Síða 5 af 7
Morðingi, vona ég gerist í nútíma Helsinki. Ung móðir er myrt í neðanjarðarlest um hábjartan dag á leið heim til fjölskyldu sinnar. Morðið er tilefnislaust og eftir situr faðir móðurlauss sonar agndofa af sorg og heift. Fimm árum síðar eru morðingjarnir lausir úr fangelsi og faðirinn hefur samband við gamlan vin sinn til að skipuleggja ...
Frá Freidu McFadden, metsöluhöfundi New York Times, kemur Nornin, hrollvekjandi og ófyrirsjáanleg spennusaga um leyndarmál – þau sem við erfum, þau sem við gröfum niður og þau sem fólk gengur mjög langt í að halda leyndum.
Sjöleikurinn VI-VII
Þriðja og síðasta bindið í stórvirki norska Nóbelshöfundarins, hinum svonefnda Sjöleik, sem er seiðmagnað verk þar sem lífsbarátta og hugsjónir mætast. Undir sléttu yfirborði ólga heitar tilfinningar og glíma við drykkjuskap tekur sinn toll. Í samspili gleði og sorgar er samt óbilandi trúin á náð Guðs alltumlykjandi.
Ódysseifskviða fjallar um heimför og hrakningar Ódysseifs eftir Trójustríðið, um ævintýralegar slóðir Miðjarðarhafsins og alla leið í dauðaheim Hadesar. Hún lýsir guðlegum galdrakerlingum og íðilfögrum prinsessum, framhjáhaldi guða og trygglyndi hunda, skrímslum og vofum, baráttu hetja og skúrka sem að lokum hljóta makleg málagjöld.
Margslungin og metnaðarfull sænsk glæpasaga. Vanessa Frank rannsakar morð á þrítugri konu í Stokkhólmi en þar í borg fer ofbeldisglæpum gegn konum síst fækkandi. Bakslagið í kjölfar MeToo er áþreifanlegt og vaxandi fylgi kvenhataranna í stafrænu Incel-hreyfingunni vekur ugg. Og þeir láta sér ekki allir nægja að fá útrás fyrir hatrið við tölvuna.
Sagan hefst hér– hjá Ben Foley. Hann er rekinn úr alþjóðlega menntaskólanum í Strassborg. Hann fer heim til sín með skottið á milli lappanna en þá eru foreldrar hans horfnir, blóð á eldhússkápnum og hans bíður miði með undarlegum skilaboðum frá móður hans sem lýkur á: Ekki hringja á lögregluna!
Syndsamlegt ævintýri fyrir fullorðin börn! Ný bók í seríunni skemmtilegu um litla, feita og fordómafulla letihauginn Evert Bäckström lögregluforingja sem með einhverjum óskiljanlegum hætti tekst jafnan að skjóta kollegum sínum ref fyrir rass. Bækur sænska verðlaunahöfundarins Leifs GW Persson hafa hvarvetna hlotið frábærar viðtökur.
Þetta er fyrsta bókin í hinni áhrifamiklu Reimar-seríu. Lík af karlmanni með sérkennilega skotáverka finnst í fjöruborðinu í afskekktum firði norður á Ströndum. Líkskoðun leiðir í ljós að tennur hins látna höfðu áður verið meðhöndlaðar handan Járntjaldsins og lögregluna grunar að fórnarlambið sé rússneskur flugumaður, kominn ólöglega til landsins
Síðasta sumar Klingsors eftir Nóbelsskáldið Hermann Hesse kom fyrst út árið 1919 og er einn af hápunktunum í bókmenntum þýska expressjónismans. Í bókinni segir frá síðasta sumri í lífi listmálarans Klingsors sem reynir að sigrast á dauðanum með því að mála nýjar og sífellt djarfari myndir.
Kim stendur frammi fyrir einum miskunnarlausasta morðingja sem hún hefur nokkru sinni mætt. Mögulegar vísbendingar skipta hundruðum, og syrgjandi systirin neitar að tala við þau. Ómótstæðileg spennusaga frá metsöluhöfundinum Angelu Marsons þar sem hún kannar dökku hliðarnar á lífi undrabarna. Saga sem grípur mann heljartökum.
Lexi og Zeke hittast á bar í litlum strandbæ og ákveða að eiga eina rómantíska nótt saman. Daginn eftir ástríðufull kynni sem enduðu í gömlum húsbát vakna þau úti á opnu hafi og við tekur ótrúleg barátta upp á líf og dauða. Smám saman kynnast þau betur en þurfa um leið að takast á við ýmislegt óuppgert úr fortíðinni.
Nú rannsaka þau Juncker og Signe morð á uppkomnum syni umdeilds loftslagsráðherra. Um leið fer fram rannsókn á sprengingu í elsta kolaorkuveri Danmerkur. Tengjast þessi mál ef til vill? Hér er fjórða bókin í vinsælli krimmaritröð, bæði æsispennandi og vel skrifuð.
Hárbeitt og spennuþrungin saga um óbærilegan missi og einsemd – og síðbúna, grimmilega hefnd. Vopnasali er skotinn á götu í Minneapolis og lögreglan kemst fljótt á slóð byssumannsins en þegar hann lætur til skarar skríða á ný fer Bob Oz lögreglumann að gruna að einhver ósögð saga liggi að baki. Frábærlega fléttuð hrollvekja frá meistara Jo Nesbø.
Í þessari bráðfyndnu og furðulegu sögu slást lesendur í för með félögunum Jesse og Lee. Leið þeirra liggur frá hriplekum forstofum í San Francisco til klettaveggja Big Sur þar sem lífið snýst um froskakvak, vináttu, ódýr vín, blekkingar, hamingju og leitina eilífu að tilgangi lífsins.
Rósa flytur ásamt írskum eiginmanni sínum í frumskóginn á Kyrrahafsströnd Kólumbíu. Þegar eiginmaðurinn tekur sér ferð á hendur til næstu borgar er Rósa ein í hálfköruðu, hurðarlausu húsi. Regnskógarparadísin við ströndina breytist smám saman í martröð því ógnir leynast á hverju strái: hættuleg dýr, háskalegur gróður og vafasamir nágrannar.
Í hjólhýsi finnst lík manns sem hefur verið limlestur af ólýsanlegri grimmd. Í næsta herbergi sefur hinn 17 ára gamli Hugo Sand. Hann þjáist af skelfilegum martröðum, gengur í svefni – og segist ekki hafa hugmynd um hvað átti sér stað þessa nótt. Lögregluforinginn Joona Linna leitar til dáleiðara í von um að komast að sannleikanum.
Í þessari bók eru tvær sögur, Sveitalæknirinn og Þorpspresturinn. Fyrri sagan er þrennt í senn, ástarsaga, stjórnmálasaga og sagnfræðileg upprifjun. Síðari sagan er skyld þeirri fyrri að því leyti að þar fara saman mannlegur harmleikur, pólitískar hugsjónir og samfélagslegar umbætur.
Atvik í bakaríi vekur upp minningar hjá Kari Helene Bieler um hvað raunverulega gerðist þegar litli bróðir hennar lést sem ungbarn fyrir sextán árum. Leyndin sem umlokið hefur dauða barnsins hefur reynst einstakt skjól fyrir siðblindingja sem hefur lifað tvöföldu lífi í mörg ár.