Síða 35 af 37
Forfallinn safnari fær vídeóspólu með vandræðalegu efni í hendurnar. Sérvitur verðlaunahöfundur hefur haslað sér völl á samfélagsmiðlum undir dulnefninu Hjartakonan. Myndbandsgreinandi hjá Interpol er haldinn Tetris-fíkn og sendur í veikindaleyfi til Íslands. Dag einn fléttast líf þeirra saman á óvæntan hátt.
Höfundur skáldar sögu föður síns sem fæddist í Hælavík á Hornströndum. Ljóðin fjalla um áföll sem faðirinn lendir í sem drengur og fylgja honum alla ævi og valda honum iðulega búsifjum. Ljóðin sýna líf föðurins og flótta hans frá þessum áföllum sem brjótast fram þegar hann jarðsetur yngsta son sinn.
Árið 1941 stigmagnast seinni heimsstyrjöldin og Evrópa brennur. Í skerjagarðssælunni í Arkösund er hins vegar allt nánast eins og það á að sér að vera. En ekki fyrir alla. Þegar Margareta, dóttir verksmiðjueiganda, hittir gyðinginn Henry umturnast líf þeirra.
Tove hefur starfað hjá sama forlaginu í sautján ár og unnið sig upp í stöðu útgáfustjóra. Þegar nýir eigendur taka óvænt við fyrirtækinu breytist allt. Í hita augnabliksins segir hún upp – og skyndilega er tilveran komin úr skorðum. Hrífandi skáldsaga um fjölskylduleyndarmál, missi og von – og hugrekkið sem þarf til að þora að velja nýja leið.
Justine nýtur þess að verja tíma með gamla fólkinu á elliheimilinu þar sem hún starfar og heillast af átakanlegum minningum Hélène Hel, aldraðrar konu sem lætur sig dreyma um liðinn tíma. Saga hennar færir Justine kjark til að takast á við eigin fortíð. Angurvær veisla fyrir aðdáendur fyrri bókar Perrin, Vatn á blómin.
Rakel fær ábendingu um að taka fyrir ríflega þrjátíu ára gamalt hvarf unglingsstúlku í hlaðvarpi sínu. Hún ákveður að kanna málið og fljótlega kemst hún að því að ekki eru allir ánægðir með að hún sé að grafa upp fortíðina. Og sjálf þarf Rakel að takast á við nýjan veruleika eftir að kunnugleg kona hringir óvænt bjöllunni heima hjá þeim hjónum.
Um missi, söknuð og trega
Hvernig tekst maður á við það að vera skilinn eftir? Þá varð myrkur að morgni geymir fræðigreinar, hugleiðingar, minningar og ljóð fólks sem flest á það sammerkt að hafa glímt við djúpa sorg vegna óvænts og ótímabærs ástvinamissis. Bókin kallar eftir breyttum viðhorfum til slíkra áfalla og hvernig hið opinbera bregst við þeim.
Hvað gera dýrin áður en þau bjóða góða nótt? Hjúfraðu þig upp að smáfólkinu þínu og svífið saman inn í draumaheima með dýrunum undir stjörnuprýddum himni.
Strand herskipsins Gautaborgar á Hraunsskeiði 1718, aðdragandi og afleiðingar
Árið 1718 hafði ríki Danakonungs, og þar með Ísland, átt í stríði við Svíþjóð í níu ár og sá ekki fyrir endann á þeim ófriði. Kaupskip fengu herskipafylgd á siglingu milli Kaupmannahafnar og Íslands. Í nóvember 1718 strandaði og fórst fylgdarskipið Gautaborg (Giötheborg) úr flota Danakonungs á Hraunsskeiði austan við Þorlákshöfn.
Hún er að leita að Guði, hann er djöfull í mannsmynd. Örlögin leiddu þau Míu og Tomma saman aðeins fáeinum klukkustundum áður en heimurinn fórst. Þau eru jafnólík og dagur og nótt. En þar sem það lítur út fyrir að þau séu einu eftirlifendur mannkyns verða þau að standa saman, hvort sem þeim líkar það betur eða verr.
Heiðarleg og persónuleg frásögn um áföll, kvíða og kulnun. Saga um það hvernig fortíðin getur haldið áfram að móta líðan og viðbrögð í núinu – og hvernig ný sýn á eigin reynslu getur skapað meiri mýkt og dýpri tengingu inn á við.
Í þjóðaratkvæðagreiðslunni 29. ágúst 2026 höfnuðu Íslendingar því að aðildarviðræður við Evrópusambandið yrðu hafnar að nýju. Í þessari bók er rakinn aðdragandi þess að málið var lagt fyrir þjóðina og hvernig tilraun íslenskra stjórnvalda til að endurvekja aðildarferlið þróaðist.
Sviðsmynd
Kínversk orrustuþota hrapar í taívönsku loftrými. Í kjölfarið fyrirskipa ráðamenn í Peking árás á Taívan. Bandaríkin, klofin vegna innanlandspólitískra átaka, grípa til varna – en alltof seint. Í þessari sviðsmynd greinir þýskur stjórnmálafræðingur hugsanlegar afleiðingar kínverskrar innrásar í Taívan og bendir á leiðir til að forðast slík átök.
Jakob stendur á tímamótum. Honum vegnar vel í starfi, en sambandið við eiginkonuna er orðið erfiðara en áður, og hann hefur fjarlægst stálpaðan son sinn. Þegar sagan hefst dag einn síðla vetrar eru þau hjónin á leið í bústað austur í sveitum, og tíðindalaus helgi framundan. En atburður, sem gerist þann sama dag boðar harkaleg hvörf í lífi hans.
Áleitið sálfræðidrama þar sem hinn níu ára gamli Lawrence, sem býr yfir visku langt umfram aldur, berst fyrir því að halda fjölskyldunni saman þegar öllu sem hann þekkir er snúið á hvolf. Breski rithöfundurinn Matthew Kneale er einnig höfundur verðlaunabókarinnar English Passengers sem talin er ein af 25 bestu skáldsögum þessarar aldar.
Lífshlaup Sigríðar Ólafsdóttur Meyburg
Frá fátæku heimili á Ströndum til Grænlands, Bandaríkjanna og ferðalaga um heiminn – Sigríður Ólafsdóttir Meyburg lét aldrei mótlæti ráða för. Faðir hennar fórst með togaranum Jóni forseta þegar hún var barn og í kjölfarið leystist heimilið upp. Þetta er mögnuð saga af konu sem fór sínar eigin leiðir og sjaldan er rómantíkin langt undan.
Það sem höfundar Landnámu töldu rétt vera
Illugi skoðar hér hvaðan landnámsfólkið kom, samkvæmt Landnámu, og athugar stöðu þræla, gerð bæja, skipakostinn, yfirráð norrænna manna á Bretlandseyjum og fleira. Aðallega tekur hann þó saman frásagnir Landnámu um það landnámsfólk sem er meira en nafnið tómt. Og sú mynd sem Landnámuhöfundar draga upp af landnámsfólki mun koma ýmsum á óvart.
Íslenski þjóðbúningurinn er sprottinn úr þjóðlegum og alþjóðlegum farvegi í senn. Saga hans veitir innsýn í íslenska menningu. Brúðarbúningur með ríkulegu kvensilfri og háum faldi á höfði var glæstasta gerð búningsins. Horfið er á vit fortíðarinnar, m.a. til sumarsins 1809 þegar dýrmætasti faldbúningurinn, sem varðveist hefur, var í sviðsljósinu.