Sóley og Fífa finna dreka
Frænkurnar Sóley og Fífa eru bestu vinkonur en búa í sitthvorum landshlutanum. Það er því alltaf mikil ánægja sem fylgir því að hittast í sveitinni hjá ömmu og afa þar sem ævintýrin eru aldrei langt undan.
Allar bækur
Síða 20 af 25
Vísindalæsi 7 Sólmyrkvar
Sólmyrkvar eru stórkostlegasta sýning náttúrunnar. En þeir eru ekki bara einstaklega fallegir heldur hafa þeir hjálpað okkur að afhjúpa leyndardóma sólar, staðfest eina merkilegustu vísindakenningu sögunnar og leitt í ljós að sólarhringurinn á Jörðinni er að lengjast. Mögnuð léttlestrarbók úr hinum vinsæla Vísindalæsisflokki.
Sólon og Dimma dúskur
Stjörnuslóðin
Sólon og Dimma Dúskur leita að uppáhaldsstjörnu Dimmu sem flaug óvænt til jarðar frá tunglinu. Vinirnir lenda í ýmsum ævintýrum og þurfa að nota ofurkraftana sína til að ferðast á milli ólíkra staða í leit að stjörnunni dýrmætu.
Spegill, spegill
Töfrandi bók fyrir yngstu lesendurna sem umbreytir myndum með einföldum spegli. Á augabragði breytist fiskur í kött og bangsi í skjaldböku!
Spurningabókin 2026
Hvað kallast afkvæmi bjarndýra?
Hvað kallast hljóðið sem rottur og mýs gefa frá sér? Í hvaða bæjarfélagi er Ungmennafélagið Afturelding? Geta kettir veikst af fuglaflensu? Þessar spurningar og margar fleiri fylla út í þessa bráðskemmtilegu bók sem ætti að vera til á hverju einasta heimili svo ekki sé nú minnst á skólana.
Steindís og kastalinn
Það hefur aldrei verið tími hjá mömmu Steindísar til að stoppa við kastalann. En í þetta skipti hefur mamma lofað Steindísi að þær ætli að skoða hann saman. Steindís er mjög spennt fyrir að skoða þennan alvöru kastala og uppgötva hvað leynist þar inni.
Bjössi Bras Stóra bókin um liti
Börnin elska Bjössa Bras. Litrík bók, ríkulega myndskreytt og með flipum til að lyfta. Hönnuð til málörvunar og að venja börn til bókar.
Strákurinn með sægrænu augun
Tóbías Mar hefur alist upp um borð í sjóræningjaskipinu Söng sírenunnar undir verndarvæng Sigurmars Sjólfs skipstjóra. Dag einn veita herskip keisaraveldisins Sírenunni grimmilega eftirför. Þá kemst Tóbías óvænt að því að í honum búa magnaðir kraftar sem tengjast hafinu og við tekur mikil hættuför um nýja og framandi heima.
Stund úlfsins
Hárbeitt og spennuþrungin saga um óbærilegan missi og einsemd – og síðbúna, grimmilega hefnd. Vopnasali er skotinn á götu í Minneapolis og lögreglan kemst fljótt á slóð byssumannsins en þegar hann lætur til skarar skríða á ný fer Bob Oz lögreglumann að gruna að einhver ósögð saga liggi að baki. Frábærlega fléttuð hrollvekja frá meistara Jo Nesbø.
Sturla - Tvíburaveiðar
Regína og Litlavin eru eins ólíkar í útliti og hægt er. Auk þess ólst Regína upp hjá hertoganum í Normandí en Litlavin hjá vinnuhjúum á Íslandi. Á fjórtán ára afmælisdegi þeirra birtist dularfullt fólk hjá þeim báðum. Fólk sem er með drekapeð í fórum sínum og ætlar að – haltu þér fast – veiða þær. En af hverju? Hverjar eru þessar stelpur?
Stutt Biblía fyrir þig
Í þessari níundu bók sinni rekur Þórhallur Heimisson sögu, þróun og samsettningu Biblíunnar og texta hennar, allt frá Egyptalandi hinu forna og til Biblíuþýðinga dagsins í dag. Þetta er spennandi og stórbrotin saga um mikilvæga sögulega þætti sem snerta alla. Hér er fjallað um Biblíuna sem heild og hvernig hún varð til.
Ljóðmæli Stúlka & Hagalagðar
Júlíana Jónsdóttir var fyrst íslenskra kvenna til þess að fá gefna út bók eftir sig, ljóðabókina Stúlku sem kom út árið 1876. Í þessari 150 ára afmælisútgáfu koma báðar ljóðabækur Júlíönu út í einu bindi. Ljóðin bera aldurinn vel og vitna um leiftrandi gáfur, seiglu og skopskyn höfundar sem hlaut litla skólagöngu var vinnukona frá ungaaldri.
Stærðfræði 3A, 3B, 3C
Hér er um að ræða nýja útgáfu af stærðfræðibókum Gísla Bachmann og Helgu Björnsdóttur sem komið hafa út á undanförnum árum og ætlaðar eru nemendum á 3. þrepi í framhaldsskóla.
Suðurríkjaherforingi frá Big Sur
Í þessari bráðfyndnu og furðulegu sögu slást lesendur í för með félögunum Jesse og Lee. Leið þeirra liggur frá hriplekum forstofum í San Francisco til klettaveggja Big Sur þar sem lífið snýst um froskakvak, vináttu, ódýr vín, blekkingar, hamingju og leitina eilífu að tilgangi lífsins.
Sumar í skerjagarðinum
Matreiðslubók frá hafsbrúninni
Einstök matreiðslubók, glæsilega myndskreytt, þar sem metsöluhöfundurinn Viveca Sten reiðir fram ómótstæðilega rétti en bregður jafnframt upp lifandi svipmyndum af lífi fólksins við hafsbrúnina í sumarblíðu sænska skerjagarðsins.
Sumarstormur
Allý er búin með fyrsta árið í menntaskóla og margt hefur breyst í lífi hennar. Nýir vinir, vandamál heima fyrir og í ástarlífinu og pabbi hennar ákveður að senda hana í sveit. Allý er staðráðin í að gera vistina erfiða fyrir alla en eftir því sem líður á sumarið gerir hún sér grein fyrir að hún er að falla fyrir Degi sem vinnur á bænum.
Svanvængjuð þrá
Svanvængjuð þrá er áttunda ljóðabók metsöluhöfundarins Valdimars Tómassonar. Hér er ort um brostnar vonir, sorg og tilgangsleysi á einstaklega næman og fínlegan hátt. Formið sækir Valdimar til þríhendunnar en kveður þó með sínu lagi.
Svartakóf
Lögreglumaðurinn Helgi Reykdal er á leið á Litla-Hraun ásamt tveimur kollegum. Framundan er mesta raun sem hann hefur ratað í. Um leið syrgir hann dauða Anítu, unnustu sinnar, sem Bergþóra, fyrrum sambýliskona hans, varð völd að. Og samhliða reynir hann að grafast fyrir um hvað varð um forvera hans í starfi – Huldu Hermannsdóttur.