Síða 6 af 7
Bækur Mou Herngren fjalla á listilegan hátt um mannleg samskipti. Í þessari bók er sjónum beint að samskiptum þriggja systkina. Hvert þeirra sér æsku sína með ólíkum hætti. Og þau hafa haldið ýmsu leyndu fyrir hvert öðru. En getur fólk alltaf treyst minningum sínum? Og hvaða skyldur hafa systkini í raun og veru gagnvart hvert öðru?
Bresk kona drukknar í sundlaug við sumarbústað á vesturströnd Danmerkur. Var þetta slys – eða morð? Ef hún var myrt hver gat gerandinn verið? Afbrýðisöm systir hennar? Ósáttar vinkonur? Ástkær eiginmaður? Eða pabbi hennar sem átti í miklum fjárhagskröggum og þurfti á þeim fjármunum að halda sem líftrygging dóttur hans myndi færa honum?
Hjartnæm metsölubók um víða veröld! Bo finnur að líf hans er að fjara út. Líkami hans er að gefa sig og kyrrlátt líf hans er aðeins rofið af daglegum heimsóknum heimaþjónustunnar. Hendur hans verða brátt of máttlitlar til að opna boxið dýrmæta með sjali eiginkonu hans, Frederiku, sem þjáist af alzheimer-sjúkdómnum, en sjalið ber enn ilm hennar.
Skáldsagan Útlendingurinn eftir Albert Camus kom fyrst út í Frakklandi árið 1942 og er eitt þekktasta og víðlesnasta verk franskra bókmennta á 20. öld. Þar segir frá skrifstofumanninum Meursault í Algeirsborg og atburðum sem leiða til þess að hann er dæmdur til dauða. Verkið kemur hér út í endurskoðaðri þýðingu.
Hættur, svik og forboðin ást í ríki þar sem vanmáttugir eiga engan rétt. Paedyn berst fyrir lífi sínu og fellur fyrir prinsinum sem gæti orðið henni að bana. Allar þrjár bækur þríleiksins koma út í kiljuformi á þessu ári til að mæta kröfu yngri lesenda um örari útgáfu þýddra bókaflokka.
Hættur, svik og forboðin ást í ríki þar sem vanmáttugir eiga engan rétt. Paedyn berst fyrir lífi sínu og fellur fyrir prinsinum sem gæti orðið henni að bana. Allar þrjár bækur þríleiksins koma út í kiljuformi á þessu ári til að mæta kröfu yngri lesenda um örari útgáfu þýddra bókaflokka.
Hættur, svik og forboðin ást í ríki þar sem vanmáttugir eiga engan rétt. Paedyn berst fyrir lífi sínu og fellur fyrir prinsinum sem gæti orðið henni að bana. Allar þrjár bækur þríleiksins koma út í kiljuformi á þessu ári til að mæta kröfu yngri lesenda um örari útgáfu þýddra bókaflokka.
Morð og ráðgátur frá drottningu glæpasagnanna
Með vorinu hækkar sól á lofti, gróðurinn tekur við sér og lífsgleðin eykst í hjörtum mannanna. En illskan er þó aldrei langt undan. Rétt eins og á öðrum árstímum takast Hercule Poirot, ungfrú Marple, Tommy og Tuppence og margar aðrar ógleymanlegar sögupersónur Agöthu Christie á við ískyggilegt ráðabrugg og háskalega glæpi.
Sex meistaralega samdar sögur eftir kínverska Nóbelsskáldið Gao Xingjian. Sögurnar fjalla um hverfulleika ástar og lífs, vonir og ótta en ekki síst ásækni minninga, þar sem fortíðin verður ekki umflúin. Brugðið upp ljóðrænum myndum af mótum minninga og veruleika þar sem hið ósagða er fangað af listfengi skáldsins og innsæi listmálarans.
Í þessari nafntoguðu skáldsögu segir frá ungum manni, Antoine Roquentin, sem virðist eiga í nokkrum brösum með eigin tilveru. Í áhrifaríkum dagbókarfærslum skráir hann óvægið tilfinningar sínar og skynjanir. Upphaflega átti verkið að heita La Melancholia eða Þunglyndið, en útgefandanum leist ekki á blikuna og stakk upp á Velgjunni í staðinn.
Höfundur krydduðu rómantasíunnar Norðanvindsins færir lesendum nú aðra bók í seríunni um höfuðvindana fjóra. Myrk og seiðandi frásögn um forboðnar ástir, innblásin af grísku goðsögunni um Heró og Leander og skoska sagnaljóðinu Tam Lin eftir Robert Burns. Önnur bók í ritröðinni sem slegið hefur í gegn.
Í smásagnasafninu Við brúna og aðrar þýskar sögur er að finna verk eftir tuttugu og þrjá rithöfunda. Sögurnar komu út á 20. og 21. öld, flestar í Þýskalandi en tvær þeirra má rekja til þýskumælandi minnihlutahópa í Evrópu. Sögurnar veita áhugaverða og grípandi innsýn í þær miklu þjóðfélagsbreytingar sem urðu í Þýskalandi á þessu tímabili.
„Hvað étur peningavélin? Hún étur æsku, frjálsræði, lífmagn, fegurð, og umfram allt, étur hún sköpunarmátt. Hún étur gæði og skítur magni.“ – William Burroughs. Í þessari frægu bók segir frá dulrænum skæruher hömlulausra hinsegin ungmenna sem segja siðmenningu Vesturlanda stríð á hendur.
Vorflóðið í fjöllunum er fjórða bókin í bókaflokknum um Helenu og líf hennar í fjöllunum í Härjedalen – saga um leyndarmál, móðurást, fyrirgefningu og hugrekki til að finna nýjan farveg þegar lífið breytir um stefnu.
Þar sem fortíðin mætir raunveruleikanum
Natalie lifir fullkomnu, hefðbundnu lífi á býlinu Yesteryear – og milljónir fylgjenda eru grænir af öfund. Hvað með það þótt barnfóstrur og framleiðendur leynist á bak við tjöldin? Kolsvört kómedía sem tekst á við hefðir, frægð, trú og það hvernig kvenleikinn hefur verið mótaður og sviðsettur í gegnum tíðina. „Stærsta bók ársins“ / The New...
Hjartnæm metsölubók um lífið eins og það er. Jeanne er ekkja í rándýrri Parísaríbúð. Theó eyðir órólegum nóttum í neðanjarðarlestinni eða í bílflaki. Ótraust húsnæði og illa launað starf er nýr veruleiki Irisar. Þegar Jeanne ákveður að leigja þeim herbergi bætir hún ekki aðeins eigin fjárhag heldur veitir þeim einnig betra líf.
Árið 1941 stigmagnast seinni heimsstyrjöldin og Evrópa brennur. Í skerjagarðssælunni í Arkösund er hins vegar allt nánast eins og það á að sér að vera. En ekki fyrir alla. Þegar Margareta, dóttir verksmiðjueiganda, hittir gyðinginn Henry umturnast líf þeirra.
Tove hefur starfað hjá sama forlaginu í sautján ár og unnið sig upp í stöðu útgáfustjóra. Þegar nýir eigendur taka óvænt við fyrirtækinu breytist allt. Í hita augnabliksins segir hún upp – og skyndilega er tilveran komin úr skorðum. Hrífandi skáldsaga um fjölskylduleyndarmál, missi og von – og hugrekkið sem þarf til að þora að velja nýja leið.