintýraheimur íslenskra fugla
Hver er stærsti fuglinn okkar? Hver er sá minnsti? Hver er besta eftirherman og mesti hrekkjalómurinn? Hver er vorboðinn ljúfi? Í þessari bók, sem prýdd er glæsilegum myndum, kynnumst við 16 fuglategundum sem verpa á Íslandi. Þetta er sannkölluð fjölskyldubók sem ljúft er að sofna út frá og taka svo aftur upp þráðinn kvöldið eftir.
Ævintýraheimur Narníu
Allar Narníu bækurnar í einu bindi
Ævintýraheimur Narníu, kilja sem geymir allar 7 Narníusögurnar í fullri lengd.
Ævintýri fyrir ofurhetjur - Morðtrúðarnir
Glæný sería með Rauðu grímunni! Dularfullir atburðir eiga sér stað á Rósahæð! Nótt eftir nótt brjótast hræðilegir trúðar inn hjá fólki. Þeir binda fjölskyldurnar og líma fyrir munninn á þeim en yfirgefa svo staðinn án þess að stela neinu. Innbrotsþjófarnir eru kallaðir „morðtrúðarnir.“
Ævintýri Jósafats
Ævintýri Jósafats í Klúngri taka okkur á Trukknum til framandi staða í óskilgreindri ferð hans um heiminn. Ferð þar sem hann getur á fáa stólað utan sjálfan sig og stundum er eini félagsskapurinn könguló og kaffibrúsinn. Sagan er glettin spretthörð spennusaga úr íslenskum veruleika, er ekki löng og nær varla Evrópuviðmiði í stoppi.