Síða 23 af 37
Fylgdu múmínsnáðanum sem rekur dularfulla slóð um allan vitann. Á leiðinni þarf að kanna öll herbergin, gá á bak við hurðir og inn í skápa. Hvar eru múmínmamma og múmínpabbi eiginlega? Skoðum vitann er bráðskemmtileg saga, kjörin fyrir alla unga múmínvini. Hér er fjölmargt áhugavert að skoða og finna!
Gjafasett
Komdu með Múmínsnáðanum og vinum hans út í nóttina og teldu stjörnurnar þangað til sólin rís og dagurinn kemur. Í þessu fallega gjafasetti er krúttlegur Múmínbangsi og bókin Múmín, óskastund – Teljum saman.
Ef þú hefur enn ekki hitt Múmínálf áttu ævintýri í vændum ... Haustkvöld eitt kemur Múmínfjölskyldan saman undir stjörnum prýddum himni til að rifja upp söguna af halastjörnunni sem kom einu sinni æðandi yfir himinhvolfið í átt að Múmíndal.
Á hverjum laugardegi hjóla músasysturnar í dansskólann. Þar tipla þær á tánum, hoppa og snúast í hringi og sveifla skottinu í takt við tónlistina. Ekkert í heiminum er skemmtilegra! Allt í einu gerðist nokkuð sem enginn átti von á … Hvað skyldi það vera?
6. tölublað
Tímaritið er hugsað sem miðja fyrir myndlistarumfjöllun hér á landi – öflugur vettvangur fyrir umræðu og gagnrýna greiningu á myndlist og stöðu myndlistarfólks á Íslandi, auk þess sem rýnt er í gagnkvæmt samband íslensku senunnar við umheiminn. Tímaritið er gefið út einu sinni á ári í veglegri og fallegri prentútgáfu jafnt á íslensku og ensku.
Eva Björg Ægisdóttir og Jérôme Loubry eru bæði margverðlaunuð fyrir glæpasögur sínar. Þau leggja hér saman krafta sína að undirlagi glæpasagnahátíðarinnar Quais du polar í Lyon en hana sækja yfir 100.000 manns ár hvert. Bókin kemur út samtímis á Íslandi og í Frakklandi.
sýnisbók
Mæðrun – sýnisbók er safn 12 smásagna sem snúast á einn eða annan hátt um mæður sem elska, vernda, læra og leiðbeina. Í sögunum er fjallað um kröfur, staðalímyndir og áskoranir sem ýtt geta mæðrum til þess að grípa til örþrifaráða. Móðurhlutverkið er margbrotið, dýrmætt og krefjandi og getur jafnvel náð út fyrir gröf og dauða.
Nadía elskar að spila Zombiecraft, sérstaklega með Alex. Nadía bráðnar í hvert sinn sem hún sér hann. Svo fara óhugnalegir hlutir að gerast í Zombiecraft og á sama tíma breytist Alex. Nadíu langar að segja mömmu sinni frá öllu, en hún er upptekin með Magga sem er alltaf í heimsókn. Hvað á Nadía að gera – og hver getur hjálpað Alex?
Nadía er orðin tíu ára og fær nýjan síma. Þetta er besti dagur ævi hennar – þangað til hún uppgvötar andstyggilegar athugasemdir sem gerðar hafa verið við dansmyndbönd vinkonu sinnar. Hver gerir svona – og hvernig getur Nadía hjálpað vinkonu sinni?
Í nótt semur tónskáldið í / gula húsinu næturljóð fyrir / neðansjávarbásúnu og strengi. Höfundurinn Gunnar Randversson fæddist á Akureyri 1959 en ólst upp á Ólafsfirði. Neðansjávarbásúnan er sjötta ljóðabók Gunnars sem einnig hefur sent frá sér smásagnasafnið Gulur Volvo.
Áfallasaga
Í aldanna rás var sauðfjárbúskapur undirstaða íslensks samfélags og mótaði líf og afkomu þjóðarinnar. En búskapnum fylgdu áföll, svo sem eldgos og harðindi en ekki síst skæðir sauðfjársjúkdómar sem gátu á skömmum tíma ógnað afkomu heilu byggðarlaganna. Í þessari bók fjallar dr. Helgi Sigurðsson, dýralæknir og sagnfræðingur, um þessi áföll.
Einfaldar uppskriftir að ís, sorbet, mjólkurhristingum, smoothie-skálum, frosnum drykkjum og fleira
Búðu til þínar eigin frosnu kræsingar á nokkrum mínútum með Ninja Creami. Það geta allir fundið eitthvað við sitt hæfi í þessari fjölbreyttu bók - ís, sorbet, gelato, mjólkurhristinga, frappé, krap, smoothie-skálar og margt fleira! Uppskriftirnar eru einfaldar og fljótlegar og þeim fylgja ítarlegar leiðbeiningar.
Viðhafnarútgáfa Brennu-Njáls sögu grundvölluð á rómuðum frágangi Jóns Böðvarssonar. Textinn er með nútímastafsetningu og vönduðum orðskýringum. Bókin er ríkulega skreytt myndum Þórhildar Jónsdóttur frá Lambey í Fljótshlíð. Njála er óumdeilt flaggskip Íslendingasagna og þessi gerð hennar er sannkallað stofustáss á sófaborðum ísl...
Brennu-Njáls saga hefur allt sem góða sögu prýðir: ástir og afbrýði, vináttu og fjandskap, svik og hefndir, blóðuga bardaga og auðvitað dramatíska brennu. Fersk og brakandi útgáfa sem höfðar jafnt til forfallinna Njáluunnenda og þeirra sem lesa söguna í fyrsta sinn.
Ferðin til Jötundalsins
Sonja er venjuleg stelpa sem er að fara að fermast. Nótt eina fær hún óvænta heimsókn frá undarlegri en þó sérkennilega kunnuglegri veru. Veran er af öðrum heimi og býður Sonju í för með sér. Þau ferðast með norðurljósunum til heims sem er gjörólíkur hennar veröld, heims sem býr í okkur öllum sem höfum gefið ímyndunaraflinu lausan tauminn.
Frá Freidu McFadden, metsöluhöfundi New York Times, kemur Nornin, hrollvekjandi og ófyrirsjáanleg spennusaga um leyndarmál – þau sem við erfum, þau sem við gröfum niður og þau sem fólk gengur mjög langt í að halda leyndum.
Einn dimman desembermorgun birtast tvær glitrandi glyrnur í myrkrinu og boða upphafið að stórskemmtilegum ævintýrum þar sem við sögu koma kafloðinn risahundur og dálítið geðvond norn sem búa í skrítnasta kofa í heimi. Sagan vann samkeppni Borgarbókasafnsins og Bókmenntaborgarinnar um jóladagatal ársins 2020 en kemur hér út með glænýjum myndum.
Þegar Daníel missir vinnuna beinist öll athygli hans að eldhúsinnréttingunni. Möguleikar á úrbótum eru margir og heillandi. Honum veitist þó erfitt að vekja ástríðu konu sinnar gagnvart verkefninu. Hann gleymir sér yfir kynórum um starfsfólk innréttingabúða og ekki bætir úr skák þegar búsáhöldin lifna við og leggja orð í belg.