Hobbitinn
Hobbitann eftir J.R.R. Tolkien þarf vart að kynna. Góðu fréttirnar eru að nú er bókin loks fáanleg á ný fyrir lesendur á Íslandi. Í nýrri þýðingu Solveigar Sifjar Hreiðarsdóttur með ljóðaþýðingum Braga Valdimars Skúlasonar. www.kver.is
Þýdd skáldverk
Síða 3 af 6
Hús dags, hús nætur
Nowa Ruda er lítið þorp í Slesíu, landsvæði í Mið-Evrópu sem hefur verið hluti af Póllandi, Þýskalandi og fyrrum Tékkóslóvakíu í gegnum tíðina. Þegar sögumaður flytur til þessa þorps uppgötvar hún að allt þarna á sér sögu. Mögnuð saga Nóbelsskálds.
Dr. Ruth Galloway 2 Janusarsteinninn
Önnur bókin í metsöluflokki um fornleifafræðinginn dr. Ruth Galloway sem aðstoðar lögregluna í Norfolk á Englandi við rannsóknir glæpamála. Gömul barnsbeinagrind finnst undir þröskuldi á gömlu glæsihýsi sem verið er að rífa. Er hugsanlega um að ræða fórn tengda gömlum helgisiðum? Ómótstæðileg blanda af ráðgátum, húmor og spennu.
Klingsor
Þessi ótrúlega ævisaga listamanns er eitt dæmið enn úr smiðju sænska stílsnillingsins Torgnys Lindgren þar sem tekist er á við alvarlegar og flóknar spurningar með vopnum listarinnar. Sagnaheimur þar sem allt getur gerst og skammt er milli ærsla og harms.
Klær gaupunnar
Alþjóðleg fjárglæfraöfl hafa hreiðrað um sig nyrst í Svíþjóð og svífast einskis við nýtingu viðkvæmra nátturuauðlinda. Í bænum Gasskas finnst verktaki myrtur. Mikael Blomkvist fer á stúfana og kemst að því að það er maðkur í mysunni. En rannókn hans verður til þess að loftslagsaðgerðarsinni týnir lífinu.
Kortabók skýjanna
Sex sögusvið sem skarast á sex tímaskeiðum með sex ólíkum stílbrigðum. Þessi magnaða skáldsaga rekur sig inn í komandi aldir og aftur til baka. Á því ferðalagi tengjast sögupersónur ólíkra tíma, örlög þeirra fléttast saman, stórar siðferðilegar spurningar kvikna og við blasir næsta ógnvekjandi framtíðarsýn.
Kóngsríkið 2 Kóngurinn af Ósi
Veldi bræðranna Carls og Roys Opgard riðar til falls þegar erkióvinur þeirra, lögreglustjórinn Kurt Willumsen, finnur nýja tækni sem hann telur geta sannað sekt þeirra í óupplýstum morðmálum. Óveðursskýin – og líkin – hrannast upp og bræðurnir lenda í blóðugu kapphlaupi við réttvísina. Mögnuð saga eftir meistara norrænu glæpasögunnar.
Krufning
Kay Scarpetta serían
Réttarmeinafræðingurinn dr. Kay Scarpetta er kölluð á vettvang óhugnanlegs morðs þar sem illa leikið lík konu hefur verið stillt upp. Um líkt leyti verða óútskýrð andlát á leynilegri rannsóknarstofu úti í geimnum. Kay fær það verkefni hjá yfirvöldum að komast að því hvað gerðist – í hugsanlega fyrsta glæpnum sem framin er úti í geimnum.
Kvein gráhegrans
Það er steikjandi hiti í Norður-Devon á Englandi og ferðamenn flykkjast að ströndinni. Lögregluforinginn Matthew Venn er kallaður út á vettvang glæps í húsi listamanna úti í sveit. Þar blasir við honum sviðsett morð. Maður að nafni Nigel Yeo hefur verið stunginn til bana með broti úr glerlistaverki dóttur sinnar.
Kvöldið sem hann hvarf
Foreldrar Noru deyja bæði af slysförum. Sorgin heltekur hana, en hálfbróðir hennar heldur því fram að dauði föður þeirra, ríks hótelkeðjueiganda, hafi ekki verið slys. Var faðir hennar myrtur? Hver var þá morðinginn? Hvaða leyndarmáli bjó faðir hennar yfir? Ný spennusaga eftir höfund metsölubókarinnar Það síðasta sem hann sagði mér.
Lagalisti ástarinnar
Manstu eftir Sloan, bestu vinkonu Kristen úr Bara vinir? Heimur Sloan hrundi þegar hún missti unnusta sinn nokkrum vikum áður en þau ætluðu að gifta sig. Tveimur árum síðar hefur hún ekki enn náð tökum á lífi sínu. En hundurinn Tucker, sem stökk inn um topplúguna á bílnum hennar, er um það bil að breyta öllu til batnaðar.
Lettinn Pietr
Lögregluforinginn Maigret fær tilkynningu frá Interpol um að alræmdur svikari, sem gengur undir nafninu Lettinn Pietr, sé á leið til Frakklands. Maigret fær ítarlega lýsingu á útliti hans og ætlar að handtaka hann á lestarstöð við París. En þegar þangað kemur reynast æði margir samsvara lýsingunni á Lettanum Pietr.
Leynigesturinn
Sjálfstætt framhald metsölubókarinnar Þernan. Molly Gray er orðin yfirþerna á hinu glæsilega hóteli Regency Grand. Þegar heimsþekktur rithöfundur er myrtur í einum sal hótelsins umturnast líf hennar. Margir liggja undir grun og allir virðast hafa eitthvað að fela. Er Molly sjálf til dæmis eins saklaus og hún segist vera?
Litla leynivíkin í Króatíu
Siglið til hinnar fögru Króatíu og upplifið sumarsól, skínandi tyrkisbláan sjóinn og ástarævintýri sem vara að eilífu ... Þegar hinni jarðbundnu Maddie er boðin sumarvinna á snekkju getur hún ekki sagt nei. Þar kynnist hún Nick. Í lítilli, ægifagurri leynivík kemur í ljós að þau eiga kannski meira sameiginlegt en virtist við fyrstu kynni.
Lofaðu mér því
Lou er hamingjusöm og hæstánægð með lífið og tilveruna. En skyndilega fer líf hennar á hvolf og hún þarf að byrja upp á nýtt. Henni býðst að flytjast í lítið þorp í Cotswalds og vinna fyrir gamlan skrögg að nafni Edgar Allsopp. Hann gefur henni loforð sem ekki er hægt að hunsa.
Lygileg jól
Þessi jól þarf stórfjölskyldan að taka utan af fleiri leyndarmálum en jólagjöfum!
Maðurinn í skiltinu
Þegar Ramón býðst að vakta risastórt auglýsingaskilti Coca-Cola-fyrirtækisins við þjóðveg í hverfinu grípur hann tækifærið og ákveður að setjast að í skiltinu í leit að merkingu hlutanna. Ákvörðun hans kemur illa við nágrannana, sem finnst hann ógna heiðri hverfisins, og fyrr en varir taka þeir málin í sínar hendur.
Malarhjarta
Margslungin og áhrifamikil saga um mikilvægi þess að tilheyra. Ein sterkasta skáldsaga tansaníska Nóbelsverðlaunahafans Abdulrazak Gurnah (f. 1948), en áður hefur komið út eftir hann á íslensku skáldsagan Paradís.