Síða 23 af 37
Riðið í strauminn með Hermanni Árnasyni
Hér segir frá Hermannni Árnasyni. Tamning hrossa og hestaferðir eru hugsjón hans og sum viðfangsefnin með ólíkindum s.s. vatnareiðin, stjörnureiðin og Flosareiðin þegar riðið var í spor Flosa og brennumanna frá Svínafelli að Þríhyrningshálsum til að sannreyna þá reið sem farin var til að brenna inni heimilisfólk á Bergþórshvoli í Brennu-Njáls sögu.
Frásagnir úr fjarlægum bernskuheimi
Hvernig sér lítil sveitastelpa á árunum kringum 1960 veröld sína? Í þessari bók leyfir Þórhildur Ólafsdóttir, rithöfundur og þýðandi, barninu sem hún var að fá orðið, segja frá fólki, dýrum, húsum og náttúru í fjarlægum heimi. Barnið horfir á, drekkur í sig myndir, atburði, orð og sögur sem móta það fyrir lífstíð.
Greinar um tengsl leikskóla, grunnskóla og frístunda
Bókin veitir innsýn í þau umskipti sem verða í lífi barna á mótum skólastiga og er ætlað að stuðla að ígrundun fagfólks, foreldra, nemenda og annarra sem láta sig menntun ungra barna á mikilvægum timamótum varða. Hún inniheldur 13 fræðigreinar þar sem fjallað er um niðurstöður rannsókna sem tengjast menntun ungra barna.
Rímur og saga af Mábil sterku
Konungsdóttirin Mábil sterka frá Vallandi er öllum fremri í riddaralistum. Hún drýgir miklar hetjudáðir í bardögum og beitir óhefðbundnum aðferðum við að klekkja á helsta óvini sínum, Medeu drottningu í Grikklandi. Sömuleiðis ver hún Móbil systur sína frækilega gegn ásókn karla sem vilja kvænast henni og heimta þannig krúnuna.
15 þjóðsögur um kvenverur
Í bók þessari eru 15 íslenskar þjóðsögur sem Solveig hefur valið, umritað og myndskreytt. Sögurnar skarta allar áberandi kvenpersónum, hvort sem um er að ræða mennskar konur, tröllskessur, huldukonur, kvendrauga o.þ.h. Sumar sögurnar eru vel þekktar en aðrar fáheyrðari.
Hvað eiga krókódílamamma og krókódílapabbi að taka til bragðs þegar Grettir litli krókódíll segist ekki vilja borða neitt nema … krakkakjöt? Hæfilega skelfileg og skemmtilega myndskreytt frönsk barnabók sem fullorðnir nenna að lesa aftur og aftur. Og aftur.
Mögnuð léttlestrarbók úr hinum vinsæla Vísindalæsisflokki. Hér ferðast Stjörnu-Sævar um tíma og rúm, heimsækir misfurðulega fræðimenn og reynir með aðstoð töfratækja vísindanna (og af meðfæddri forvitni) að afhjúpa dýpstu leyndardóma alheimsins. Bókin er prýdd fjölmörgum ótrúlega flottum litmyndum Elíasar Rúna.
Tveir bræður, þrjár ástkonur, átök og uppgjör: Faðir Péturs og Ívans er nýdáinn og sorgin ristir inn í kviku; taugarnar eru þandar, samskiptin erfið og hvor um sig þarf að gera upp líf sitt og langanir. Einstaklega grípandi metsölubók um ást, missi og órjúfandi tilfinningabönd eftir hina írsku Sally Rooney sem var víða kjörin besta bók ársins 2024.
Milli mála kemur út tvisvar á ári. Almennt hefti inniheldur fræðigreinar á sviði tungumála, bókmennta, þýðinga, málvísinda og menntunarfræði. Sérhefti ársins 2025 er helgað orðasambandafræði. Tímaritið er í opnum aðgangi.
Safn 47 fjölbreyttra og meitlaðra smásagna. Bókin hefur hlotið einróma lof og færði höfundinum Bókmenntaverðlaun Norðurlandaráðs árið 2011. Þessi nýja útgáfa er hluti af heildarsafni verka Gyrðis.
Milljón punda seðillinn eftir Mark Twain er snjöll og beitt ádeila á samfélag þar sem virðing og sjálfsmynd ráðast af auði og ásýnd.
Eftir að heimspekingurinn Sókrates kvaddi hið jarðneska líf reis upp hreyfing manna sem vildu halda nafni hans á lofti. Í þeim hópi var Xenófon Aþeningur sem safnaði sögum, samræðum og spakmælum síns gamla kennara. Markmið hans var þó ekki síður að verjast og svara málflutningi ákærenda úr réttarhöldunum þar sem Sókrates var dæmdur til dauða.
Eitt af meistaraverkum heimsbókmenntanna. Í bókinni fer sögumaður um sveitir Rússlands og hittir landeigendur, ráðsmenn, bændur og bóndakonur auk annarra minnisstæðra persóna. Hann lýsir þessu fólki með raunsönnum og eftirminnilegum hætti en sagan er þó ekki síður óður til rússneskrar náttúru – birkiskóganna og sveitarinnar.
Þegar Bergþóra í Hvömmum finnur lík á víðavangi sér hún strax að maðurinn hefur verið myrtur. Hún veit að ýmsir báru heiftarhug til hans eftir réttarhöld þar sem blásnauðir einstaklingar hlutu þungar refsingar fyrir litlar sakir. Margir eiga harma að hefna og fleiri gætu verið í hættu. Sjálfstætt framhald af Þegar sannleikurinn sefur.
Þegar Mírabella byrjar í nornaskólanum lofar hún að gera ekkert af sér ……En svo gengur allt á afturfótunum í bruggtímanum og flugæfingin endar með ósköpum. Áður en varði er Mírabella búin að brjóta allar reglur sem hægt er að hugsa sér.
Örlagasaga mæðgnanna Sigríðar Ögmundsdóttur og Huldu Karenar Larsen
Storytel-verðlaunin 2025. Fyrir 70 árum gerðist hræðilegur harmleikur í Dillonshúsi við Suðurgötu 2 í Reykjavík. Að morgni 26. febrúar 1953 gaf heimilisfaðirinn eiginkonu sinni og þremur ungum börnum þeirra eitur og svipti svo sjálfan sig lífi. Í þessari bók er rakin saga þeirra sem við sögu komu. Áhrifamikil fjölskyldusaga.
Fyrsta atvinnuviðtal Sifjar, nýútskrifaðs guðfræðings, fer ekki eins og hún hafði vonað. Eftir að þau sóknarpresturinn ganga fram á lík við altarið er henni boðin tímabundin staða kirkjuvarðar frekar en prestsembætti. Hún einsetur sér að sanna sig en fljótlega kemur í ljós að ekki er allt sem sýnist í sókninni. Sprenghlægileg glæpasaga.
Móðurást: Oddný er saga langömmu Kristínar, konu sem ólst upp í Biskupstungum á ofanverðri nítjándu öld; einstæð, djúpvitur og töfrum slungin frásögn sem fetar á mörkum hins skáldlega og hversdagslega. Kristín hlaut Fjöruverðlaunin fyrir bókina og Íslensku bókmenntaverðlaunin fyrir framhald hennar, Móðurást: Draumþing.