Síða 12 af 25
Á leið sinni í gegnum skóginn villist Ína og hún fær í fangið böggul sem hún lofar að segja engum frá ... en böggullinn verður sífellt þyngri. Má einhvern tíma segja frá leyndarmálum? Kát Ína kanína og leyndarmálið er ljúfsár saga sem opnar á umræðu um leyndarmál og minnir okkur á að ekki öll leyndarmál eiga að vera leyndarmál.
Tvö þorp – austast og vestast í pólitíkinni en einnig á landakortinu. Hér er sögð ættarsaga sem teygir sig frá Norðfirði forðum til Keflavíkur dagsins í dag með viðkomu á Miðnesheiðinni. Þetta er saga fólks sem elskar og þjáist, sem leitar og flýr, um sársauka og söknuð, ofbeldi og kvótalaust haf.
Einföld harðspjalda flipabók sem er bæði skemmtileg og fræðandi fyrir forvitna krakka, tveggja ára og eldri. Í þessari bók er hægt að lyfta flipum og sjá meira um flugvélar. Fimmta bókin í þessum vinsæla bókaflokki fyrir yngstu kynslóðina.
Á ferðalagi um tónlistarsöguna
Aðgengilegt og fróðlegt rit þar sem leyndardómum klassískrar tónlistar er lokið upp. Magnús er ástríðufullur fræðari; fundvís á áhugaverðar staðreyndir, skemmtilegar sögur og ekki síst vandaðar upptökur, sem hann hefur sett saman í spilunarlista sem má nálgast á streymisveitum. Bókin hentar bæði byrjendum og þeim sem vilja auka við þekkingu sína.
Ponna og Kali reyna hvað þau geta til að eignast barn en allt kemur fyrir ekki. Síðasta hálmstráið er lokakvöld árlegrar musterishátíðar þegar allir karlar eru guðir en það gæti reynst þeim dýrkeypt.
Skemmtileg myndskreytt saga miðuð við yngstu lesendurna. Textinn er 400-500 orð og skilningsverkefni eru í lok sögunnar.
Íslandskort 1482-1850
Hér eru helstu Íslandskort prentsögunnar birt saman í allri sinni litadýrð. Reynir Grétarsson hefur um árabil safnað Íslandskortum og rekur hann á lifandi og skemmtilegan hátt þessa merku sögu.
Fylgist með K-POP hljómsveitunum B-JÚ og ÆS2B á tónleikum, tónlistarhátíðum og í viðtölum. Lesendur nota límmiða og fylgihluti til að klæða stjörnurnar.
Hvenær drepur maður mann og hvenær ekki? Hér kynnumst við breyskum einstaklingum og fólki sem verður öðrum að bana – í grandaleysi. Bráðsmellnar kósíglæpasögur!
Hristum og lærum
Rut og Alma eru bæði skólasystur og nágrannar en tala aldrei saman. Hlynur, kærasti Ölmu, er efnilegur handboltamaður en hefur engan áhuga á náminu. Fannar, skólabróðir þeirra, þráir athygli og viðurkenningu en viðhorf hans og bakgrunnur gera honum erfitt fyrir. Grípandi saga um ungt fólk og þær ólíku áskoranir sem það tekst á við.
Matti er kominn til Bjarkareyjar og hlakkar til að njóta bæjarhátíðarinnar með Hönnu Stínu, vinkonu sinni. Hann er þó varla stiginn á land þegar furðulegir atburðir eiga sér stað og fyrr en varir dragast vinirnir inn í æsispennandi kapphlaup við tímann þar sem dularfullur íssali, kuldaköst á miðju sumri og gömul leyndarmál koma við sögu.
Ágrip af hálfrar aldar sögu
Hér er „brunað“ í gegnum 50 ára sögu Kvartmíluklúbbsins. Greint er frá skrautlegum aðdraganda að stofnun hans og fjölmörgum ökumönnum er fylgt eftir á misjöfnum ökutækjum. Við sögu koma prjónandi kryppa, græn padda, kókosbolla, sérbökuð vínabrauðslengja, auk allra Monzanna, Chevrolettanna, Pontiacanna, Camaroanna, Willysanna og Yamaha-hjólanna.
Grand Hôtel í hjarta Stokkhólms stendur á tímamótum og líka konurnar sem þar starfa. Saman takast þær á við ástir, svik og samfélagslegar skorður en þegar leyndarmál fortíðarinnar koma upp á yfirborðið reynir á traustið og hverju þær eru tilbúnar að fórna. Fyrsta bók í grípandi bókaflokki sem hefur farið sigurför um Evrópu.
Í þessari bók birtast eftirlátin frumort kvæði, ritgerðir og fyrirlestrar Benedikts.
Þrjár ólíkar raddir segja frá – útskúfaður rithöfundur, þekkt leikkona og róttækur femínisti. Í gegnum tölvupóstsamskipti þeirra fáum við innlit í heim gegnsýrðan af kynbundinni valdbeitingu, afleiðingum #MeToo, fíkn, vináttu og leit að merkingu í heimi sem virðist oft vera að hrynja. Snjöll samtímasaga frá einum áhrifamesta höfundi Frakklands.
Kærulausar kannanir er samansafn örsagna og vangaveltna konu sem mætir ofur hversdagslegum augnablikum og sígildum stefjum ýmist undrandi, full efasemda, með háði eða af einlægni.
Í annarri ljóðabók sinni tekst Arndís Þórarinsdóttir á við tilvistina með textum sem spretta úr upprunanum og horfa til framtíðar. Bókin spinnur þræði um formæður, fluguhnýtingar, ferðalög og stórtónleika heilmynda ABBA-flokksins, svo fátt eitt sé nefnt.