Hér má finna heimsbókmenntirnar, vísindaskáldsögur, glæpi og njósnir, sumarnætur við Miðjarðarhafið sem og nístandi kulda á norðurhjara.
Síða 2 af 7
Rithöfundur dregur sig í hlé á franskri eyju í Miðjarðarhafinu. Mörgum árum seinna kemur blaðakona til eyjunnar, staðráðin í að ná viðtali við manninn. Sama dag finnst lík á ströndinni og yfirvöld loka eyjunni. Í ljós kemur að það eru ekki ritstörfin sem blaðakonan vill ræða, heldur leyndarmál fortíðar sem einhver virðist reiðubúinn að drepa fyrir.
Ung kona sem búið hefur í foreldrahúsum í litlu þorpi fer alfarin að heiman því hún hefur kynnst manni. En honum fylgir eyðingarmáttur sem verður henni örlagaríkur og birtist á ný í dóttur þeirra og enn síðar dóttursyni. Áhrifarík skáldsaga um hve fólki reynist erfitt að tengjast og festa rætur á umbrotatímum.
Tove Jansson er þekktust fyrir sínar óviðjafnanlegu sögur um múmínálfana en hún skrifaði einnig seiðandi bækur ætlaðar fullorðnum og er þetta sú fyrsta þeirra. Íslenskir aðdáendur Sumarbókarinnar þekkja sögusviðið og umfjöllunarefnin; átök manns og náttúru, ímyndunarafl bernskunnar, leikgleði og listsköpun, auk bæði ógnar og öryggis.
Fyndin, absúrd og skörp satíra þar sem höfundurinn leikur sér með tungumálið og formið af mikilli frásagnargleði og óbeisluðu ímyndunarafli. Falleg ástarjátning til tungumálsins, fortíðarinnar, nútímans og ekki síst ástarinnar. Verkið hlaut Miles Franklin verðlaunin í fyrra ('25), sem eru virtustu bókmenntaverðlaun Ástralíu.
Sumarævintýri sem hún aldrei gleymir
Eftir vinnulotu við lögfræðistörf í Wales tekur Lucia sér verðskuldað frí hjá afa sínum og ömmu á Suður-Ítalíu. Sólskinið, sítrónutrén og girnilegur matur ömmu hennar skapar gleðiríkar stundir en ýmislegt verður til þess að Lucia þarf að endurmeta hvað hún vill fá út úr lífinu. Ef þú ert að leita eftir hnyttni og hlýju er Jo Thomas þinn höfundur.
Ginny Carter átti eitt sinn framtíðina fyrir sér í sjónvarpsfréttamennsku. Hún var hamingjusamlega gift, átti þriggja ára son og lifði innihaldsríku lífi í Beverly Hills – þar til heimur hennar hrundi á einu andartaki á hraðbrautinni, tveimur dögum fyrir jól. Eftir harmleikinn reynir Ginny að byggja líf sitt upp að nýju og finna því tilgang.
Á hlýju ágústkvöldi í Hagfors brennur einbýlishús til grunna. Rúmlega fertug kona lætur lífið. Í fyrstu er talið að eldingu hafi lostið í húsið en brátt kemur í ljós að um íkveikju var að ræða. Nokkrum dögum síðar kviknar í húsinu við hliðina. Og síðan í enn einu. Spennuþrungin glæpasaga eftir verðlaunahöfundinn Ninni Schulman.
Þegar lík finnst í hesthúsi gefst Helgu óvænt tækifæri til að leiða sína fyrstu rannsókn hjá ofbeldisbrotadeildinni. Til liðs við sig fær hún lögreglumann úr umferðardeildinni, hinn tröllvaxna og dula Bjarka. Smám saman verður þeim ljóst að þau leita kaldrifjaðs fjöldamorðingja og að tíminn til að bjarga næsta fórnarlambi er að renna frá þeim.
Ástin lifir að eilífu! Sjö ár eru frá andláti Gerrys og sex ár síðan Holly las hinstu kveðjuna frá honum. Hún hefur haldið áfram með líf sitt en þegar systir hennar biður hana um að segja frá P.s. Ég elska þig
Þegar uppistandarinn Lina Gyllenborg finnst látin á heimili sínu er Jonas kærasti hennar ásakaður um að hafa myrt hana. Hann lýsir yfir sakleysi sínu en bæði lögregla og almenningsálit telja hann sekan. Samt sem áður er hann sýknaður fyrir dómi. Fjórum árum síðar ræður Jonas réttarsálfræðinginn Rebeccu Lekman til að hjálpa sér að finna morðingjann.
Gilbert Pinfold er hlédrægur, katólskur rithöfundur sem glímir við svefnleysi og ritstíflu. Í von um hvíld heldur hann í langferð með farþegaskipi. En þar fara brátt undarlegir hlutir að gerast. Bráðfyndin skáldsaga um raunir miðaldra rithöfundar eftir eitt af höfuðskáldum enskra bókmennta á tuttugustu öld.
Þegar lögregluforinginn Ryan er neyddur til að taka sér leyfi frá störfum finnur hann sér griðastað á eyjunni Holy Island í Norðymbralandi á Englandi. Stuttu síðar er friðurinn rofinn þegar ung kona finnst látin í hinum fornu klausturrústum á eyjunni.
Þegar sæfarinn og ævintýramaðurinn Jem Rosco birtist óvænt í bænum Greystone í Devon vekur það óskipta athygli. En skömmu síðar hverfur hann sporlaust. Lík hans finnst í litlum báti undan Scully Cove, vík sem er sveipuð þjóðsagnakenndri dulúð. Rannsókn málsins reynist rannsóknarlögreglumanninum Matthew Venn erfið vegna fortíðar hans í Greystone.
Hlý og uppörvandi skáldsaga um konu sem brýtur upp ævilangt lífsmynstur, um ást sem krefst ekki undirgefni og hugrekkið sem þarf til að lifa í sátt við sjálfa sig. Bókin varð metsölubók í Svíþjóð, enda ber hún öll höfundareinkenni Vivecu Sten, glæpasagnahöfundarins ástsæla, sem hér skrifar sína fyrstu ljúflestrarbók.
Ferðasaga kúrekans segir frá rekstri þrjú þúsund nautgripa frá Rio Grande í syðsta hluta Texas í Bandaríkjunum allt norður til Montana árið 1882. Ferðin tekur fimm mánuði. Á leiðinni kynnist sögumaður, piltur um tvítugt, langrekstrarlífinu, hættum þess og erfiðleikum.
Fjögur yndisleg börn, fallegt gamalt hús, ástríkir ættingjar og vinir – líf Harrietar og Davids Lovatt er hamingjusamt og gleðiríkt. En þegar fimmta barnið fæðist leggst dimmur skuggi yfir heimilislífið. Hinn ungi Ben er stór og ófrýnilegur, ofbeldisfullur og stjórnlaus. Áhrifarík skáldsaga eftir Nóbelsverðlaunahafann Doris Lessing.
Sarah Morgan er einn besti verjandi í Washington, DC. Í næstum tvö ár hefur Adam, eiginmaður hennar, haldið ástarsambandi sínu við Kelly Summers leyndu, en allt breytist þegar lík hennar finnst í sumarhúsi hjónanna og Adam er handtekinn grunaður um morðið. Þó að Adam sé sekur um að sofa hjá Kelly er hann þá líka sekur um að myrða hana?
Anna og Tom hafa byggt líf sitt í Berlín upp af kostgæfni. Hver planta, uppskrift og færsla á félagsmiðlum er úthugsuð. Að fullkomna lífið er markmið heillar kynslóðar. Þau vilja ekki staðna í leitinni að fegurðinni sem ef til vill er ekki eins og myndirnar á netinu. Bók sem sló rækilega í gegn fyrir áleitna og kaldhæðna sýn á þúsaldarkynslóðina.